唔知大家有無遇到以下情況？
-
小朋友請野一舊舊，詞彙貧乏尤其如果叫佢地複述一件事，講左大半日先聽得明佢講咩？
-
平時好少講野，好靜？
-
講野詞不達意，少少野都講好耐先講到重點？
其實以上情況都好普遍，以下會分享少少提升小朋友說話能力的技巧，希望幫到大家。
第一樣野係自信。
好多時，當小朋友講好耐都講唔到重點，家長少不會唔耐煩，「你講咁耐究竟想講咩呀？」咁樣只會令小朋友驚左講野，講多錯多，索性就唔講，中文還好，英文更加係，當小朋友驚錯，唔肯講，就無機會進步。所以，要多鼓勵，欣賞小朋友的小進步，唔好急於要小朋友講到好似大人咁流暢
小進步可以係微小到一個字的發音，或者用左一個正確的連接詞
第二樣就係要反問。
好多時，小朋友出街都會好好奇，係咁問「媽媽，點解我地要咁？點解唔可以咁？」有時家長唔耐煩會叫小朋友收聲，有耐性就解釋比小朋友聽，但係其實，家長係可以鼓勵小朋友探索。
無論小朋友比的答案係正確與否，都唔好即刻答
小朋友：媽媽，點解唔可以玩火？
媽媽：係wo，點解ge?你估下？
小朋友：因為媽媽都想玩？
媽媽：但係平時你有無見到媽媽用手掂火？
小朋友：無呀
媽媽：點解ge？
小朋友：因為火唔好玩。
媽媽：點解唔好玩？掂左火會點？
小朋友：會痛
媽媽：所以點解唔可以玩火？
小朋友：因為會痛
例如好似上面，媽媽就引導小朋友諗答案
- 要追問
好多時，小朋友詞彙唔豐富，因為佢無需要用豐富的詞彙。所以家長可以運用唔同的問題追問，例如：誰、何時、何地、何人、為何、如何。
例：
小朋友：妹妹返啦。
媽媽：妹妹邊度返黎？
小朋友：妹妹喺學校返黎。
媽媽：妹妹幾時返黎呀？
小朋友：頭先
- 要paraphrase 小朋友講的野
好多時，語言學習唔係練得多，一個字講10次，一句講10次就識。無論中文定英文，唔好小朋友一講錯就即刻逐粒字糾正，寧願佢講完paraphrase，用正確的文法講一次
例：
小朋友：I go to a park yesterday. It have butterflies. I eat the butterflies.
媽媽：You EAT the butterflies?
小朋友：捉呀
媽媽：Oh! I see. You went to a park yesterday. There were some butterflies and you caught one of them.
（可以再用返追問，要小朋友講多d）
- 製造語言需要
有時唔好喺小朋友未開口的時候，就已經比哂野佢，比佢學識提出請求。
例如小朋友想飲水，等小朋友開口問：媽媽，可唔可以比水我飲
唔好佢未開口就比佢
另外，對大小小的小朋友，亦可以提供選擇同比機會佢說服你
例如：點解要買裙唔買褲？？點解想要個隻杯？
多d比機會小朋友諗點解，諗點樣說服家長，咁語言能力自然會好
歡迎大家討論
8個讚
其實都好睇性格，有啲人係唔多鍾意用言語表達，有啲就唔停咀，都係睇返小朋友係點。我覺得唔需要太緊張同太介意小朋友講成點。我小朋友係雙語，因為父母語言 唔同。小朋友到四歲有時都會講到唔清唔楚，我覺得好可愛好好笑，有時又將兩個語言mixed up，我好少改正佢，除非係個意思好錯。
大大下佢哋自己就會得，反而如果係外語，六歲前培養興趣同概念最重要。
其實都好睇性格，有啲人係唔多鍾意用言語表達，有啲就唔停咀，都係睇返小朋友係點。
雖然有d小朋友比較靜，但係其實拓展佢地的說話內容都好重要，因為人始終係要溝通同社交，如果小朋友平時偏靜，其實父母肯同佢地傾下計，拓闊下說話內容，可能會有意外驚喜
我覺得唔需要太緊張同太介意小朋友講成點。
唔駛太介意講成點，其實唔係好認同。不過，小朋友無論講成點，家長都可以鼓勵就真。
但係其實說話同思維的建構有好直接的關係，好多家長話自己小朋友諗唔到野寫，其實就係思維訓練得唔夠
我小朋友係雙語，因為父母語言 唔同。小朋友到四歲有時都會講到唔清唔楚，我覺得好可愛好好笑，有時又將兩個語言mixed up，我好少改正佢，除非係個意思好錯。
其實係可以幫佢paraphrase ，我教過一個母語係英文的小朋友廣東話，佢都會code mixing ，我每次會paraphrase佢的說話。日子有功，佢的字彙量豐富左好多，而且講野亦變得更有條理
大大下佢哋自己就會得，反而如果係外語，六歲前培養興趣同概念最重要。
其實大大下就會得唔係必然，如果喺成長過程，特別係6歲前，語言的input夠，到左第時的語言發展可以差好遠
想請教下點樣可教小朋友接受第二語言？
小女2歲幾，n班，全廣東話背景，都有聽英文兒歌，冇半英半中教，唔想佢混亂，因此表達能力發展唔錯。最近停課開始教佢英文，由ort同英文卡通開始入手，但佢明顯知道講緊其他的語言，有表示叫我轉返中文，因為佢聽唔明
因此想請教下有咩方法可令佢唔抗拒去學英文？
如9月俾佢讀全英幼，佢會唔會不開心？
謝解答
其實唔駛驚混亂
根據研究，一個bb係可以同時學6種語言
爸爸媽媽公公婆婆卻爺嫲嫲各1種
2歲前如果想bb大個學咩語言，就比bb多d語言input，咁樣bb大機會有不受母語影響的口音，
因為2歲後，bb就會開始習慣母語的發音模式，開始形成口音
所以答返問題，唔駛驚混亂，不過最緊要唔好code mixing，唔好比vegetables 媽媽食，咁樣bb先會亂，全中全英咁間住聽歌都唔會亂，放心
當然，如果想雙語又可以做到的，最好一人負責一種語言，例如媽媽講英，爸爸講廣東話，咁bb會清晰d
答返英文興趣的問題，其實英文對小朋友係新事物，佢鐘唔鐘意英文好睇大人的反應。如果下下開口都話錯，下下都糾正，比你都唔鐘意啦，相反下下都讚佢，同佢用英文玩遊戲，佢就會有種英文=比人讚+有遊戲玩的感覺，自然會鐘意學鐘意講
至於幼稚園個問題，首先要睇返小朋友本身聽唔聽得明全英授課，同埋學校老師有無愛心耐心（會唔會小朋友講唔到就罵定係會鼓勵小朋友慢慢聽慢慢學？）對小朋友，同埋小朋友意願都好重要。雖然佢還細，其實都會有自己的意願。
2個讚
正post 幫推
點解以前會錯過咗咁高汁嘅post
