我嗰陣時都係咁，點解身邊咁多人有咗，食煙日日去蒲嘅又中，未結婚冇打算要嘅又中，偏偏自己食中藥戒口咩方法試哂都唔中
原來有壓力真係唔易中，最尾決定放棄做濶太時就冇啦啦中咗，諗返由細到大都唔理人，但小產呢件事好似改變咗自己，變到好妒忌心重，嗰幾年因為咁自己都匿埋左冇咗好多朋友
加油
祝一切順利
1個讚
主要係如果小產條腰會好冤，同埋會好肚痛
我試過3次自然流產
而且bb一次比一次喺我身體逗留得短
第一個留到差唔多9周，之後嗰個6周，第3個4周左右
試過無心跳，無胎心
試過塞藥 試過做手術 甚至bb自己消失
但身體上既痛遠不及佢地喺自己身上離開一刻痛
同自己講natural selection 物競天擇
總比佢出左世要喺世上受苦
但兩年內發生左三次 一直唔敢同屋企人或朋友講
同老公不斷研究點解 每次一M到就好低落
後來睇過幾個醫生不斷抽血驗血 再上網不斷爬文
終於知道係因為自己身體的凝血問題 排斥個bb
搵到答案之後幾個月中左
大肚期間每日都打針食藥保住個胎
好不容易宜家bb 7個月大了 
雖然過程不容易
但好多謝三位曾經擦身而過的bb
令我了解到自己身體一直存在的問題
自然流產並不是媽媽的錯
對我嚟講反而係一個更加認識自己
更加反思自己係咪真係咁想做媽媽既機會
唔好意思，打得長左，多謝收睇
大家加油
18個讚
我正正就有個咁既99，佢好似係想安慰我，但我聽完真心想喊
佢話要有之前就應該調理好個身體先啦⋯好似係我身體唔好搞到留唔住BB咁，其我身體冇乜問題⋯
我仲要忍住啲眼淚同佢解釋，頭三個月內小產係因為BB帶漏野，並唔關咩調唔調理事⋯
雖然身邊人可能係出於關心，但如果真係唔識講野或者怕講錯野，真係一個簡單既一個拍膊頭，一個擁抱，什至乎係唔好講野靜靜係身邊陪伴⋯已經足夠
4個讚
睇完眼濕濕
有時係咁想要反而無架，真係要順其自然～心態好重要
你同你老公去搵個原因個陣一定好辛苦
好彩而家都順利懷孕～祝你生產順利呀，真係有小產經驗既先知bb係得黎不易架
2個讚
同埋有咗之後覺得全部都係緣份，BB揀咗一個好好嘅時間嚟到
除咗覺得早D生收身快D體力好D，但其實overall嚟講佢到嘅時間好合時，所以我地成日同佢講笑話等咗你好耐喇，你係咪揀啱有保險cover先到
我岩岩上個月都流產左
我不嬲經期好唔準 上個月初第一次去照USG週數比我用LMP計細成個月 得六周又未有心跳
個時已經非常擔心 成日訓覺前都忍唔住喊
隔左一星期去照有長大但都未有心跳
個陣係有一絲絲希望 我知道BB努力緊 所以我都要比心機養胎
再隔多一個星期再照bb個size細左一半又冇心跳
證實流產 最尾要塞藥排佢出黎
宮縮個陣真係好痛好痛 但個心更加痛 好似自己親手去結束佢既生命咁
之後每日都要留係屋企坐小月 成日都亂諗嘢 責怪自己之前有咩做得唔好 搞到冇左個b
呢個半月過得好辛苦 差唔多日日以淚洗面 但好彩身邊有愛我既人陪住自己 所以而家心情都好返好多 而家最緊要努力保養好自己既身體 希望休息好可以下年成功造人
而離開左既您 永遠會係爸爸媽媽心中 雖然我哋只係相處左兩個月 但都希望您知道我哋都好愛您
樓主 我好明白你既感受 我地要一齊加油啊！
1個讚
認同心態好重要, 好多人好緊張好努力咁想要BB, 都唔中, 反而算啦, 放棄啦, 阿B就黎, 我諗阿B都唔想係媽媽勁緊張既時候黎報到 
睇到你打既字都覺得痛，呢度好多同路人，記住真係唔係你既錯～ 努力養好身體，一定會再迎接健康既bb架 我個陣都好唔開心，要同身邊人分享，同埋小產真係比想像中普遍，唔洗太介懷 加油！
1個讚
3次真係好痛 
多謝你分享你既經歷, 你真係好勇敢呀=]
祝BB健健康康快快樂樂^^
我原本4月search左去台灣做免疫同染色體既檢查
可惜遇上疫情去唔到
唯有努力係香港好好養下身子先
希望我黎緊都順利懷孕, 生出健康寶寶啦=]
辛苦你啦絲打
的確, 我覺得最好既安慰就係陪伴
有時唔識講野反而會中左流產媽媽既地雷點
放心你仲有我地, 我地一齊加油=]
1個讚
心痛你
初初坐小月真係會成日亂諗野
嗰時我老公又要返工, 無人陪, 就諗更加多
當第一日急症室醫生叫我返屋企瞓床嗰時, 我都係咁摸住個肚同BB講, 同媽媽一齊努力好無?
可惜阿B都係離開左我, 而且由始至終我個肚係完全無痛的, 所以真係好突然…
我感受到你對BB既愛, 我相信, 佢好快就會帶齊野返黎搵你=]
我地要一齊加油
1個讚
各位媽媽加油 
1個讚
加油，無論發生咩事你身邊嘅人都會支持你，就好似你對佢哋不離不棄一樣 
1個讚
唔駛怪責自己，bb 今次未預備好
大家都經歷過小產，都明白你感受，好好養身，希望大家既bb 都快快返來
1個讚
之前有睇過一篇報導，講自然流產係流走一D有缺陷既BB，所以未必係壞事，而且流走左自己亦都唔駛考慮要唔要生個有問題既BB出黎
其實今次令我覺得寶寶小產時雖然週數係好細，但佢係明白我諗咩架…我好記得17/2第一次產檢，果陣接近12wks，醫生照時話冇心跳，我心下一沉…之後醫生已經比方案我同先生揀，但我地兩個都做唔到決定，所以醫生話再等一個星期，睇下會唔會有奇蹟出現…
但當時我都已經打定輸數，因為我身體既妊娠反應已經冇左，但我都係好唔捨得即刻做決定，我仲繼續自己呃自己,一個星期後會有奇蹟架…所以我日日摸住個肚同寶寶講，媽媽好想再見到佢，繼續努力下啦好冇
過左兩日我開始見紅量多左，我知道冇架啦，所以我繼續同佢講…如果你真係決定要走，你比媽媽見多你一次先啦好冇，終於去到第7日覆診…出門口前我繼續同寶寶講一陣爸B媽媽可以再見你啦，醫生一照比上星期仲細左，我就知殘酷既一刻到啦，決定去私家做手術送走佢，醫生最快約左第二日，已經交帶哂所有野…離開診所已經喊得好緊要，反到屋企我摸住個肚同寶寶講，你已經好叻架啦,你知道媽媽想見多你一次，所以你等到今日比我見埋先，媽媽夠架啦，如果你真係想走你就走啦，你記得下次要執齊野再反黎搵媽媽呀。
之後一路喊，好似痴左線一樣,不停同寶寶講野，我先生見到我咁佢都跟住喊
一諗起第二日要做手術送走寶寶，個心好似比刀割一樣，直到天光前個肚劇痛，去到洗手間坐左一陣突然間斷斷續續排左兩舊組織物出黎，我就知道寶寶已經自己揀好時間離開
等到天光，我搵醫生講左個情況…佢安排時間比我叫我去左診所照左先，唔好去醫院
照完醫生話排得都幾乾淨，可以唔洗做手術…果下我知道寶寶好錫住我，佢真係一直都聽住我同佢講既野
一路回想反成件事，個心好痛，眼淚一路出黎…唔知道幾時先會真正放低，不過無論點樣放低，佢都會係我既小心肝，因為小寶貝係我囡囡!!
我祝福所有流產過既媽媽或者備孕中既媽媽，黎緊既寶寶都會係健康活潑，一切順利既!!