畢業到而家，一直都有儲下錢、投資下，希望以後有個好啲既生活。
但自反佔中到而家，分別係舊年7月同今年放曬所有股票，只剩下舊公司分紅既股票，同小量搬離左香港既澳元和美金。其他全部都係現金
阿媽果代話一生三宅，但而家連10年後留唔留係香港都唔知，真係好迷惘
你迷惘嘅原因係咩？唔知自己十年後會點？唔知香港會點？
其實日子總會過，諗下自己未來想要啲咩？賺錢？安定？
之後再諗下留係香港定移民，再諗夠唔夠錢，之後再諗下一步。
大家都會徬徨，不安，一齊努力加油！
我都好明白你嘅迷惘。而家都係儲曬現金咩都唔敢買，但又怕銀紙貶值
係呀，現金又驚佢貶值，股票樓市嗰啲又話唔好買住，啲人話買黃金最好，不過依家金價好貴
如果可以比我揀，緊係想係香港發展，升職加薪，買樓然後有唔錯既生活喇。始終對依度有感情，但係已經見唔到香港有前景，我仲有30年先退休，其實係時候要決定去邊。
首期本來一早儲好，打算買嘉亨灣，但而家可能改為投資劏房就算，但又好似好可惜啊。
係啊 
如果儲夠首期又供得起，我會照買，到時真係走就賣樓，或者遲啲走又儲夠錢，而家層樓租俾人可以當被動收入
我有啲擔心難放… 