佢就快三歲，識講嘢
佢有時都有自動自覺去屙尿，但係每日都至少賴一次尿
佢嘅泌尿系統會唔會有咩問題搞到佢控制唔到？
同埋
就算佢要開大都唔會自己講，會自己忍住，屋企人察覺到先去屙
點樣先可以教好佢 
試下無瀨尿主動去痾時獎勵下佢？
會話佢叻，會拍手，佢自己都笑笑口幾開心
會唔會係掛住做其他野唔記得要去廁所？或者好似幼稚園咁，隔三四個鐘叫佢去一次
未夠三歲好細咋喎
識去廁所已經好叻喇
2個讚
小朋友岩岩學戒片係咁架，我仔都係3歲佢初初戒片都會瀨，一時有講有瀨左先講，我就同佢講你要話俾媽咪知急vv，去街街瀨濕褲仔會比人笑你架，佢就知道，係街未試過瀨
男仔？我個仔都係比家姐遲識講屙尿！3歲先識！
我淘左青蛙尿兜比佢，再用少少糖！
都用左1個星期有多先習慣講屙尿！
依家半年左右自己會去尿兜屙！
利誘好緊要！
女-我就直接同佢講係廁所屙左尿就有糖食！
問題係你一定要留意時間！
久唔久問下佢，佢哋一急就忍唔到！初初好難叫佢自己講！1個鐘/個半鐘就問下佢有冇尿屙！
我瀨尿瀨到10歲，甚至到廿幾歲都仲會瀨，當然愈大次數愈少。乜都驗過，身體一切正常。醫生仲問我父母有冇打我，驚我係心理問題，個時邊有細路冇俾呀媽打
搞到呀媽唔敢再帶我去check 
細個唔識思考原因，大個自己留意返通常係特別攰時，訓得好放鬆，其實係有尿意，知道要去廁所，但個人意識仲係訓緊，濛朧中會有一種響夢中去埋就得嘅錯覺，一下放鬆，就瀨左。大d就識一瀨就彈起身去廁所。濕少d.
細個時好內疚，要呀媽半夜起身搞一大餐。細細個瀨得多已經好熟手，自己識換褲，浸好條濕褲，換床單前索乾床褥先，再棟起張床褥吹風。希望你小朋友唔會好似我咁
介片其實真係要慢慢黎，如果佢未準備好你點迫佢都係無用！！！我仔都係最近先介左日片，3歲3個月！！3歲果陣佢都係唔識自己講話去廁所，仲係疴左落片片度，所以我覺得佢未準備好！！！一個月前我同佢講如果你著住片都識得同媽咪講去廁所就好叻仔喇！！！之後就買左放上大人廁板果種廁板比佢學，初頭佢都有時唔記得左瀨左！我話唔緊要，下次記得就得咖喇，繼續努力！！每日我一得閒就問佢駛唔駛去廁所丫，等佢習慣左咁佢就會記得要疴落廁所度，佢做到咁就讚下佢叻仔！！！
痾屎痾尿讚下佢叻叻，讚多d就會有進步
就三歲仲好細個啫，唔好俾噤大壓力佢，要定時問佢要唔要去廁所，去完讚下佢俾啲獎勵佢。