當然唔係媽媽嘅錯
我經歷過宮外孕(好彩只打針打死個胎唔洗切輸卵管, 但其實未打針前個種肚痛都幾苦)
宮外孕後初期怕左, 連做BB都有少少抗拒
但其實我同老公都好喜歡小朋友
我又自我安慰能力還好
一年後, 終於中左, 但唔知點解8週左右自然流產左. 當時好唔開心, 老公好努力安慰我, 但其實我仲擔心佢, 因為我都會喊下發洩下, 男人老狗點會喊黎發洩. 所以有叫屋企人同佢朋友安慰下佢. (其實都要顧下老公心情)
跟手2年都未成事, 終於上年去左台灣做IVF
好彩, 第一次成功
家下34週, 努力等阿B來臨
家下胎位不正, 直情頭向上, 似乎要開刀
我原本好想順產架, 咁對媽媽同阿B都好D嘛
但我會諗家下冇得聞{笑氣}(威記講到明疫情繼續係冇得聞), 又要戴住口罩生, 只要阿B安全健康出世就得喇. 所有野都係有安排嘅.
我覺得要我地等咁耐先俾, 都係好事. 因為2個人結婚後相處本身都好多磨擦, 再多個小朋友而起更多磨擦, 咁好容易影響左夫婦間嘅開係. 相處多幾年, 明白晒磨擦先有小朋友, 都唔係壞事呀
好多野我地都控制唔到(雖然我係控制狂), 所以要調整自己心情同睇法, 咁就容易面對一點, 繼續努力行落去
1個讚
好開心你小朋友係你地都適合既時候再返黎你地身邊 
都多謝你分享你既故事
所以話有時就算準備左, 都會人算不如天算, 唯有順住安排=]
BB乖, 要健康出世呀, 加油
P.S. 其實我都係控制狂XD
我經歷了2次, 明白你感受, 未試過嘅人講咩都無用, 根本唔會感受到
加油, BB會再回來
我第1次好傷心, 隔咗幾年先再有, 第2次因為有一個要湊, 有經驗先容易過一D
加油吖，好好休養身體先，有好嘅身體咩都吾怕，香港兒女永遠系你身邊為你打氣，希望你快d調理好身體，迎接BB嘅來臨！
辛苦你了 
第一次真係好傷同好痛, 但第二次我相信一樣係痛
因為都係心肝寶貝…
我會加油的, 多謝你呀絲打
多謝絲打, 都多謝各位同路人
我會加油的~!!=]
1個讚
就當做令你更學懂將來要珍惜嘅一課，我當時係咁安慰自己，支持你
1個讚
我去年底也經歷過，胎兒一直無心跳，9周離開了
有時都諗，如果BB仍在，我囡就剛好兩歲做姐姐
傷心GA，雖然每次懷孕都不是計畫，但就更感受到每個生命都得來不易，每個小朋友都係天賜的禮物
有咩唔開心都記得同人傾，希望各個過來人都有好準備做個快樂的媽媽～
我依家間唔時都會諗, 如果到左阿B預產期嗰日(7月底), 唔知會點呢
認同每個生命都得來不易, 所以更加要好好珍惜
多謝你既支持=]
我都好希望各位同路人可以開開心心再迎接佢地既BB
1個讚
我見網上資料有啲人係會50幾日先黎都唔出奇
如果有擔心可以去問下醫生
加油!! 快啲調好返個身體等阿B再黎 (抱)
我上一次懷孕係乜都唔知，因為剛新婚未預咁快有左，以為只係遲來M，仲周圍去又行山、露營又去飲～～直到有日流啡好奇怪就知驚去睇家庭醫生先知有左，果時約6周，佢叫我唔好郁訓幾日床穩定啲先去搵專科照，因為好多可能性，可能假性懷孕又可能無胎囊，未有心跳咁早去照唔到啲咩。點知差一日去見專科前就爆血入急症，醫生陰超都照唔到有時心諗係咪因為自己太活躍周圍走影響到佢，都有唔開心，不過老公好好用左好多方法安慰我，又無俾壓力，話生唔生小朋友都係個天話你知同BB有無緣份～隔左一年到我有左一早去睇私家婦產科，個醫生好好安撫我話上胎可能唔夠健康自動流失都係好事，好過一直唔健康出左細仲慘豬～到而家肚入面果個好健康咁成長緊，乜野唔舒服都無心情好到不得了，所以各位無過BB既爸爸媽媽都隨遇而安啦，係你就係你既
1個讚
其實好多媽咪都試過流產，包括我。
唔好將自己壞情緒放大，可能有更好既天使會降臨你身邊。相信明天會更好。凡事有希望。
3個讚
其實真係好痛苦，我覺得係咪真係我做左D咩野，食錯D咩野而令到佢留唔到係度，已經一個月了，晚晚訓教一合埋眼就自動諗起果2晚係醫院，由流啡到無左，晚晚喊住訓
我係20+年前有一個比自然流產更痛苦嘅經歷, BB 走咗, 我兩個星期足不出戶, 不停鬧自己… 後來, 我搵到個阿Q籍口, “個天知道BB 係人世間未必醫得好, 所以收番, 等上天幫我醫好佢再送番俾我.” 當時我就憑呢個籍口捱過咗, 1年多後就有咗依家位大小姐… 小姐出世後, 我真心信係上天醫好俾番我, 因為BB 同小姐都係右手有斷掌紋…
點都好啦… 祝福各位BD媽媽有個健康又開心嘅心肝寶貝…
4個讚
我身邊好人都係咁安慰我
話好過阿B唔健康出黎受苦
理性上其實係明白, 接受
但感性上, 真係無左個BB
所以有時真係好難平衡
特別係見到身邊嗰啲個個都健康生到…
尋日我又知道有個朋友健康生左
就會諗, 點解人地得, 我唔得
心情又down落去了
Ivyan
100
2個讚
(抱)
我好明白你, 我係醫院嗰時都喊足咁耐
即使我到依家已經過左5個月, 我個心其實都未調節到
由其聽到身邊有人BB健康出世時
都會不其然地諗, 如果阿B係度, 今日岩岩28週了
真係好傷好痛
依家時而積極時而情緒低落, 都唔知自己想點
你奶奶好好呀
其實我同你一樣, 依家工作好大壓力, 成日夢見公司啲煩友
但我唔可以好似你咁唔做野ORZ
除左工作唔quit得外, 我所有對阿B好既野都做齊了
婦科, 西醫, 中醫, 戒口, 運動
原本我都好positive o家, 但一見到人地都順利我又情緒反覆了
，而家都仲好記得個聲音。我係冇肚痛冇流血
根本唔知阿B走左。響診所死忍，一出門口響Lift口就眼淚放題
重新出發