same!!!
不付出又要多多意見
批評這個批評那個
雖然是為bb好, 但真是完全不想聽
掉返轉諗，
廿年後你做人奶奶可能都係會咁問長問短
咁樣諗可能會舒服少少？
我又未去到憎，不過真係唔鍾意佢哋，我生咗BB就快六個月，未生之前見我奶奶都可以傾到計，（我奶奶同我老爺係分開咗住好耐但未離婚）但冇見過老爺亦唔想見（因為係藍絲）而我奶奶就啱啱先由中立變成黃絲，未生之前佢對我都算好嘅，因為佢話可以係冇陪月之後過嚟幫手照顧BB，所以搬咗去佢嗰屋苑，點知生咗之後就出事，係我坐月嗰陣（我係有請陪月架），係講緊頭一兩個星期已經日日過嚟我屋企唔會單聲之餘，仲帶埋朋友來睇BB呀！佢只係想過嚟玩BB而唔係幫手照顧BB！媽呀！佢係咪唔明我順產生完個人好攰，樣又衰唔想見人，而BB啱啱出世抵抗力又低，佢隔幾日就帶朋友嚟令到我冇得休息好大壓力好唔開心，我勁無助，最過分嘅一次，佢有個親戚一家五口有小朋友，話夜晚食飯時間要過嚟睇BB，過嚟睇都算，我嘅底線係唔可以抱BB，亦都同我老公講過，探完跟住佢哋話走，係走過去我老爺屋企坐下（我老爺都搬咗嚟我哋呢個屋苑）咁我就去咗放狗，係呀！我仲坐緊月唔吹得風唔可以周圍走但係我要去放狗，原因係嗰兩隻狗係我嘅，我老公都唔幫我（所以我可以話比你哋聽我係有抑鬱症係屋企成日喊，成日想死），點知佢班親戚襯我去放狗返轉頭去我屋企抱BB仲影埋相，就係因為影咗相，所以我係一個月之後我老公無意中send WhatsApp俾我發現，嬲到我痴咗線！但仲要比我老公鬧返轉頭！中間仲發生咗好多唔開心嘅事牽涉到老爺奶奶，有一次我奶奶話要過嚟睇BB，我老公唔喺香港，咁咪俾佢睇，點知佢抱住BB打乞嗤冇掩口，第二日我BB就病咗，又咳又流鼻水又打乞嗤，同我老公講，佢唔幫我之餘，仲話返我轉頭，我覺得我自己結錯左婚⋯
9個讚
應該生之前都睇得出老公係唔會幫你嘅人？
我都好憎佢，佢地話冇口罩都唔會幫佢地搵，叫佢個仔自己搵，買唔到唔好出街
我坐月個陣都佢都帶成班我唔識既親戚黎睇b,有個姑媽話我肥到好似發水麵包，對一個岩岩生完未修身既女人黎講簡直係侮辱
我都一樣，我心廣體胖咗
我憎老爺奶奶係因為佢哋係控制狂
正常, I hate 6299 to the moon and back, 有機會再分享
1個讚
最慘係結咗婚先發現
1個讚
我諗要開個post討論一下中間人應該點做
2個讚
係，以前好好人㗎，表面上好開通，讀過大學，又對人好，點知個孫出世，對我會好似衰人咁，乜都話我唔啱，又控制狂，又話「你係我新抱我先理咋，如果你係其他人我唔會理呀！」「我教書咁多年！」「我以前（三十年前）喺xxxx做護士嗰陣係要咁做」
佢哋啲嘢我諗講幾日都講唔完！
2個讚
奶奶最好唔好見咁多，世界上有兩種奶奶，一係當你係女咁錫，第二係當你搶左心肝寶貝仔
我係第二個case，即係零重視，有次成家人都沙灘，奶奶叫我睇野，佢同孫仔孫女同老公落水玩我全程水都無落過
同奶奶保持距離最好，我都唔想太熱情太細心咩都得咁，會少啲去接觸最好
男人呢，中間人都係會辛苦，但好多感情出發，唔係叫你不孝，但至少係道理出發
涉及奶奶既話題唔好好傾好傷感情，好在我老公明白事理。
3個讚
我而家好少主動搵老爺奶奶。首先任何社交平台要block佢哋，唔好send相片同健康資訊（因為教老人家係死穴），因為我老爺奶奶教書同做過護士，我唔會再試圖教佢哋點湊孫同挑戰佢哋知識上嘅嘢（呢樣我中好多次招）。奶奶做家庭主婦，唔好同佢分享煮食心得，因為咁佢一定話你錯，什至明明係佢錯，都可以係話你唔啱。奶奶最鐘意話我俾街巿佬騙錢、買錯嘢。話「你唔好整咁多蛋糕，整蛋糕好肥呀」但佢哋就自己買蛋糕俾孫食！
總之十年經驗話我知，任何時候都只回應「哦」，即使佢哋所知嘅嘢係錯，就由佢錯，由佢哋自high
1個讚
如果未結婚就知我估好多人都會唔想結了
尤其係老公幫住奶奶媽寶唔係唔好，個個媽咪都想個仔痴住，但要講理，唔好盲目
1個讚
我應該未去到憎，可能因為自己親生啊媽對自己仲差過奶奶對我。又或者嫁嚟一齊住咗一年都未有，不過有時奶奶做啲嘢真係令我湊仔百上加斤囉！好彩老公都企喺我呢邊會話佢兩句。
好似啱啱咁，bb三個月大，成晚冇瞓覺，半夜仲發完噩夢，佢搶住嚟安慰咗個幾鐘見佢唔肯瞓又嗌我餵奶(全人奶b）好啦餵完冇耐佢瞓著，點知又醒。佢竟然抱佢出廳同佢玩，嘈到我老公同我想唞陣都唔得，根據過往經驗，佢玩完見佢唔瞓又會叫我起身湊仔佢就去煮飯買餸，最後結果係佢又成日唔使瞓。
講咗幾百次佢眼瞓唔好撩佢玩，佢就當耳邊風，我好擔心唔瞓會影響bb健康吖！
我老公都鬧過老爺奶奶，我覺得呢個係最後先至好出嘅絕招，始終家和萬事興，我會先減少製造磨擦
奶奶心抱，外母女婿。呢d 關系就好似牛郎織女一樣，見得越少感情越好。古今一樣
2個讚
下…好慘呀 
雖然你99係好衰, 但最慘係你老公唔幫你
你好叻, 撐得住, 繼續加油呀! BB大個就知道邊個最錫佢
1個讚
一聽到把聲就覺得忟 