大家好呀，想搵吓同路人。
我仔5歲，A仔，獨子又無得返學，社交班都停，公園無得去，完全無機會同同輩有社交活動。
幼稚園嘅學習全停，本身排到兼收位嘅服務而家等於零。真係好令人沮喪
來緊星期一HKT 2000 - 2030鏗鏘集會講呢個話題，不妨睇下。
1個讚
完全一樣
未夠5歲 都係a仔 排緊s位
無學返 好累
你指既A 仔，係咪亞氏？ 五歲咁早確診？
我仔亞氏Borderline, 相對社交弱。
好坦白，以前有去上過協康社交班，我唔覺得有明顯幫助。
學校我選擇左非傳統學校，小班老師有愛心，有請過影子老師幫佢半年。
佢已經高小，停課期間除左網上學習，有時會同朋友網上一邊傾偈一邊打機。
佢細個既時候我好緊張，成日擔心佢點同人相處，其實而家睇，好多人都係聽唔明人講嘢，社交弱，咪又係咁過，你睇下林鄭。
放鬆啲，我嗰個越大情緒控制越好，無一爆就大爆。固執就一定係，但而家識妥協。
心理學家我已經兩三年唔需要見，幫到佢既人主要係父母，加油呀！
9個讚
我仔都係A仔，5歲幾讀緊s位都停哂，又就快做升小評估，都唔知點算好，唉
我成日覺得無人比自己更清楚更關心仔女，要幫佢哋，第一步自己認識多自閉症。
上YouTube, TED talk, 睇書，盡量自己學多啲。
我之前睇“來自星星的孩子’'呢本書，啟發我好多，人亦正面啲。
3個讚
爸媽手足…加油
講得啱呀，睇temple grandin嘅書，真係好有啟發性；如果係較重度嘅小朋友，好推薦睇東田直樹
3個讚
我仔3歲左右確診屬較淺嘅自閉譜系。社交弱、語言有delay, 其他方面都delay
我上協康社交班，初時覺得無咩用又唔係平，但上第二round後覺得仔真係比以前識玩遊戲、會明白規矩、知道要合作，變相喺學校同同學玩時都叻咗，社交自然有改善。我諗係要時間等佢吸收經驗
多謝你，我都覺得我仔越來越好，比之前未識表達自己時發少咗脾氣。以前佢會亂講嘢，得3、4歲但會話想媽媽死，有時真係俾佢hurt到。
我都努力緊，一齊加油
1個讚
我都有睇Temple Grandin 
我好少睇書，但就好鍾意周圍搵講座同分享會去聽，所有SEN講座總之題目啱我都會去。
不過有時就覺得來來去去都幾三幅被。唔係完全無用，但紙上談兵真係比實際運作易。到對住個仔時，唔係每招都work，加上自己都會有情緒，確係有難度。
多謝你推介，等我都多d 閱讀。
1個讚
記住自閉既"閉"字，門中有才，父母係鎖匙幫佢帶出才能。
好多小朋友都係Twice exceptional , 比心機發挖！
9個讚
可以問下學校可否申請重讀一年。
介紹Dr Temple Grandin 比你，佢本身係輕度自閉到中度自閉人士，亦係動物學博士。佢有出書，用自閉人士角度去睇呢個世界。上面係佢既Ted Talk.，好值得睇！
4個讚
我仔4歲讀緊I位排緊S位，呢期明顯講多左野，唉，好想有學返，等佢有得再進步D
各位家長 你地好
我係卓老師
專為特殊需要嘅小朋友提供上門服務嘅老師
我見大家都好煩惱
有冇啲野 我可以幫到大家？
有冇問題想問？或者了解一啲處理手法？
Hi, 我女兒今年小二了，自閉症傾向，情緒容易焦慮，社交及專注力弱，上學以來得一，兩個同學理佢。
而家學校停左幾個月課同社交小組，佢個人又變得更加難搞
我個仔也是A
會repeat K2
看到E個回覆
心裏面定D
777 都係咁過，即刻笑左
Thank you
2個讚
請問大家, 有冇父母有自閉譜系小朋友升小學經驗分享? 我嚟緊要選校, 唔知點比較d 學校… 唔知係咪happy school 真係比較有利佢學習… 
有啲學校會支援SEN小朋友，可以打電話去學校問。