結婚4年 頭一年同奶奶住
住到真系面阻阻
因為男家系外籍人士
所以冇乜點嘈交
但佢就成日同我老公呻
有時仲會系fb特登打野出黎話我
頂吾順搬走了 呢3年都只系見一次
時不時買d野叫老公比佢就算
我果個99係control freak
全世界得佢對個孫最好，其他人一定要跟佢果套，百彈齋主～成日覺得自己好重要，佢唔嚟睇住啲孫，姐姐就會虐待佢哋
講起佢就激氣～
生之前佢話佢會做到呢樣做到果樣，但係實際上唔係囉⋯所以而家，我遲咗我份工，做全職媽媽湊BB，做晒屋企嘅家務同埋照顧我嘅寵物，真係身心疲累，最慘佢同我講分工合作，屋企嘅嘢係我做佢負責去搵錢，但係佢放假就係佢嘅時間，如果幫我就係bonus⋯話我應該要感恩
係呀！真係唔識體諒人，唔識係適當時間做適當嘅嘢，都唔係唔比探BB，點解唔可以滿月或者百日宴先探⋯咁趕做咩呢？我自己爸爸媽媽都話等我好返先至嚟探BB，我奶奶仲問點解我爸爸媽媽咁遲都唔嚟睇BB，坐緊月有幾遲？我同佢講我爸爸媽媽等我好返先至過嚟睇BB，我奶奶竟然話佢唔得囉！要第一時間見BB囉！吹脹！仲成日喺我面前話個BB好似佢，呢樣真係奶奶大忌！
多謝你嘅支持呀！
講真我奶奶又未去到真係咁衰，不過喺某啲情況佢真係 唔識做，我係一個好直嘅人，所以某啲情況我都俾咗面色佢哋睇，呢一個就係導火線令到我同我老公鬧交，我老公都冇諗住幫我，淨係覺得我唔感恩佢搵錢返嚟養埋我，調返轉諗我都識搵錢養得起自己有餘，而家我用搵錢嘅時間去照顧我哋嘅BB，我知道佢唔會好似我咁樣放棄自己嘅工作，已經六個月我冇休息過，我嘅工作包括所有日常家務洗廁所洗浴室洗地掃地執房洗衫煮飯洗碗同我自己嘅寵物照顧BB照顧都係我自己一手包辦，連我啱啱生完出院嗰日都係朋友來接我，我有幾唔開心邊個會知⋯只可以講我係隻眼開隻眼閉先至可以捱到而家⋯⋯同埋BB真係我唯一動力
1個讚
吓？出院都身為爸爸都唔請假嚟接？
掉番轉諗
係 以 後 千 祁 唔 好 咁
相處之道貴乎尊重
點解唔鍾意佢地問長問短?
係因為佢地問完你但唔會聽你的睇法同原因丫嘛
問你係關心你咩?
只係佢地說教既開場白先咁令人生厭
6個讚
太過份了! 我會拎把刀出黎…
係，同佢講住三日日出院，所以佢攞第四日，所以有嘢做黎唔到
認同呀 既然講到女人嫁入男人屋企 融入家庭要時間架嘛 個男人唔識do 真係會搞到一老一嫩好大仇口 坦白講 媳婦點知6299咁多野 又唔係一齊生活開 但下下用家人身份壓落黎 一結婚有左個身份就同時有埋了解同感情咩 都幾無奈
佢都痴線既 有錢有哂呀? 就係老公呀?
一個會養起我的男人
唔一定係老公囉
可以係我老豆 可以係大將軍
淨係識俾錢就認係老公架喇 佢都on9架
最重要個句 你都養得起自己啦
你老公講到自己好偉大咁
基本野咋
6個讚
我都好憎99，由陀b到而家小朋友1歲仲係憎緊！
女人既價值無用錢衡量唔到架
好欣賞全職媽媽，二十四小時都返緊工架，
但係一份實質既糧，最重要係老公欣賞感恩，比錢更重要其實
其實係仲辛苦過出去打工
所以要加油
4個讚
始終要比佢地睇下個孫, BB多D人錫係好, 只是我自己唔中意佢地啫
係, 非常之明, 就係呢種感覺, 仲成日喉實你, 樣樣野睇住你, 仲多多意見
我都一樣係咁憎~但就真係唔知點解~冇樣野順眼~
我都好憎我99，以前未有小朋友可以番工避開唔見，到我有左，就成日話唔知煮咩俾我食，成日孕期冇煮過任何野俾我食過，都係番媽到先有野補下，到依家，我係FTM,成日話我煮阿囡d野食咁大件唔得，就話佢以前點樣煮切到碎碎咁，但我個囡成1歲多，俾可能總要食咁食。煮咩又有意見，但佢又唔會煮阿囡d 野食
如果真係錫都仲有計傾 有d人只係為左自己一時的滿足…
2個讚
我都好唔鐘意我奶奶
當初結婚 成日話我一定要煮足三餐 (我係要返工) 又話我結婚個日唔識笑 叫我老公唔好娶我 …………
生完個女 係咁叫我老公唔好黎睇我 返工重要啊 又唔好拎嘢俾我食 唔好接我出院
坐月個陣 又話乜都食得 餵人奶係咁煮d 收奶嘢俾我食 ( 好彩我有叫陪月餐) 成日搞到我同我老公吵架 搞到我要見精神科 佢先收手
最尾我媽睇唔過眼 同我湊
我可以形容 生完頭半年 我真係好想死
好彩有啊女 有份工 有媽媽 有家人支持 如果唔係我應該唔得了
1個讚
我就唔係話憎既，但係唔鐘意佢地唔尊重我地做父母架囉
帶我個女去旅行，直接比錢報名唔商量，係番到去接個女先講要去旅行，感覺唔係咁好囉，如果我又比左錢帶佢去第二度玩呢，咁咪gg
我教個女好，又搶功勞，周圍同人講係佢教得好
Wtf