我自己算好彩，暫時兩公婆份工都未有比人郁到…
不過我年頭先剛剛轉工…新工好忙…忙到都無時間陪小朋友…都擔心自己捱唔住唔做但又搵唔到工，到時就要慳住洗啦！d 儲蓄又比5號仔壓死咗
想問定大家有咩好方法可以慳d洗？
呢排冇咩點出街食，已經慳左，買野又買少好多，應該就係慳左呢啲。
同你一樣，都係年頭轉左工
節流最緊要係要先要知自己d錢去左邊。
如果一直對自己的消費無乜慨念，成日唔知自己洗左去邊，第一步最好就係記賬，然後每個月審視下每個category 的消費係幾多，從而開始set budget。跟住再record expenditure-> review -> set budget 。當你愈了解自己的消費就可以愈容易做到節流。
至於開源，我無乜經驗，但通常都係做多份pt，幫人補習，開ig shop 果d
4個讚
同樓主一樣上年尾被裁員，
好彩好快搵到份起大公司番既工，真係好好彩
如果呢個時間先轉工應該好難搵
我地兩公婆都係好好彩份工無事，
但都慳左好多，努力節流，農曆年之後無買過衫、手袋呢類消費品。
出街喺餐廳食飯次數一隻手數得哂，都慳唔少(仲要慳埋請呀爸呀媽6299出街食飯呢)
開源 就好彩上年年尾投資左朋友的網店，遇啱疫情多人上網買野，有進漲!
仲有跟朋友投資外匯
其實唔係好識投資，淨係跟朋友
少出街食，但又買多咗急凍野之類嘅存貨…
小朋友全日在家又生積咁不停要食野
之前買口罩又比人呃咗錢
贊成記低自己每一項消費, 就會搵到有邊 d 先係必要的.
開源方面, 其實仲有 d 商機可以提供額外收入, 揀啱行業創業唔難.
買左勁多急凍野! 我地都係
少出街少破財
而家上網睇親d skincare makeup野都禁住自己唔好買，成日提住自己用晒先好買，睇衫又係，提住自己呢排要慳錢
睇睇下乾脆去左睇清潔用品，買左返黎都實有用，而家算係必需品黎
在家執屋唔出街
拎d唔要既野上轉轉賣
好過扔左佢一蚊都無 又可以環保d
都冇乜，而家係冇去做facial…真係卡數都少左
衫呢Ｄ。。真係多件唔多，少件又ＯＫ
開源方法仲諗緊，節流不外乎買少D衫同飾物、出少D街食嘢，同埋食少啲零食當減肥。呢個星期見多左特價嘢同優惠，好似Citibank card 去circle k 買
18蚊減五蚊、超市買牙膏送廁紙等，雖然未必慳好多，但好過白白浪費
卡數我由12月萬5蚊變到依家1千蚊，另一半表示驚訝
2個讚
差不多，果時貪得意hifu 又盛，一次幾千蚊
而家卡數得返八達通增值為主，另外有d iherb
係咩點出街食飯都慳左唔少錢
但父母收入收影響，都比多左家用
唯有上網都唔好買甘多野
1個讚
習慣左用apps記低每樣開支，對比上月差唔多就唔再回顧，如果支出多好多就月尾就睇下有乜開支洗多左(例如 買小食，買facial package )，不過有時係成家都病，醫療開支多左就無得慳
1個讚
我都慳咗少少facial 錢…不過又買咗d導入機