係
不過好老實講，經過呢個疫情，第一次睇得出，we Asian are a joke (佢哋眼中)
點解咁講呢，三月頭我周圍同啲身邊識嘅人講，大家要小心處理，不如我哋一齊去買啲洗手液俾啲細路帶返學（因為藥房已經冇貨，我要訂大量），得來嘅反應係，下乜你真係以為咁樣有用咩？唔好講話帶唔帶mask，呢樣野我根本唔會同佢地講，已經唔係第一次佢哋同我講話唔明點解亞洲人要戴口罩
呢度其實我得一個好朋友，佢亦好唔好彩中咗！所以我知道佢哋政府對中咗病毒嘅人成個處理方法，你唔會相信係可以做得咁少，你可以話佢哋冇經驗，但係一月二月三月，佢可以睇吓亞洲國家點樣去處理，睇得出佢哋完全冇真係參考過
係，真係比佢哋累死
呢個同你地分享吓都好，其實今次香港醫療同政府，比其他所謂先進發展左嘅國家做得好好多
晏啲我寫俾你地睇
你個friend 依家點？
難聽講句，呢樣係佢哋覺得自己醫療、科研都比亞州人叻，如果由美國佬、英國佬講會有權威，說服力。
所以今次把關不力，佢哋都責無旁貸。
香港醫療體系及人員，確實係全球數一數二精英。政府就算吧了，貓哭老鼠，仲要叫人唔好戴口罩，戴咗都要除！chi chi de!
今次守得好係全靠大部分香港人本身質素高，敏感度十足。靠政府一早已經失守。
再難聽講句，如果唔係因為反送中運動使到大陸少咗自由行，十二月、一月新春假已經足以隨時百萬人感染。（諗起都一額汗）汗
台灣又係因為大選被封旅客先避過一劫。
否則又係變咗最重災區域，都唔知算唔算因「禍」得福。
超等… 暴露年紀喎！
我當然都留唔少毛啦！
點解我睇咗German Pool [德國寶]
係，香港人好爭氣
其實呢度一樣咋嘛，政府話唔使戴口罩，瑞士人係咪白癡㗎呢？點解要聽呢？我哋香港人就係因為冇聽所以避過，香港人做得好我有同呢度嘅人分享過，希望大家幫自己亦都幫到其他人，但係最終都係嘥氣
我講醫護做得好同埋政府嘅災難危機組做得好，係因為點樣去處理有疫情嘅時候
（我會將我朋友中咗疫情全個流程些牙，俾少少時間我)
蕉媽，
番！
Tks
俾少少貼士我，係唔係舊朋友呢？
你應該唔識我。
不過我係 蕉仔粉絲 
有可能認得架
But anyway hello!!!
…
不如妳開個帖
瑞士的xx 
首先講吓朋友嘅背景
佢係做藥行嘅實驗室人員，有三個小朋友分別係兩歲五歲同埋八歲，老公啱啱換咗腎，佢哋三個仔女都有哮喘，最細個仔做過三次手術因為個氣管好窄
三月頭，佢一個人帶咗三個小朋友去咗埃及，去嗰度嘅原因係因為佢媽咪係埃及人（Daddy Swiss), 探親原因，亦都因為佢真係大約三四年冇返去（嗰時需時都未爆好嚴重嘅疫情）
三月中，佢臨返瑞士前三日，WhatsApp 話我知佢唔舒服，有發燒又有喉嚨痛，嗰時啱啱爆咗話香港有埃及旅行團返香港中招，我就叫佢快啲去檢查，不過埃及要去檢查亦都唔係容易，好似亦都係冇，同埋兩個細路要返學，所以佢哋決定星期三夜晚照原定計劃返瑞士（其實諗返又好又唔好，如果佢哋唔番，埃及嗰邊過咗一個禮拜就封關其實諗返有好有唔好，如果佢哋唔返，埃及嗰邊過咗一個禮拜就封關）
因為佢老公嘅問題，我提咗佢好多次，佢最好同佢老公隔離，同埋一返到黎即刻去檢驗
星期四佢打返去實驗室，同佢地講呢個問題，咁因為佢嘅職業問題可以立即安排去檢驗，其實正常佢返咗嚟之後冇發燒，呢度係唔會幫佢檢驗嘅，因為佢亦都唔係高危人士。去咗檢驗，嗰邊話要星期六先有報告，叫佢唔使擔心，細路可以返學佢依然可以返工！
我同佢講，麻煩你等到星期六有報告先，唔好比啲細路返學（佢個仔同我個仔好好朋友㗎），佢公司亦都叫佢唔好返工住。
但係佢星期五去咗超級市場買嘢，雖然我聽到覺得好荒謬，但係又有咩辦法呢？一個女人拖住三個仔女，佢老公係唔敢出街，其實同我差唔多都係唔敢出街，咁一家四口都要食㗎？
星期六報告出咗，係中嘅！
醫院叫佢返屋企自行隔離，冇任何藥物，亦冇任何限制，大家講個信字！佢三個細路都有咳，醫院冇幫佢哋檢查，同醫院講咗話老公係高危人士，可唔可以幫佢做檢查，亦都冇做
醫院亦都冇問過佢佢嗰邊，搭邊一班航機，呢幾日又去嗰邊啊，完全冇跟進，完全係覺得唔關事，冇諗過去關心
醫院話叫佢隔離14日，過咗14日，佢就可以恢復正常生活。大家要留意，呢14日同埋過完14日，冇任何跟進，亦都冇再測試究竟個病毒係咪真係完咗，好死板板咁覺得14日你唔死就真係好返（我唔阻我姪女，佢係公院嘅醫生，香港如果要出院係要做兩次測試以上，all negative 先俾走）
呢14日，我勸咗佢老公去酒店隔離自己，但係第七日，政府無啦啦宣布全國戒嚴，餐廳酒吧酒店全部要停業，冇辦法，佢老公又要返返屋企！ 對唔住寫到呢度我覺得好好笑，比電影更加痴線
我同佢由三月冇再見面，冇可能同佢見，佢哋依然都係咳緊
五月開學，我都唔知點樣可以禁止我個仔同佢個仔玩，另外有一樣野就係佢個仔好鍾意嚟我屋企，一個禮拜起碼有三日，另外佢亦都係籃球隊員，即係同肥蕉真係朝夕相對，好難做，人家政府話你冇事，我憑乜嘢話你有事而拒絕我個仔同你個仔玩呢？
我諗用依件事解釋比大家知，點解我咁擔心呢度嘅疫情，唔係淨係口罩，係成個政府對疫情嘅操作都係令人擔心。呢排睇啲古代書，人哋幾千年前有疫情都識得佢最病源，之後做分離政策，就算你點樣冇經驗都好，有common sense 㗎？
寫完出埋先見到你個提議，too late la
其實呢幾個月真係好不安，自己睇得到嘅就係好多錯處，安排方法唔應該係咁，有幾日呢度每日係死一百幾十，其實係咪真係唔可以避免啦？
佢哋成日講話，呢個病唔係好危險姐，死嘅都係上咗年紀同埋長期病患者，我對呢啲講法好反感，就算一個上咗年紀八十幾90歲嘅人，就算係上邊嗰兩個痴線嘅人，我都睇唔到有乜嘢原因佢哋係因為呢個疫情而抵死，所謂長期病患者，包括我啦，包括換腎嗰個老公，包括大蕉個同學嘅白血病康復左嘅爸爸，咁我哋係咪又係抵死？
呢個病講得啱，我哋人類唔係做得好多嘢，但係唔係咁樣放鬆姿態，有得佢越爆越勁，呢度唔係印度唔係非洲發展中嘅國家，依度有咁多全球最大嘅藥行，追縱病源連我一個唔識醫學嘅人都懂得，點解呢度乜嘢都唔做啦？
我諗呢個不安，尤其係我哋香港人會更加深切明白，我哋見到嘅錯漏，一定比本地人多
支持!
我終於可以返尼啦，新手上路無權限，好慘！
呢個政府直頭乜都等中央指示先郁，即使政府内部有d 細既向上進言，中層個個都驚政治不正確，點都要等隻爛娥指示，唉。