有冇人知自願醫保好定傳統醫保比較好?
還有, 那一間保險公司會平的?
我覺得要好你個人需要d咩。我有了解過下，我覺得入門要求賠償定義分別唔大。
傳統既，自由度大d 相對亦貴d
想幫退休媽咪買. 所以扣税嘅好處就冇左!
十五十六中。。。。
如果年紀大，從未買過，咁我覺得可以自願醫保會簡單點
如果你媽咪 over 55 歲 你幫佢買，你都可以扣稅呀
我係保單持有人幫我呀媽買，我扣稅個筆就俾番呀媽，佢就變相慳左保費
明白!
咁就多一個好處。
不用過 55 歲，稅局冇要求呢樣野，只要係你幫”指明親屬” 買就可以。指明親屬定義好廣泛，由直系親屬到兄弟姊妹到配偶的父母都算係。
其實睇番你budget 同需要。
2個都有佢既優點，主要睇番你自己既要求去買番合適既product。
例如傳統嘅醫療保險可能未必有呢個精神病治療啊，但自願醫保又有呢方便既cover。
各有各優點啦，最緊要睇清楚內容，順便一提住院基本上會年年加保費，有啲公司可能到咗某一個年齡就唔需要再加保費
Bowtie? 
要繳稅人士可選自願醫保，因可扣稅，假設一家之主幫父母或仔女買埋，扣稅額可放哂係保單持有人度。而且單次計算比傳統計劃保障為高一d.
例如癌症呢種長期治療，自願醫保因每年保額可reset. 相對保額會好用d.
傳統醫保大多按病症次數計算，即黑仔起黎一年因不同病症入幾次院的話，傳統醫保保額好用d.
不能扣稅人士大多傾意向選擇傳統醫保。
所以無話邊款特別好，睇下覺得邊個比較適合自己。
價錢就取決係邊間公司，不過都大同小異。
利申：行內人，所以幫手答下
有咩隨便問，係呢度答到盡量答
即係自願醫保一年只保一次病症??
係，自願醫保大多數係每年計，唔理一年入幾多次醫院或幾多宗病例
普通醫保就就計每宗病例，限90日或120日（視乎邊間公司），超過既話就當另一宗去計，唔會用每年計數既
而邊間保障全面又保費比較化算，最先係sun記，宏記都可以不過就貴D，
其實可以有個列表可以比你一眼睇晒幾間既，比你比較
唔係，自願醫保唔分病倒，佢只計一年賠償額，用哂就無
即係自願計一年保障額, 咁一年可以claim 幾$?
我知傳統係買貴的保障大的!
好似見過有人做調查話自願医保的保費可以差成陪.
咁要睇你買邊個級別而定，唔同級別有唔同額
唔好亂信，試問如果你係保險公司，兩個醫療計劃，又唔係好大分別，會唔會set到兩個計劃保費差咁遠？ 根本無可能，另外，保險首要唔係睇保費，而係保障係咪同你要求/需求配合，平但保障唔夠有咩用呢？好似好多人都話自己有危疾保障，一睇得個十萬，廿萬，真係有事上嚟，呢筆錢用嚟醫好定用嚟做生活費？
傳統同自願有D分別既，而保費都有偏差有分別，但都係一樣雖然差不大但都叫有分別
一年claim幾錢要視乎邊間保號，如果想睇既話其實可以有個表可以比你比較唔同保號架
自願醫保無限次數，但年度固定保額，一年內額度用完後，等下個保單年度再開始回復原定保額。
例如某人發生長期病患cancer，治療時間長達兩年，用自願醫保，每年額度假設20萬額，因為橫跨兩年， 第二年開始再有20萬保額重新計算。咁佢一共就有40萬保額去醫治同一個長期病。
如果佢買嘅係傳統保險，假設每次病症保額同樣20萬，兩年治療期，能報銷保額只有20萬。因為同一個病症上限是20萬。但如果這人在一年來除了這個長期病症，又唔小心係屋企跌親骨折需要入院治療3日，咁屬於另一個新嘅病症，咁佢20萬額度就可以重新計算，就算仍然在一年之內發生。
以上只係一個假設例子，當中好多細節需要詳細了解。
你可以當一個簡單概念去初步理解先。