我老公一向頭髮長得好快
最近天氣熱,佢忍唔住話要去速剪
佢有個口罩戴左幾日,話一陣戴去剪頭
呢個口罩佢每次落街買野用一陣,加埋用左2.5小時左右
我就叫佢要為己為人,如果佢個口罩有菌,髮型師剪頭時隻手掂到
又hi落佢額頭或面部其他位置點算,佢話點會掂到??
跟住仲發脾4話唔剪啦!唔好再講!
我自問我係理性分析,態度十分平和
佢就話我(怕疫症)近乎病態好可怕
其實佢之前都有為過類似問題爆過我
例如我見佢未洗手就拎新口罩、洗手唔夠仔細之類
今次我唔係唔俾佢剪,只係想佢戴個新口罩啫
我真係唔係好明
如果唔怕菌,又做咩戴口罩呢?
係咪大部分男人衛生意識都唔太敏感?又驚俾人煩就索性爆左對方先?
3個讚
我46都係咁,出去掉完垃圾唔洗手都有,同佢講明如果我中招一定係佢傳俾我
3個讚
男人都係咁上下,好彩我岩岩生完, bb仲細,叫老公做多啲都肯
我產假都唔出街咁濟,要出去我都唔想係街食野,但我老公就非常之想,話咁驚就唔好出
我都真係嬲既
1個讚
慳口罩係好事,但用足幾次,口罩都唔衛生。
如果佢想多用幾次,不如買布口罩俾佢,套個醫生口罩喺布口罩入面,每次你幫佢洗個口罩套,個醫生口罩就用完放入乾淨袋入面。
1個讚
佢性格係好慳家o既…
其實屋企唔係無口罩,佢覺得要物盡其用
佢比較硬頸,覺得係咁就咁,有時唔聽人意見
其實屋企唔係無口罩,
就算俾個布口罩佢,佢都會覺得我煩佢
衛生意識分歧
下次又唔知會唔會爆其他野
不過都多謝你意見,等過幾日我再問下佢要唔要布口罩
現在問佢,佢一定會硬頸話唔要
我都估唔到佢咁大反應,無喇喇踩中地雷咁
你說的很有道理,下次我同佢講呢d話題時,我會試下講得再婉轉d,等佢自己諗到
我都估唔到佢咁大反應,無喇喇踩中地雷咁
你說的很有道理,下次我同佢講呢d話題時,我會試下講得再婉轉d,等佢自己諗到
唔係個個男人都係咁
我老公好好 佢好小心
佢好清楚做唔好
萬一累人累己 自己後悔都無用
加上我而家大肚 有時會無記性
都係佢carry住我
所以 無做好既人 係唔清楚到底會有咩後果
建議去了解下疫情 唔好逃避 唔好自我安慰
小心謹慎 先會有疫情結束的一日
如果唔係 有需要住院的人
會一直怨恨個d無做好防疫無制止到源頭既人
2個讚
淨係呢個point 已經。。。。我唔接受到。。。
我只能接受1日1個口罩。用過有機會落街既 我會掛起佢,肯定唔會出街我就會掉
但我覺得剪頭髮既野無得怕。
頭髮太長,又易痴左d 菌,剪左都係好事。帶口罩剪,剪完搓手洗手,唔好摸面。即返屋企又洗手。我覺得都ok 既
我屋企全家都有剪頭髮,都係咁
1個讚
其實咁樣不如用布口罩加紙巾,反正落街一陣買嘢又唔會話好多人… 用完掉左張紙巾洗布口罩就得,好過一個口罩用幾,根本外科口罩就只可以用一日…
1個讚
提供少少心得…
我戴住口罩去速剪,的確無掂到塊面
而且個師傅都慣咗同戴住口罩嘅人剪髮
完全無叫我移開個口罩
只有剪"的水"時佢有㩒一㩒口罩條橡筋
利申 短髮
1個讚
你講得好岩呀
我就係抱著徹底杜絕所有感染機會的心態
但偏偏佢覺得小題大做
可能真係要俾d時間佢消化
上次我話完佢亂掂扶手又唔帶搓手液出街,開頭佢都爆過我
後來佢開始有留意,出街時減少亂掂野同用搓手液
但我唔想次次都俾佢爆一鑊佢先識改,好無奈
我明白,我都覺得剪頭髮無得怕
只係想佢戴新口罩,唔好用舊口罩
將心比己,都想幫自己剪髮的師傅乾乾淨淨,其他客人安安全全
因為有時真係唔知自己個口罩有無領到野
唔知點先可以令佢心平氣和接受和明白