社會環境咁差 ，好似睇唔到未來咁， 工作又唔順利 ，返屋企見到啲小朋友我就覺得自己生出嚟害咗佢哋咁。日日就係一睜大眼做做做做做，返工放工直到瞓覺完全冇機會休息。另一半就成日坐喺度自己打機睇電視玩電話，唔理小朋友。 我真係覺得好辛苦、 好攰。 求其生存係為咗乜嘢？
2個讚
只係過渡期
會一日比一日好
2個讚
當年SARS我哋都好絕望，望唔到未來。
但自己身處係風眼中，係好擔心，望唔到前路。但唔代表沒有未來。
未來是屬於下一代，所以要好好教育佢哋。
千萬唔好絕望，沒有風暴是不會停止的。
香港人，大家加油呀！
6個讚
有冇同另一半坐低傾過可唔可以支援多d ? 可以就安排少少時間自己間中出去行下放鬆下
攰，休息下，再重新出發，生命一定會有美好既事，同埋好多同路人，唔好放棄呀！ 
1個讚
可以嘅搵人幫手睇住小朋友，自己出去食餐好，或者自己去行下，俾小小自由時間自己，休息一下，休息係為左行更遠嘅路呀！加油！
我個小朋友反轉吊住半空叫佢幫手救叫左都都唔理，仲有咩好傾？
其實疫症令中國神憎鬼厭，幫左香港好多，如果唔係佢都唔洗提23條，正因為佢驚完左之後俾人圍攻。而香港人今次算好好，感染數字低，冇沙士果年咁傷
如果壓力大上少一兩日網做下喜歡做既野丫
1個讚
放鬆下自己，過渡期啫，遲啲就冇事
希望在明天, 撐!
咁你老公又真係過分，小朋友佢都有份 
如果佢咁絕既話我咩家務都唔幫佢做，唔幫佢洗衫唔煮俾佢，我搞掂自己同個小朋友算
1個讚
非常明白，試吓同你老公講下你嘅感受，叫佢幫下手。
好明白，每日睇新聞都係中共點樣打壓香港人、黑警做埋幾多衰野、班高官有幾垃圾… 日日咁睇，人既心情點會好～ 唯有寄望黎明黎到之前既係最黑暗架，一定要心存希望，得閒同身邊既朋友家人好好分享下自己感受，小朋友係最珍貴既禮物，點會係害左佢地呢～ 我相信你已經好努力咁俾小朋友最好既環境，有d野唔係大家一個人可以控制到既～ 加油加油～共勉之！
咁你應該真係好辛苦，如果太辛苦，都可以考慮搵d專業人士傾下，有工人或者家人幫手照顧小朋友? 你真係需要間中自己出去放鬆下差下電，你心情唔好都會影響小朋友
過渡期，捱過咗會好的，人人都有低潮嘅時候，加油，放鬆自己，要求低d，希望在明天
另1半唔合作，有無疫情都好，迫都無用，都只會一樣
而家咁既狀況諗野更加要正面d, 唔好將不如意，唔合心意既事放大，向好既諗，加油
我有時都諗生活重重覆覆為左咩，可能呢排吽係屋企多，吽到個人諗埋左一邊…個老公放假就懶，真係火都黎…但換個角度諗，佢地做野都有壓力既…試下weekend去下郊外，睇下d自然環境放鬆下啦
或許每天不是很好，但總有些好事發生於每天。
1個讚