如上所述 無野落肚
醫院又放佢出院 鹽水 糖水營養水一齊吊
比粒止嘔藥就出左院
依幾日都無乜野落肚
食包餅都嘔翻出黎
請問有無咩建議
試下食酸野得唔得？
飲返啲寶礦力/葡萄適！
白粥有冇試下？
葉酸食緊未？
其實都無乜辦法，都係等時間過 
我無你女友嘔得咁嚴重，
但我勁暈同頭痛到爆 
你可以試下俾佢戴埋止嘔帶
去有藥劑師既屈記就有，
係一對帶係手上，按住止嘔穴位既手帶，無藥性既
我嘔到四個月先無再嘔，自己食酸野覺得幾有效，同埋覺得食麵包無咁易嘔曬出嚟~
留喺醫院都唔係好，我果時試過見紅住兩晚都想死，更加無胃口呀！
你試下比d 梳打餅、買下青檸味梳打水比佢，睇下會唔會好d? 不過個個大肚時d 口味都唔同，惟有咩都買比佢試下睇下邊樣味道佢無咁敏感可以食到
2個讚
我第一胎都係呀
聞到乜都嘔
一日嘔起碼5, 6次
乜都落唔到肚
捱到4個月左右就好d
但去到8個月 見到人lur骨都係嘔
可以試下飲唔凍 無糖梳打水
止嘔好Work
除左梳打餅，另外仲可以試下白方包，大肚初期有時會嘔同眼瞓，反而要擔心如果嘔得勁，無胃口食野會輕左磅，不過到大肚後期如果唔嘔就會重返磅，盡量補充水份，得閒飲下一啖暖水，唔好一次飲太多，太多又想嘔，如果嘔得勁可以含陳皮頂住(唔係九製，九製太咸)，見朋友都係咁做，佢話感覺上無咁易想嘔，瞓覺時可以試下側瞓或半坐瞓，重貼係頭要墊高瞓
2個讚
小食多餐，唔好一次食太飽。都有唔少孕婦頭3個月無重過反而輕咗，唔洗太擔心。我都嘔到17週先好轉。聽人講有孕吐係好事，代表身體夠hormone, BB 會陀得穩。
1個讚
薑汁止嘔
早上可飲一杯暖薑檸水(或者暖薑檸蜜)
還可以順便補VitC
梳打餅，檸檬水，面包（乾嘅嘢）
我嗰陣時都係咁，勁嘔，但又驚無野落肚bb會無營養，所以就食兩啖，趁未嘔就瞓上床，閉眼養神，盡量唔俾自己嘔，同埋其實因為無咩食野，都手軟腳軟，有時可能會瞓上床就恰著，恰著左就無嘔，醒左就又食兩啖，重覆又重覆，少食多餐
我嗰陣嘔到6個月啊。
我嗰陣6w嘅時候，有朋友買咗隻怡保雞畀我食。
食完之後我成隻雞髀
嘔返出嚟
。
然後我老公話我做乜曬嘢。
之前6w喺外國產檢，個醫生同我講嘔得勁係因為個胚胎活躍成長緊，唔係壞事嚟嘅。
所以你女朋友幫你陀bb真係好偉大㗎，好好珍惜佢啊。
嘔左一個月
十日瘦左5kg
去到水都飲唔到，一日去得一次小便先走去入院
吊左一個星期水就開始好d，有一日突然有胃口先開始好轉
係會辛苦d，真係食唔到唯有再入院吊水，確保個人唔會脱水低血糖
1個讚
煲啲薑水飲下
飲薑茶, 薑水
買冬薑，蛇膽陳皮含係口慢慢食
我果時嘔到12周，果時全日都無乜落肚，食梳打餅時唔好飲太多水
試過 但都係不停嘔
葉酸都係萬寧屈臣氏買？
係啊！我之前就食惠士！
朝早一起身唔好飲水即刻食消化餅
1個讚