我係老師
自己好鍾意繪本
大家對小朋友睇繪本有咩問題可以提出
盡量回答
或者大家可以一齊討論下
1個讚
有冇啲適合半歲至一歲開始接觸嘅繪本？
太好啦
終於見到有人開繪本po，我其實都想定期做啲繪本分享，當然我唔係老師或者專業人士，只係想將自己喜歡既繪本分享俾大家知
（不過都有個問題想請教：應該點同0-2歲小朋友一齊睇繪本？對我有難度…
）
依個年紀其實專注力未有咁好
唔好期望小朋友可以坐定定聽晒成個故事
或者可以係書到學到乜嘢
主要比小朋友接觸下書就可以
幾個月嘅可以準備
布書：唔會爛、可以咬
有聲書：小朋友比較容易比聲音吸引
差唔多一歲就可以睇多少少嫁喇
可以揀啲硬皮書、重複性高、有少少機關嘅書
例如好出名嘅《好餓的毛毛蟲》
作者Eric Carly嘅其他書都好岩歲幾嘅小朋友
例如《從頭動到腳》、《棕色的熊、棕色的熊，你在看什麼》
可以按需要睇中文或英文版
另外日本作者三浦太朗有本叫《親一親》我個人都好鍾意
有興趣可以search下作者其他書，都岩依個年紀，不過唔係硬皮
大家都可以再發掘下其他書，總之重點係「重複性高」
睇嘅時候，小朋友唔想睇就唔好再逼佢
慢慢培養閱讀興趣
2個讚
我仔仔兩歲大 非常鍾意睇書
佢細啲個時因為講野比較慢避免bilingual就算係英文書我都用廣東話同佢講
依家有時想轉返英文同佢講 佢就唔接受
應該點樣做令佢接受用另一個言語閱讀？
點同佢哋一齊睇嘅意思係指培養到佢哋嘅閱讀興趣？如果係嘅話，我覺得有兩個重點
第一係建立閱讀習慣，即係有睇書嘅固定時間，例如每日臨瞓前都會一齊睇一陣書，如果做得到，大約歲半左右應該可以睇到完整嘅故事嫁喇
第二係要考家長嘅講故事能力，就係要夠誇張！用盡你嘅drama細胞，做埋動作，故事開心嘅時候高8度，甚至16度
小朋友就會容易被吸引！
2個讚
佢咁樣都可以理解嘅，因為好想聽故事，但變咗英文就聽唔明
我自己未親身處理依個問題，我諗你可以試下慢慢嚟，唔好一嚟就成本書用晒英文講
除咗睇書，仲有無用其他方法教佢英文？例如啲圖卡，如果有嘅話，可以試吓係書入面搵返係圖卡到嘅嘢，連結返英文同故事書，下次睇書見返個樣野，可以溫習返個英文
另外可以試下講故事嘅時候，講完一句廣東話，再講一句相同意思嘅英文，可以從小朋友已經熟悉嘅故事入手，因為新故事嘅話，可能佢都會比較心急想知道後面發生咩事，無咁好耐性
1個讚
<棕色的熊>的確好吸引，每次我拎出嚟，8m嘅小朋友都會bling bling眼好期待等我講咁
以前有日日講故事，但依家大個選擇玩lego，角色扮演多。不過有時都會主動拎書出嚟睇，開始自己讀(背)。除左車，最鍾意本無字書，因為可以每次揾唔同人做主角自己作故事。
小朋友4歲。
8m已經鍾意聽故事，叻叻呀
可以自己作故事，就係之前日日聽故事嘅成果喇
想問下廖彩杏介紹的英文繪本有用嗎？
thankyou 
4歲可以讀屁屁偵探繪本，我女細個好鐘意睇。到5歲可以同佢一齊讀埋屁屁讀本，我女岩岩6歲，開始可以自己一個人睇，不過暫時都係讀得比較慢。
不過好多時聽大半就搵第二啲嘢玩
thx 襯no paid執下個藏書，再添置啲新嘢先。
我孤陋寡聞，原本唔識佢，你問完我先search黎睇下
佢介紹啲書有啲都係出名嘅
都應該跟咗難度黎分
我認為可以作參考，但唔使跟晒
佢個淨係播錄音就可以學英文嘅理論有無用就係另一個問題
我始終覺得繪本係比家長同小朋友伴讀，跟小朋友興趣再延伸唔同話題，繪本唔應該只係for學語文，仲有好多野係入面
無錯，9成有睇繪本嘅小朋友，都係屁屁偵探嘅fans
對啊哈哈
伴讀除左學識外，最種要都係親子時光 
非常之正常嫁！肯聽已經係第一步
我估未到歲半一定可以聽晒一個完整嘅故事
1個讚