今日入咗赤柱，天氣好舒服又唔算多人。
D 餐廳都防疫做得唔錯，轉咗buffet 為送上枱。
係呀，好難㩒。我都係二月頭中申請。
你6299？
知，外國呢次真係做得好差，我有留意歐洲情況，依家最似樣係瑞典
我2月中時申請過，3月中就去了一次。現在想再申請，次次話滿額。
1個讚
係6299
估唔到嚟到呢度，最後我先係最有資格寫呢個爺婆媳關係，或者叫做飛越瘋人院，個分別係依間瘋人院我哋要交租，想搬又話如果我哋搬咗佢哋生活冇依靠（但係唔好以為你真係窮喎，差唔多每個月都去一次旅行），但係不時發癲， 唔好以為我哋成日見面，一年都食唔到一次飯，一層樓3floor, 62最高嗰層，99中間，我哋做底層，每層有獨立廚房廁所，各有各生活，其實咁係好好㗎，但係唔見面都搵到地方同方法令你個心好唔舒服，例如舊年暑假，我老公好勇敢話出花園燒嘢食，不嬲我都唔想做呢樣野，因為佢哋成日令到我兩個仔好難受，例如試過兩個仔同D朋友喺花園講嘢，上面用水射，但係之後又唔認。講返燒嘢食，當時亦都有兩個仔嘅朋友喺度，咁一開始我啲仔幫手拎嘢出去，老公就仲未出嚟，我就喺廚房準備啲嘢食，忽然聽到肥蕉入嚟喊，大蕉喺出邊喊，原來樓上有癲狗無啦啦開左個窗，鬧我個仔asshole （完全唔知發生乜事），又f 又成。我老公聽到立即走出去問佢哋有乜嘢問題，上邊又係咁樣鬧落嚟
呢度你住邊度就規定你讀邊一間學校，我呢度附近全部都係House ，租一間講緊4000至7000瑞士法郎，五六年前搬來呢度，兩個仔適應左有自己嘅生活圈子，如果我哋再搬又要轉學校，同埋我覺得搬咗，相信我老公唔會再搵佢老母（62唔係老公嘅親生老竇）
其實佢哋叫咗我哋返嚟四年，又特登空左底層唔租出去留俾我哋，兩老亦都已經退休，咁當時我哋覺得老公喺香港已經20年，佢阿媽得壹個仔我哋係應該返嚟㗎，點解知會咁！乜嘢特登空左底層唔出去，基本上冇一個租客住得長，呢個先係最大問題
Soso話過覺得佢哋種族歧視我，初初我都覺㗎，但係見到佢點樣喺屋企監視周圍嘅鄰居，有次聽到有個男仔踩滑板，我聽到62立即跑出去捉住嗰個人，鬧佢嘈喧巴閉喎！嗰時係下晝兩點，又知道住喺我哋隔離嘅鄰居，俾佢用粗口鬧過，因為話佢咁晏走去拉個垃圾桶出街，之後個鄰居同我哋講，所謂咁晏係下晝五點。呢度亦都比警察上門兩次，話有對住嘅鄰居夜晚開party，有人走去打爛佢哋嘅玻璃，嗰個人啲鄰居睇住佢係跑返嚟呢個屋！啲警察懷疑我老公喎，唉！搞到呢家鄰居最後搬走咗，上半年搬入一家新屋企，搬來冇幾耐我哋就聽到喺門口有兩個男人喺度嗌交，原來新鄰居個男人嚟找我老爺晦氣，話原來我老爺趁佢唔係屋企，走去鬧呢個男人嘅老婆，話佢下晝五六點去執花園而搞到好嘈（請留意我講對面，起碼100米嘅距離），又話下次再係咁會打人等。最後奶奶又係話，佢係咁㗎啦，佢啲脾氣又因為飲咗酒，麻煩你哋原諒佢啦，佢係老人家
講住咁多先，其實我好開心可以又同人講吓，今次講住一少少，等你哋明白點解我唔想出花園
1個讚
溫馨提示，我依然係唔係手寫寫中文，係語音入，所以會出現好多奇怪嘅字
五月11全國開學
依家每日都大約係200個新個案
我老公叫過我不如我返香港，因為兩個仔返學，佢哋有可能感染左返嚟傳染我（我係超級哮喘同埋舊年12月肺炎，搞到個肺功能好差），我話返香港唔係問題，但係唔通我返香港一年半載？呢個病毒冇可能咁快冇事嘅。佢話冇辦法都唯有係咁，無返香港係咪搵份工做啦？兩隻仔又點呢？到而家我都唔知點算
如果自行停學，政府係可以告我哋㗎
1個讚
German-part 果邊算係最intel , 大部分local 都比其他區nice , 應該唔關歧視事。
你62 個行為似腦退化。
唔止一次我同99講過，你帶佢去睇醫生啦，到今時今日都未做過，只係叫我哋體諒明白
其實佢都係痴線
話說半年前佢哋去咗山區一個民宿度旅行，有個兩三歲嘅細路，咁佢哋兩老食早餐，嗰個細路就踩住三輪車，老竇就喺廚房忙碌緊，奶奶話個細路不斷用架三輪車撞老爺隻腳有個兩三歲嘅細路，咁佢哋兩老食早餐，嗰個細路就踩住三輪車，老竇就喺廚房忙碌緊，奶奶話個細佬不斷用架三輪車撞老爺隻腳，咁奶奶就話個細路唔啱，佢好自豪同我講：咁我就捉住佢，好大力踢返佢隻腳，佢大喊啊，走去同我老竇投訴，我真係好開心沒有做到呢一步，因為之後佢唔敢再嚟騷擾我哋
（究竟做咗呢啲嘢有幾自豪仲同人哋講？）
2個讚
果邊天氣全年偏乾，你可能要放噴霧同加空氣清新機。我上年五、六月去都忽然爆皮屑炎。
暫時唔好返黎住，香港都好亂，我都睇唔到前景。
可以試戴靚仔型布口罩，入面放濾芯？外國人好怕醫用型裝扮周圍走，始終文化唔同⋯
好正，LM
加油
你都要試吓得閒上黎發洩下，否則屈埋好辛苦。
我係唔會出街㗎啦，自己個醫生都叫咗我唔準出街
依家係驚兩個仔返學帶啲病菌返嚟
可能我長期戴口罩啦
1個讚
有時係好嬲㗎，但係正如我所講，唔通你殺咗個痴線佬嗎？唉，唯有當笑話講吓，啲人可以痴線到去邊一個地方
tks
1個讚
點解你99會同62 分層住？係咪佢都知62有問題。如果係，其實即係佢係知道咩問題，而且明白自己都未必可以handle , 所以想你地返去？
或者試吓叫你老公同阿媽傾下，始終要面對呢個問題，你62 都幾嚴重
呢個睇法有保留
前幾日喺信箱收到，只係我們一家有（問咗鄰居，佢哋冇收過)
大約意思，上面嗰圖就係話，一個中國人話你哋而家有病菌，我哋中國will help，下便嗰個就話，食呢啲啦，內有蝙蝠（大約意思）
如果唔係淨係放喺我信箱，當然係冇問題啦，但係點解會出現喺我信箱嘅？
我識我老公咁多年，一早佢哋兩老都係分開住
好似係我老爺提出嘅，佢話佢好需要私人空間
根本叫我哋返嚟住就係解決金錢問題咋嘛
唉，呢個疫症令全世界都反華，相信就算去其他東南亞都一樣。
澳洲、英國都好嚴重
有朋友係Mel 行街比local 用粗口閙，亦有朋友個仔係英國讀書，依家主要都係屋企，話好彩係比較鄕郊區，會好啲。
另外，有個德國網友都話依家去超市只係靠老公（老公local) , 自己都唔敢一個女人仔出街。
呢個疫症令全球經濟損失慘重，真係有排都唔洗去travel…, 去都要留返係亞洲區。