我而家都7週，都會嘔，買左包即沖薑茶，如果佢唔係熱底，飲薑茶可以止嘔
我果時嘔足4個月(喪嘔，手軟腳軟，咩都唔想做)，
飲淡水都嘔。
不過總有野係食完冇嘔咁勁，真係逐樣試下架咋，唔洗怕咩戒口果d，d人講咩我都會試下，始終個個人身體唔同，人地work又唔代表我work。
總知想食咩就食咩，唔好食咁飽，而我果時食西米露會好d，嘔少d。
咁亦因為我飲清水會嘔，我係飲淡茶。
之後去埋睇中醫，話我虛，飲左1星期中藥又真係好d，嘔少左，直至4個月，就再嘔少d，我係嘔到生嘅。
我嗰時嘔到6個月，食咩嘔咩，飲啖水轉頭都嘔番晒出嚟，仲要嘔突黃膽水，頭3個月瘦左20磅，但好似樓上話 齋梗有啲食物食左無咁易嘔嘅，我就係梳打餅，腸仔包同熱檸水走糖，1個腸仔包分3餐食，食完1/3個腸仔包好彩係隔左1個鐘先獲利回吐，最少有1個鐘覺得有啲飽肚感，其他食物夾硬逼自己食，呢頭食嗰頭衝去廁所嘔。我嗰時就係以1個腸仔包同3塊梳打餅吊住條命仔，而且可能無嘢落肚，所以係好累好眼瞓，全日都可以昏睡，止嘔藥我覺得無用，私家醫生都話懷孕初期係咁，食止嘔藥幫唔得多，所以我食過3日覺得唔work就無食，到進入7個月，突然胃口大開，成日覺得肚餓，隔2個鐘就要食嘢，瞓瞓吓又會餓醒，所以放心，過左呢段難捱嘅時間，就會入大直路，前路明朗番㗎啦！ 記住呢段時間要好好關心你女友，為你佗住個b仲嘔到七彩咁辛苦，你一定要好好愛錫佢呀！
乜真係咁恐怖㗎
辛苦哂你。
我陀b嗰時係冇嘔過，一次都冇，只係頭2星期頭暈咋。
Btw
我女出世後都好乖，好少喊好易湊
我嗰時嘔到唔想要個b呀！好左我媽媽煮好餸俾我，我隻死佬先叫有飯食，我件好99都費事理個仔，你佗仔唔好攪到佢就得，落晒閘先百佳嘛！
我7w反胃左2星期，飲水覺得苦，尋日試過用一片檸檬泡水取代清水，有少少澀但反而易入口左，飲完今日作嘔次數無咁密，可以試下