你要快D 令自己復原, 無論身或心, 要有好身體好心情, 先容易再有B… 凡事總有定數, 做好準備, 上天一定一定會送個健康又開心嘅寶貝俾你… 加油… 大家都等你好消息…
加油！
唔開心嘅事忘記咗佢，
多啲休息，
煮 蓮子 百合 淮山 花膠 雞湯，
調理身子。
1個讚
調理好身體同心情，寶寶會再回來的！
前年我都試過，天使寶寶離開咗只好接受現實，好快寶寶就番左黎，而家已經9個月周圍爬，壯壯的。
我知道失去左心情一定好難平伏，不過凡事都有希望，媽媽要堅強啊！
加油! 養好身子~
1個讚
多謝你 
身體有一直調理, 依家真係只想自己情緒好啲
唔好咁易受人影響
我會加油的, 感謝你=]
多謝你=]
祝BB健康快樂 
希望自己心情快啲好返, 阿B健康再返黎我身邊=]
我身邊都有朋友最近都生左，有D比我遲有佢都已經過左3個月。初初聽到都會有少少唔開心架，自己放唔開咪盡量唔參與佢地嘅話題囉。何必要攪到自己唔開心啫～
香港而家已經好多唔開心，太多負能量。阿B黎左都調頭走啦！
保持心境開朗 
我朋友遲我1個月有, 佢阿B過到3個月, 依家都已經6個月啦
我初初聽到係崩潰, 真係辛苦到好誇張 (加埋公司壓力)
自從知道佢有左, 我都好少同佢講BB既野, 但其實佢有左我都開心
係尋日係咁岩見到一直無出現既朋友PO左BB相, 先又突然勾起
在這之前我已經個幾月無喊, 算有進步到=]
希望可以繼續進步 
你講起流產令我諗起當初某個ex，為左佢半年內流產過兩次，第一次唔知有左，走左去按摩所以流產，第二次知有左但好少心都係無用流產，但個ex竟然話係我自己陀唔穩怪得邊個，係我身體問題，當時我都怪哂自己，而家好想同個ex講，係佢精子有問題唔係我有問題，我而家個仔好健康出世8個月大，精靈到不得了，諗返起就好憎佢
3個讚
Btw你要加油，bb一定會再返黎你地身邊
係佢未返黎前要做好準備
你呢種痛我都試過幾次。
你好堅強。可以分享出來。我覺得係試過既媽媽先明白果種不安，無奈，憤怒，傷心不同的心情。
只可以話到佐第日，你既經歷會成為身邊某啲人既幫助。因為你係唯一明白到佢既人。因為未試過既人係唔明果份既傷心。對我地成日都有誤解。
我都有同樣經歷，個排日子真係好難過，個時中醫同我講"最少你哋係受到精先"，我聽到個人舒服返，雖然都抑鬱咗一段時間，一年之後我養好身體同心情再試，點知好耐都唔得，去驗先知我哋2個原來好難有BB，得零點幾%，就係個個月竟然有咗，而家BB已經一歲鬆D喇，所以BB會執齊嘢再返嚟搵你，要加油，DNA合成嘅嘢唔會係任何人嘅錯，機率問題，好多人都有經歷過。
2個讚
心痛你有個咁X街既ex, 但好開心你依家有個精靈既仔仔
多謝你支持, 我會加油做好準備 等佢返黎=]
試過幾次, 你一定比我更傷更痛 
心痛你…呢種感受真係只有同路人先會明白
所以好感恩呢度各位姊妹都會分享, 安慰我
其實我一啲都唔堅強, 到依家都仲有為BB既事傷心, 難過
特別係見到其他孕婦既時候
可能我其實都係想得到同路人既安慰, 先寫呢篇出黎吧
互相支持真係好重要, 一齊加油=]
加油，好好調理身體，BB一定會再返黎
1個讚
我有朋友都安慰我話至少可以受到精
我嗰時聽到係覺得, 受到又點, 唔成長, 生唔到都無用
不過依家睇左好多備孕婦女既經歷
我覺得自己真係比好多備孕媽媽好了 所以要感恩
有時好多野真係整定咁
無預計既情況下BB黎左, 又或者準備左好多, 但BB都唔黎
依家只可以抱個隨遇而安既心態, 唔俾自己咁大壓力
多謝你既安慰呀=] 祝小朋友身體健康 永遠快樂
真係試過先會知有幾痛〜甚至係連另一伴都無辦法明白嘅〜
果段時間真係要靠自己行返出嚟 無人可以幫到自己嘅感覺〜
每次諗返起都會忍唔住喊〜雖然身邊嘅人都會話都過左咁耐要let go
但邊有講咁易…
聽講每個BB黎嘅時侯，都會帶一份禮物俾爸爸媽媽，小B嚟得太心急，唔記得拎禮物，所以又返返去拎，要相信，佢一定會好快返嚟我地身邊〜
2個讚
始終BB曾經係我地身體既一部份, 我地同BB有直接連結
另一半唔明其實都理解
其實真係好難let it go, 因為BB存在過, 係我地既仔仔女女
我唔會忘記佢, 佢係我人生既一部份
雖然BB無出到世, 但我地已經係佢既爸爸媽媽, 有爸爸媽媽既身份
如果傻豬BB真係唔記得攞禮物咁大頭蝦, 希望佢下次返黎嗰陣一定要帶齊野
唔好再咁大頭蝦啦
1個讚
我已經過佐啦。因為我最後都生到仔。不過而家遇到曾遇差不多經歷既朋友。會明白佢地多啲。之前每次提呢件事真係講一次喊一次.
不過我想話搵到個夾既中醫都緊要。同埋我係流佐後2次m就試就得佐。
重之大家一齊加油
1個讚