咁你宜家仲有無教呀？我4字頭，想學來自娛，係咪屋企要有琴先得？因為要練琴嘛。
你覺得有冇人真係冇天份學琴？
幾努力都學唔到某個level？
我疫情後暫停左收新生 
屋企有琴會方便d, 隨時都可以練丫嘛,
如果你嘅目標唔係諗住考級/彈好難嘅古典鋼琴曲,
買部數碼琴都有排玩
1個讚
我頭一個月學45min,發覺完全唔夠. 又 beyer, hanon, johntomson, music theory,真係45min 鐘好免強，第二個月轉學一個鐘，叫做可以教多少少，返屋企練多多
Sorry，令你誤會，我唔係問你收唔收我呢個4字頭新生。
多謝提議，完全無諗到電子琴添，其實係咪要搵電子琴老師架？
咁真係要加鐘喎。
妳想學古典鋼琴還是流行鋼琴
有天份嘅學生, 可能付出少d努力, 就能夠達到目的,
而無天份嘅學生, 只要付出多d努力, 一樣能夠達到目的
某個level係咩level先?
如果郎朗果d神級的話, 除左要有天份, 亦要多多嘅努力
但如果一般8級程度, 就算無天份, 努力d都唔難做到
反而, 我覺得遇到個適合嘅老師, 比有無天份更重要,
老師唔可以一成不變,
要按學生嘅能力, 去調節上課嘅節奏,
咁樣, 就算有無天份, 都能夠按步就班咁去到目的地, 唔會咁易中途放棄
1個讚
係呀, 因為大人學生領誤力高, 但手指靈活度同手眼協調度低, (即係明明個腦知道要點彈, 但隻手就跟唔上咁), 所以堂上教多d, 等你明左再返屋企慢慢練
1個讚
4字頭完全無問題啦, 我教過年紀最大嘅學生係7x歲
數碼鋼琴又唔同電子琴,
數碼鋼琴係近似真鋼琴dd, 有手感d, 做到大細聲, 有pedal,
電子琴就有好多唔同分類, 有d有自動伴奏, 有d仲有兩層琴鍵
要揾咩老師, 就要睇返你嘅目標, 係想學
自彈自唱? 彈流行曲多? 彈到d古典名曲? 求其彈到d歌仔?
原來仲有咁分…古典鋼琴即係貝多芬、莫札特嗰啲？係嘅我想學古典。
7x歲，好型呀！
咁我誤會咗，應該係數碼鋼琴，應該係想學古典名曲。
學古典鋼琴最好用真鋼琴，如果想考級。如果消閒另計
我消閒玩下架咋
可以買數碼鋼琴，，最近我買多部數碼鋼琴88鍵 for 夜晚練琴用，平時練真鋼琴，數碼鋼琴都係 $6xxx, 已經有鋼琴一半touching . 滿足
呢樣真係好緊要，啟蒙老師真會教出出類拔萃的學生
1個讚
點解夜晚用數碼琴練而唔用真鋼琴練既？可以較細聲啲？
我頭先搵資料，啲人話鋼琴老師多數會叫你轉返真鋼琴，因為數碼按落去同真鋼琴琴鍵唔同，所以輕重會出現分別，係咪真呢？
咁搵鋼琴老師教但用數碼琴咪好難。
咁揾鋼琴老師啱喇,
或者你可以一開始唔好買琴住,
租琴房練住先,
到你識彈少少, 再去琴行試彈一下d鋼琴同數碼鋼琴,
到時先再作決定
1個讚
你講得岩呀， 鋼琴老師相信都提意妳用真鋼琴，因為古典鋼琴音色技巧，數碼鋼琴未必可以全部做到，技巧就我仲試緊， 如果考琴就真係要真鋼琴練。你只作消閒興趣，要睇你有冇位放和有幾熱愛演奏。
數碼鋼琴係夜晚帶耳筒練，暫時主要練協調性。 白天始終再用真鋼琴練
都好，試下係咪真係有興趣先。不過屋企無位放，要買相信都只能夠買數碼。