我仔由細到大都要用包被先訓得冧，一唔包實就好易醒，然後係咁撑下撑下係度扭，但佢已經6個幾月，驚咁樣包住佢訓會影響佢發展，咁可以點
用睡袋得唔得呀？ 
我諗訓覺姿勢唔會影響到發育掛，最緊要床褥合格就ok啦？我個B識轉身之後反訓到啲姿勢勁奇怪。如果佢唔舒服都hold唔到咁耐嘅。
我都係中間轉睡袋。因為包實擔心安全問題。不過慢慢發現，原來佢地包唔包都會因為年紀睡眠質素都有不同。
用奶嘴得唔得？會唔會係溫度問題？
BB中意包實哂咁瞓係因為覺得有安全感, 好似係媽媽個肚入面咁 
照計又唔會影響到佢發展既, 因為佢地想郁都會自己郁到=]
用睡袋, 令佢有安全感, 唔會影響發展
我個囡都係，由出世用到依家差不多五個月，但因為佢超細碼，我都驚用包被會影響佢發育
所以呢幾日試緊唔用
我個仔一樣呀
依家鍾意側瞓
半夜甩左啜啜叫醒我嗰陣發現佢成個人打橫訓左係個枕頭上面
1個讚
我仔果時未出世已經啜手指，出世後番屋企我就學人地包實佢訓（人地話有安全感丫嘛），點知間中聽到啲「e…e…airair」嘅掙扎聲，走去望原來佢縮番隻手出來要啜手指，搞到衣衫不整露膊頭
所以我改用睡袋（包埋隻手都仲縮到出來啜手指），等佢唔會衣衫不整
不用担心，好正常，要安全感！順其自然，大D自然冇此情况。
2個讚