你老公有冇出來調和？
當媽咪和小朋友心情都差時，
就盡量避免正面衝突，
可以讓小朋友的爸爸試下處理功課問題
話唔定有轉機 
(好多家長揾私人補習老師都係咁嘅原因，
唔係因為家長唔識教課程內容，
只係唔想勞氣影響親子關係，
寧願比錢請人來上堂或者跟功課。)
而家停課好多小朋友都好懶散，我同老爺奶奶住，我老公個妹對仔女，一個小六，一個小三，由停課開始一直住喺度，因為佢爸媽要番工，索性喺度訓，奶奶湊，但眼見，幾個月嚟開zoom上堂，永遠都係播住老師把聲，但佢地手機就永遠打緊機，或者訓住覺聽，手機又永不離手，由朝到晚,手機，switch,無loop
好多謝大家，同大家傾完心情好d了
我會嘗試各位提供的方法
我全部用Timer計時。做好一份功課，有15分鐘玩Animal Crossing時間，30分鐘練琴，又到15分鐘自由時間。一定要訂個規則，否則越大越難搞。加油我地食飯一家人睇電視，會睇百變小櫻Magic Card同Clear Card。呀女8歲，由Preschool時已經開始訓練佢有規律咁做嘢。
阿仔細細個果陣補習社已經train到佢一定要set 時間做好功課同溫好書，D老師都教係屋企都要keep 住俾佢地有呢個習慣。
好同意要用timer 幫小朋友，我屋企個2個小朋友用左呢個方法，先慢慢識得點樣分配時間做野！！
初初我老公都幫口話唔好咁harsh，但佢見到阿仔阿女真係做到，佢而家自己做野都會set 時間
平日邊個照顧？ 可唔可以試下同佢一齊set個時間表？比佢做主導，每晚結算，做到嘅獎貼紙或者吸印仔，儲夠一定數量可以獎勵下，加油
Time table係好重要，特別係唔洗上課的日子。我女都係小一，基本上同你個仔一樣，鍾意睇youtube鍾意玩switch唔鍾意做功課默書。但我每日都set左time table下午一點到三點係做功課溫默書時間，四點到五點做運動時間，食完飯之後一個小時係玩玩具或者畫畫時間，完成曬時間表要做既嘢基本上距鍾意點玩都得。基本上距都肯聽同肯做，但時間表以外再做多就唔肯了。
小一比距地hea下啦我覺得，唔洗咁緊張，當年沙士停課我form3我都係日日玩加睇電視，邊有zoom上堂呀果d，我咪一樣大學畢業。
小朋友唔可以俾太多空間佢自主任何野，
學習時所有野都係以規則為準，
當然遊玩時可以輕鬆唔洗講規則，
佢想要睇電視就要完成某樣野先去做，
唔係俾佢慢慢拖，慢慢磨，
耐性都無曬（大家），
佢又變得無動機，學習又變得無效率，
只會媽咪辛苦
點解停課都咁多功課？咁咪即係外判教學工作比父母
想當年SARS我小學，真心日日玩，無功課，無online堂，去到尾聲學校先寄左一疊功課，個時我都好唔開心
但好彩舊時功課唔難，叫做自己都做到大部分。
每個人天生生理時鐘唔同，小朋友最緊要夠訓，唔係一定要早訓，佢夜訓咪夜d起身囉，或者訓晏覺，反正停學，唔洗咁緊張。
媽媽你唔好自責，唔係你的錯，都唔係小朋友的錯，係社會的錯，係中共的錯，攪到武肺，攪到停學，攪到生活亂哂。
上面好多媽媽都比左好多好好的建議你，慢慢黎，嬲同唔開心係好正常，你要做d令你自己開心的事先，食雪糕之類，開心返先有力氣再戰小朋友
你依家個問題好明顯係個仔已經成功解鎖左睇電視放題，上左引。真係大鑊。要諗諗計攪掂個電視。而由唔會令佢反感。
如果傾得到， 就傾埋訂時間表，一定要佢自己決定幾時做啲乜， 你在旁比意見，做完乜嘢就可以休息幾耐咁， 咁細個冇可能坐一兩個鐘， 20-30分鐘休息十分鐘咁， 比佢諗下有乜好想做， 就休息時間做，等佢有動力完成要做嘅野， 順便教埋睇鐘
咁細個冇可能自己自動波，100個都冇兩個小朋友會自己去溫習，初時一定要大人堅持陪佢先得
定期檢討返個時間表
我仔初小， 初初又係叫極都唔埋位，後來用了時間表， 試左頭兩個星期係辛苦嘅（大人）， 大人要響旁邊陪佢提佢集中， 唔係就冇休息時間， 休息夠鐘又唔可以比佢拖， 唔可以佢唔肯就唔收， 話比佢聽夠鐘做野， 做完先玩
仲有，做得到一定要讚，比佢自己有滿足感多過物質奬勵
我自己試左兩個星期後尾都跟唔足時間表， 但叫埋位爽手左， 寫字靚左， 做野快手左（早啲做完目標多啲時間休息），我都心滿意足
有時對小朋友係要有少少犧牲，我上年開始冇做野就係睇住佢，佢而家係需要我嘅時間， 錢同仔之間我揀左仔
樓主唔好咁SAD, 慢慢改變習慣
2月剛開始停課時我女都好懶散, 我都係睇唔過眼就每日寫低要佢做咩, 未必係功課, 可能係睇書, 練字, 背詩, 樂器, 家務… 總之比D野佢做, 我地大家都傾好左悠長假期唔可以日日無所事事, 呢個共識係一定要有!
每日放工返黎就睇下做好未, 星期六日先一次過對, 做好的話第2日先有自由時間
我朋友個仔日日打機, 打到阿媽鎖機入夾萬, 佢就開電腦電視, 嬲到阿媽又收埋D CABLE, 佢就拎望遠鏡望隔離屋個電視!! 我想講嘅係, 小朋友好醒目, 大家最好傾好目標, 約法三章, 你好我好~
我覺得可以同照顧者傾一傾，其實我覺得你可以set up 一個time table. 唔係話唔比自由佢哋，而係遊戲時遊戲工作時工作。講真，我哋做大人嘅都想玩唔返工，我都想日日打機睇電視唔做嘢，但要教識佢哋識得分。set time table 唔單單係俾小朋友跟，亦都係比日頭你返工幫你睇住小朋友果位成年人跟。
我同我個小朋友講咗，日頭係做嘅時間，太陽落山就係自己活動嘅時間。我會set好咗每一個小時有啲咩要做。做得快未到下個鐘就係佢嘅自由時間，或者佢可以選擇做埋之後啲嘢一次過休息或者玩耐啲. 同埋亦都有個guide line 比照顧者知道今日有咩要幫/陪個小朋友去做。
有時唔係淨係小朋友掛住睇電視打機玩，照顧者都可能想輕鬆啲開個電視俾佢。所以我覺得set time table 大家跟就會方便少少。希望幫到你。唔使太擔心，呢個時間大家都難捱
我小朋友係級頭，而家都懶散啦…因為我都懶散，見我打機佢又打，又無咩目標，又無考試。而家停課真係無晒規矩