我都試過，當時以為好快bb再返嚟，諗到好理所當然咁，點知一等等足幾年
嗰幾年好難捱，同朋友傾有啲覺得好少事，有啲完全唔明點解要唔開心，自己就變得好抑鬱，慢慢將個希望變到解藥咁
雖然最尾中咗，但未到出世一刻都冇放鬆過，見到其他人大肚咩都食咩都敢做，有次飲咗杯可樂都怪責自己成晚，諗返都痴線
可能呢個就係華人習俗啦，多謝樓主你咁勇敢分享呀，希望其他唔好彩嘅絲打睇到都要振作呀，流產真係唔關媽媽事，有個醫生同我講其實係個胎本身都唔夠健康成長，所以佢哋揀早啲走唔想到時辛苦爸爸媽媽，係一個十分孝順嘅小朋友嚟架
at the end都想同我粒唔見咗嘅bb講聲i always love u
原來都好多媽媽有呢個經驗，其實真係唔係媽媽既錯，亦都唔係因為做左咩食左咩令到bb流產～果陣我都係7w滿心歡喜去照超聲波嗰陣發現係空心胎，唔開心左好耐～ 之後發現原來比我想像中普遍，只係無咩人會好公開咁分享… 希望呢d文章可以有同樣經歷嘅媽咪一個支持，俾大家知道並唔係孤單一人～
之後我調理左半年，好順利咁再有左，而家準備生喇
大家加油
的確我依家公司某人好難頂
我都擔心有左會唔會俾佢影響心情！
如果會我諗我都會quit
（抱）所以要黎既始終都會黎
希望阿B下次返黎既話都痴實啲我啦
你講得好好呀
我一定會連對佢既愛俾落下一個B度
我都會等下一個B大個 理解到嗰陣同佢講
你曾經有個哥哥/姐姐
雖然我地唔可以一齊生活 但都要一齊加油
香港人成日忌諱唔講呢啲嘢, 搞到好多人都唔知流產好常見, 甚至有啲男人或長老會怪個媽媽. 根本就唔關任何人事, 基因缺憾嘅嘢係隨機
多謝你講出嚟, 等大家多啲正確常識
希望你好快再有, 下次一定順順利利
我完全明白呀 我身邊既無咩朋友經歷過
所以唔係好多人理解
我都好明白陀第二胎嗰陣一定都唔輕鬆
因為我都覺我可能要真正生到健康既B出黎先可以完全釋懷
我寫呢篇係好希望各位絲打唔好再怪自己
因為我好明嗰種感受
好希望大家一齊加油
我媽媽同奶奶都話阿B係唔想唔健康都出世
要我地辛苦
我都知阿B好乖好孝順
I always love him/her
絲打加油，最後會得到幸福的
睇到我眼濕濕 
恭喜你呀
希望我可以接好孕啦
BB要健健康康出世丫
我未經歷過之前成日以為生BB好容易
因為身邊個個朋友都好易有又好易生
估唔到原來失去BB既媽媽都好多
後尾係咁search係咁睇先知很不容易
都證明左好多人報喜不報憂
其實咁樣對媽媽情緒好唔好
所以我決定講出黎 希望大家一齊加油
多謝你呀 我會努力的
真的 我唔明點解大家要咁忌諱
希望多啲丈夫同長老可以睇到呢篇
俾多啲愛與支持經歷呢啲不幸既媽媽們啦
絲打多謝你
唔好喊 我會好好加油
如果有好消息 再上黎同大家share下我既備孕心得
樓主講得好好…
的確小產既媽媽係需要被關懷既一群!!
我本身有一個就黎8歲大既女女…係1月頭既時候發現有左，咁就約產檢，諗住生一胎時順順利利，冇咩大問題，呢胎都應該會係咁既…
所以就冇好急約儘早見醫生，約第一次正式產檢既時候已經係接近12wks既事，一心仲諗住可以一次過做埋T21，但醫生一照已經話個胎冇心跳，停左係6週左右既時間…果陣個心真係好似裂開一樣
直到而家，原本以為自己已經放底左，點知原來並唔係，真係一見到或者一聽到關於BB既野，個心會好不期然地痛，亦會想喊…
我唔係話要忘記呢件事，而係想話比大家聽，尤其是係小產媽媽身邊既人…唔好諗住冇左個BB過左個小月或者一頭半個月就當冇件事，係小產媽媽心中呢件係一件不能磨滅既痛…小小既一句說話或者一個片段已經可以勾起呢個傷痛，希望大家可以多多體諒小產左既媽媽!!!
請問可唔可以形容下同M 到有咩分別
我都有差不多經歷, 我個仔琴日剛7 歲, 原本佢生日前可以有個弟/妹比佢, 可惜我懷孕7周第1次驗時心跳好弱, 醫生叫我2星期後再驗, 2周後直頭冇左心跳, SIZE 仲縮細左… 我生第1胎時好順利, 無諗過小產會發生响自己身上
我依家間唔時諗起都好心痛, 又會偷偷地喊… 好想BB 返來找我… 有時見到朋友哩排生仔都會諗"本來我依家都可以有個小B"… 或者好彩我仲有一個仔响度, 可以分散下注意力
我老公或自己媽咪都唔係太明白我點解傷心咁耐, 或者真係只係經歷過小產既媽媽才明白
我都明呀！我呢胎岩岩有左頭十幾週都十分擔心！係有胎動開始我先放心d
我仲要懷孕初期間中都流啡，有一次已經12/13w，仲pass埋t21之後先出血，好似m咁多，嗰次驚到喊，好驚又失去！
加油呀Bb會再返黎搵你地
（抱）
其實真係好難放底
又或著咁講 唔需要放底
因為BB始終都存在過 而家都存在係我地心中
我明白你話見到BB野會心痛既感受
我嗰時見到大肚婆都會好難受⋯
都妳認同你所講既 少少說話都好容易觸動到流產媽媽既情緒
希望大家都多點愛同關心
希望你都可以快啲走出傷痛
BB黎緊帶齊行李返黎搵你啦
我地一齊加油
我依家發現 每一胎都真係得來不易
同你一樣 我個好fd朋友遲我一個月有左
佢阿B過到12週 依家已經5個月啦
我嗰時一聽到佢話有左 我情緒好激動
諗 點解人地就咁易過12週 生出健康寶寶
而自己就咁弱 連8週都過唔到
本身我朋友已經有個女 但點解一個都唔俾我⋯
我好明白你無左小b既痛
但都好慶幸 至少你有阿仔陪住你
我都好想大B係我身邊
我媽同我老公都唔明嗰種切身之痛
不過唔緊要 你仲有我同好多同路人𠺢
依家你先好好養好身體 將愛放係阿仔度
我相信小B會返黎搵你𠺢！
一齊加油
係呀 我個陣醫生都話其實有問題你應該慶幸一早知道，有d個案出左世先知或者好後期先知仲傷心
明白… 多謝你… 同路人都明白嗰種傷痛… 
希望大家BB 都快D 返唻搵我地…一齊養好身子, 一齊加油 