呢個年代, 我生完兩個女不知幾滿足
仲要大女似足我, 细女似足C6
又唔洗再去買男仔野
打算收爐之際
平時99都冇讲乜
呢兩日狂话人生三个四个热鬧啲
話第時会好開心
岩岩移左民, 喺呢边间屋大啲, 生B福利係好啲
令我本来最多兩个嘅谂法有啲动摇
但我又唔想生三个都係女
你地覺得要唔要生多個好？
如果我生第三個，我都希望係女
3個讚
我會有壓力呀，有兩個女，都想第三個係仔，未試過未見過，想感受吓係點…
你剛剛去到外地…要適應都唔易！如果有時間我諗多d照顧兩個女嘅情緒同社交適應會好d。生多個你一定會分神，又唔知喺外地點樣湊初生（d生活支援未必有hk咁易，下下要自己落手落腳無得call人幫）
生埋一邊比較方便
一樣一個就其實中西方人都會開心
暫時奶奶幫緊我
但有時都觉得忽略左个大嘅
唔想生係惊啲時间唔好分配…
1個讚
唔洗另外买衫真係好慳錢慳時间
全屋都係粉紅色令自己都好开心
係囉, 但第三个都係女就GG
夠資源就生啦, 唔夠資源就算 
1個讚
生三個女好似都無咩問題，反而識人生三個仔，湊同教都特別辛苦。
1個讚
你係真心自己想定受人影響先？後者就不了
我都係，我都想最後一個小朋友係女。
我直情覺得生三個女好。
2個讚
如果經濟, 住屋唔係問題, 係外國生活又唔駛填鴨式教育, 我都想生3個
1個讚
如果我有本事，我都想生生3個女，因為我而家得1個女，我都快收自己檔，因已快高齡同開支大。。。如果住屋，教育都安排妥當，生多個都唔怕。。。
2個讚
其實係考慮到呢度冇人冇物冇親戚, 好想第日有多啲親友熱鬧啲
經济上呢邊養個B好似無香港咁贵, 第一胎喺香港生同湊洗左好多錢, 奶粉一個月都二千幾, 又请陪月同工人, 第二胎喺呢邊生同湊全人奶, 就算奶粉尿片都係香港嘅三份之一價錢, 仲要政府有補貼, 衫呀玩具呀都唔洗買除左我食多少少飯同餸, 好似真係無乜洗過錢喺細B身上
不過陀B好辛苦, 我日日要篤手指打针, 個個星期見姑娘醫生見到驚, 上胎又陀得唔稳瞓左成個月床…如果唔洗陀就可以有個B我就完全唔洗谂當然湊唔湊得来都係一個问題
再谂谂
都有啲受人影响
呢边好似生三個好閒咁
先開始覺得多一個唔多
其實諗谂下生三个女都幾好
女又好仔又好多個人热闹啲
外國又唔请得工人, 第時老左多个人照應下都幾好呀, 呢點係我奶奶講嘅, 都好似幾有道理
生幾多冇所謂，最緊要唔好偏心，如果生個係仔，個個錫佢多d，另外d小朋友會唔開心。我自己就生左一個女，所有資源都係放響佢度。
其實呢個時代生仔生女冇所謂，其實女縱孝順
我覺得長老多數偏心仔
係, 佢地口講孫仔孫女都錫, 但實際上只會分俾啲仔