以前好鍾意睇她的書，近十年她的書真是越來越悶，仲常常前言不對後語，又多色情野，呢度有冇亦舒迷有同感呀？
2個讚
係囉， 我由中學開始睇， 近呢10年真係好唔掂。 以前佢D書， 隔一段時間就會翻睇， 大大話話佢早期作品， 每本都有睇過最小5次， 最最最好睇嗰D， 玫瑰的故事， 朝花夕拾， 阿修羅…等等， 甚至翻睇過超過10次。呢十年嗰D， 睇完隔一排，都已經唔記得自己睇左。
1個讚
係喎，唔係線條就係體毛，人物唔講咩性格咩特別，淨係個樣得同全身毛就可以令女主角迷失人生，痴線，個個女主角都好似阿嬸去左叫鴨咁
1個讚
其實而家亦舒幾多歲？
以前寫的好睇好多
亦舒仲出緊書？勁喎
1個讚
係 以前好鐘意睇亦舒
喜寶 天秤座事故 睇左n次
近兩三年都有買幾本新既黎睇
好似怪怪的 雖然佢都有追貼時事寫故事 但感覺不同了
又或者 人長大了 又唔同feeling
近十年嘅亦舒我一本都無睇
以前果D我差不多全部買晒
我最喜歡
他們不是天使
圓舞
我的前半生
在那遙遠的地方…
我明知而家D唔好睇但間唔中都買，心"引"
我而家只睇佢散文, 新d嘅小說已無興趣了
有人說近年的小說不是出自她的手筆
的確和早期的作品相比是多了很多情色的描述
我心目中的亦舒應該不是走這個文路啊！
她早期的作品很多也很好看： 朝花夕拾，蓉島之春。。。
很喜歡她筆下主角的名字，都很簡單，但有意思！
1個讚
那麼現在有甚麼愛情小說/作家推介？
以前嗰啲真係好好睇
唔會過時
10+年前已係咸小說，冇睇了。
而且佢係藍c黎㗎
1個讚
亦舒唔係倪匡果妹？藍架？
2個讚
吓原來她是藍的，但倪匡極憎共產黨，好似兩兄妹巳不見面多年。
1個讚
屋企儲咗好多本仲響度，不斷翻睇又翻睇。我第一本睇《天砰座事故》。
一直都有條癮繼續買支持，但近年已經冇一個新故事令我深刻。
佢係藍㗎咩？噢咁拜拜！我睇返衞斯理…
1個讚
應該有70歲了
1個讚
早期嘅書差唔多有齊， 後來我嫂鐘意，我比晒佢了。