大家都見到中共港共以疫謀鎮，限聚令搞人、打壓黃店、手足被毒打、秋後算賬醫護、民主派大濫捕等等令人髮指既手段，不勝枚舉！
而中共港共係唔會鬆手，所以係疫情之下，網上定現實既戰線都要立即重啟！
我相信近排大家都見到幾個現象：
1）以龍門為首既著名黃店不斷係網上遭到狙擊，大量抹黑post
2）黃圈既group大量分化post，總之小事化大
3）大學學生組織既ig 被hack，所有政治post被刪除
4）以Twitter 為主既網絡國際戰線遭到洗版，大量hashtag #HK#香港#Hong Kong 或其他相關tag被灌爆，變晒做奶共文宣
簡單黎講，就係中共開始消化我地既戰略，用無限資源去打擊我地。
而親子講場（BD）新開，暫時以同路人為主，但只要大家努力，好快會得到認證，包括被建制媒體狙擊、大量五毛入侵等等
所以，我想各一位手足，不論前線定後勤，係作戰之前，要堅守以下守則，作為第一步：
切忌互鬧：我地係網上常常見到藍絲五毛，因為網上留言成本低，大家好易回擊，慢慢就演變成謾罵。所以大家見到無啦啦引戰個啲，請無視。（但我相信大家開始識分呢類低級垃圾，而對家都知開始失效，所以就出動高級五毛）
抵抗分化：高級五毛會裝扮成同路人，志在令討論兩極化。但唔好以為留意到近來龍門之類黃店被搞就覺得已經係高級五毛，當你地咁諗，已經輕敵。點解呢？
首先，攻擊黃店個班有機會係五毛，但其實維護黃店個班唔少都會係五毛，佢地會以同樣激烈既反應去撐黃店，甚至連居中協調既人都會被攻擊，或者懶溫和咁「勸導」你唔好理佢地。但只要諗多步，就會記得明明真係有一班好激進既同路人，而且佢地好多係勇敢既手足，所以分化post表面上係攻擊黃店，但核心係攻擊相對少數既激進派（唔好忘記人類係好易被印象影響，不知不覺將激進但同路既手足都打成對家），最後以內部互相猜忌去瓦解我地。
拒絕偶像：以上情況好易令我地混亂，溫和係鬼，勇武又係鬼，咁邊個先係呀？所以要記得唔好集中自己立場既資訊，尤其係KOL，愈多人分享既KOL就愈要提醒自己。舉一個例子，近來好多討論立會選舉35+，沈旭輝支持，認為要體制內重新回應香港人訴求；白兵反對，認為體制係假體制，唔推翻重建無出路。你會企邊一邊？其實都係視乎每個人立場。
又或者有人會話一齊做咪得，體制內外都抗爭無衝突，無錯~係無衝突，不過重點係我地有無接納堅持己見一方既心理準備同人文素養！如果有一日你能夠真心覺得手段唔同，但目標一致都可以接受係同路人既（只有自己先知，只可以撫心自問），咁先開始真正抵抗到高級五毛~
保持清醒：古代有句名言「用兵之道，攻心為上，攻城為下，心戰為上，兵戰為下」，之後會有更多群魔亂舞，大家要準備好自己既心，認真分析事情既真象，反省自己既盲點，唔好因為接近自己立場既事物就全部相信（咁同藍絲share個啲假資訊有咩分別？）。謹記保持清醒！
最後，荷蘭人係16世紀後期為左脫離西班牙高壓統治，打左一場足足68年既獨立戰爭，但即使係咁，依然成為叱吒一時既海上共主之一，而且同時建立起世界上第一間現代意義下既銀行、證券交易所同金融體系，更加建立左影響香港、台灣，以至亞洲歷史既荷蘭東印度公司。大家想香港被吞併？抑或重新立足於世界？要靠大家努力啦~
大家同意的話，都歡迎分享出去！！！
堅持到底，勿忘初心