以前有個斷捨離group 我勁鍾意
有個好勁嘅豆豆媽媽瘋狂掉野
大家再交換戰績好開心
我先
前排幾星期假期
掉衫掉到全部衫可以用衣架掛起
洗完唔使再摺
將寶寶唔岩著衣物回收
一打開個櫃都係適合當下嘅 
減少買零食
無過期零食
食左多生果 唔囤大量貨
好少買衫
宜家買嘅衫可以著好多年
一件可以配搭好多野
慳左錢
名牌包包千幾蚊賤賣左七成
剩返Celine 同布袋
幫屋企部分油漆補裂
將唔鐘意嘅傢俬木材改色
順眼晒
生寶寶後少用香水
用黎噴廁所消耗左幾支
買左一個循環再用嘅掃塵掃 感覺環保
暫時諗住咁多 
我都好鐘意斷捨離,得閒就掉下屋企唔再用既野,少D雜物,感覺舒服
我都好鐘意睇人地斷捨離，自己會扔野，但總係冇人地做得咁簡約
好想斷呀,但真係好多唔捨得…未能做到心目中的,但間中都會執下丟下,但真係好難搞…
我老公話斷捨離精神係買少d野。最近開始一個小習慣，每買一件衫就要丟一件，所以買之前會令我停一停諗一諗。
我覺得掉野係一種習慣
亦係一種判斷力嘅段練
野只會越掉越多
留低嘅嘢只會越來越精！
如果屋企有個儲物辟，真係仲攞命
一直都想做但好難實行，宜家開始買少D嘢，唔貪平買超過自己必須用既數量
斷捨離唔係齋掉嘢，要調整自己心態先係皇道。
我習慣寫低自己好想買嘅嘢，再睇下屋企冇無類似之物。
真係好想要就每日儲少少，儲到之後仲想買就買。
不斷嘗試中…但掉極都係咁多野…
同阿媽住比較難啲，自己都好多野唔捨得，驚要用果時又無…
好鍾意睇，執到乾乾淨，加油
呢個情況
講係無用
執靚自己區域
用氣場去感染佢
無錯
有時啲心頭好放購物籃一陣
已經有買左嘅感覺
斷捨離主旨
斷絕不需要的東西
捨去多餘的事物
脫離對物品的執著
去蕪存菁 留低嘅精品只會令你生活更加好
有個例子
有對父母想買個四千蚊嘅櫃去放置一堆可能會用倒嘅野
佢地無諗過
掉晒去
再買都唔使$4000
每日掉一件最想掉嘅野
久而久之
你會更識揀邊樣值得留低
唔好迫自己掉嘢。
或者將唔捨得嘅物品放入一個篤眼篤鼻嘅箱到，重點係唔好收埋，要放係當眼地方。
買櫃/箱放覺得有需要嘅物品，
咁個櫃/箱永遠都唔會清到。
時常懷有感恩心，開開心心咁用。唔好貪多，而係買質量好既，心靈得到滿足，就唔會再亂買嘢
我都好鐘意掉野，最唔鐘意屋企儲好多野，宜家衫都唔買喇，小朋友既衫都買少左好多，有親戚既二手衫真係幾好，件件新正，諗諗下如果移民或者搬屋都幾多野要搬，所以都係買少啲清少啲
之前換季掉左2大袋舊衫，黎緊應該會再狠心D將少用又吾捨得既再掉
你屋企都好吉喎，我好羨慕可以掉咁多嘢。
我子女多書，要等今年8月才能一次過清屋。
