我自己分享下，我唔使返工，初初停課都尤得佢玩下打下機，過完年都知有排唔使返學，初小未有網上功課 日日叫佢溫習難過乜，趕半個鐘都趕唔到佢埋位。後來我睇超級奶爸教做時間表，最緊要係同小朋友一齊傾，幾點做啲乜，幾點休息，第一個休息做啲乜，第二個休息休幾耐，中間比啲意見，佢自己寫自己畫。
之後一兩個星期都跟得幾好， 不過慢慢又開始唔跟，因為有時我要帶佢去買餸，打亂左佢時間， 雖然而家跟唔足，但叫埋位就爽快左好多， 做野都爽手左，寫字都有心機左
有呀，復課無期，預計復課時已經係新學年，唔幫佢溫書做功課擔心復課後跟唔到。
而家公司要我哋間週咁home office，一邊做嘢一邊叫佢溫習勁勞氣，而家索性個個星期同佢默書，重點溫習唔識嗰啲內容。真係超攰。
我女每日都做功課溫書大概三個鐘，regular咁做，距今年小一