求經驗分享，新屋裝修，計埋將出世既BB 3人家庭。
鑽石型廳好難擺傢俬，考慮緊整個櫃放摺檯飯檯，人多時先開出嚟食飯，平時用張茶幾食下野算，(可以留多d位擺地墊俾BB玩），定係BB都會成日要用到張飯檯，索性整定張固定飯檯係廳？
各位有小朋友既家庭可唔可以分享下過往經驗？Thanks
我都係鑽石型廳
不過無論乜廳，如果你個廳放到餐檯，我建議唔好買收得埋，因為有BB後實在太多嘢要放，出門口前、返屋企入門口，永遠倒瀉籮蟹，有張檯即時放低d嘢處理個B，好過放曬落地度阻住你處理urgent嘅嘢，我寧願買張細檯但可放大嗰隻（唔係摺埋嗰隻）
寧願唔要茶几都要飯檯
飯檯起碼係你BB2、3歲前仲可以擺到d危險物品（例如你飲水杯）
同埋你BB加固餵糊仔粥仔都有檯比你放下個碗水杯等等，用折檯到時都係長開
茶几我個人覺得阻地方，食飯食野都唔舒服。
我都鑽石廳，一定要放枱呢，bb野真係太多立雜野要放啦
個人意見，有BB係屋企盡量唔好用摺檯啊
固定可以較大小枱
多謝咁多位～我都偏向擺固定飯檯，因為覺得摺檯我一定會開咗唔再收埋