考過直私嘅有無咩心得？
我個人覺得 in 得家長果幾間, 都係睇嘛家長質素. 有D 唔in , 其實都係父母職業果欄揀左, 另外小朋友性格, 學識.
家庭背景一定會睇, 因為要持續比學費
之後就係學術水平, 雙語能力, 基本禮貌, 家長支援, 體藝栽培…
學術係咪要好好㗎？
坦白講而家D直私幾千人報, INTERVIEW好似嘉年華咁, 一批批人見, 就算學術曉飛天都唔係一時三刻睇到
如果考得直私學術總有D要求 (家長自己都會谷下), 至於係咪叫"好好"就見仁見智, 畢竟咁多直私, 總有D睇其他野
除非係擺明齋玩學術鬥高分 (應該就係得 SFA, APS, 聖私 waiting 復活筆試賽)，否則其他都係 pass or fail。如果學術谷到起碼小學一年級下學期水平，咁呢兩間筆試就肯定有 offer，因為佢地只睇筆試唔面試。
TSL, KTS, YW 等就考嘅學術都係 pass or fail，但可能高階啲嘅題目，即係考核內容都係有一年級程度但係就唔會好似上述兩間咁有 “實際得分/排名"，佢地 1st in 學術，2nd in 父母/小孩。YW 就有 3rd in 校長。有啲學校雖然傳統亦係注重學術，但考核學術部份唔算多/深，甚至冇，例如 DG DB SPB。
所以要研究下自己小朋友學術根基，如果俾一本小一補充，有大半唔識做，咁報 SFA APS 係浪費。如果小朋友係話頭醒尾，兩文三語表達能力同思路清晰，舉一反三，駁嘴嘅時候可以激到你想殺人，咁就算學術唔係好叻，DG DB SPCCPS 都可以試。
5個讚
D系列點解唔考核埋學術咁奇怪？咁咪好易收錯學生？
你呢個好有用，我正想問下，如果我唔想谷小朋友學術（意旨補習認字做paper呢d)，但小朋友好醒目轉數快駁咀勁叻語文好記性好運動叻，我想谷佢運動（堅train希望佢拿牌個隻，因為有潛質），入DB Spcc wy 基會大唔大？
咁學校一直沿用呢個方法又有好成績嘅話，咁即係佢有方法有信心教得好，亦知道呢個方法搵到佢想要嘅學生。
APS SFA 係需要搵讀書學生，因為佢冇靚校舍，最大賣點係學術同升中業績，咁呈“分”，就一定要搵讀得書嘅，咁有筆試，按排名分數俾 offer 一定冇錯。DB DG SPCCPS 其實佢裏面課程又唔算好谷，只係佢教材課程自己編寫用心，亦一條龍，報得名嘅大家都有返咁上下學術能力同家庭能力，咁佢只需要搵 “學術合格”、“心水清”，加幾個特異功能學生就得，反正讀唔掂嘅咪留班俾多年學費/轉校，頂盡中學走佬去外國，從來唔缺文武雙全嘅插班生/呈分生。
1個讚
報名前攞到 “非豬肉特意功能證明” 就有啲機會。DB 近年係收多左啲服從指令嘅學生，因為從前嗰啲操行難控制。佢唔一定收學術 (識一個考到 SFA 但 DB round 1 reject)，只要你個仔識望眉頭眼額，有返啲基本禮儀。DB 有考畫畫、切野、聽故事答問題、睇卡通、安靜遊戲。DB 有卡通洗腦環節，所以如果你小朋友面試完曬仲清楚記得啲面試內容，咁都大機會。另外如果英文唔係如 Native speaker 一樣對答如流自信運用，就唔好勉強用英文 in，揀廣東話。SPCCPS 就唔太清楚，但以往有純玩、老師觀察言行。YW 有考畫畫、看畫講故事、睇圖書，中英數都有考 (認圖講字)，有部份推理、處境題 (例如：X 隻動物 X 樣食物，幾多個冇得食/你會邊到見到呢樣交通工具/你估下 X 裏面裝咩/如果 XXX 你會點)
有樣野係我識 DG DB SPCCPS YW 學生嗰陣感覺到，就係 “心水清”。你講一句，佢唔會咁容易上檔受騙，可以舉一反三。某程度上係 “醒目/蠱惑”。即係例如：我話 “如果你宜家幫我掃垃圾，我俾 5 蚊你”，個小朋友可能會答：“係咪每次都有？/5 蚊咁少都買唔到野/平日出街我都唔會買野我攞 5 蚊都冇用”
呢啲冇得 train，天生係呢類就係呢類。
1個讚
以你所講，似乎無得train
但點解仲有咁多人狂谷學術呀？
因為其他都考學術，好多報呢類神級學校都會考 SFA, APS 呢啲，亦會考慮叩門官津，叩門唔少考學術，有啲考得好深。即係神校已經大把文武雙全考生，唔需要考咁深，其他想做升中業績吸引人才，就按照學術能力招生。
同埋學術係有保質期，今日用唔到，小一都必定用到。學左冇壞嘅道理。
考DB洗唔洗好專注？ 小兒活潑好動古靈精怪 我覺得性格係適合db個氛圍 係驚計數唔夠其他男仔好
咁專注於老師指令同提問都好重要。
都係嗰句，要個小朋友 “心水清”，好多小朋友古靈精怪好活躍，但唔係心水清，講亂一通佢地就信到十足，但DB 仔會思考然後指出矛盾/提出疑問。
起碼要過到轉轉櫈先
少少經驗分享
大部份直資都係揀一d合乎佢地學校文化特質嘅學生，e.g. 傳統小想揀乖巧、活動教學嘅揀主動學生
所以成功首要條件係了解學校！揀啱學校嚟報
身邊無朋友小學入SPCC，但DG/DB 就有，我仔亦考過DB，其實睇面試分享，都好易明白學校要乜人
DB 一面有唔同"活動"，佢地搵緊個別項目表現突出嘅仔
二面有單獨+同父母一齊時間，睇到家長修養，孩子獨立性，仲有張轉轉櫈！
其實GT 嘅approach 都差唔多，孩子表現，再睇一睇家長
我兒上面兩間都有二面，DB失敗，因為當年係一齊入去然後家長離開，早已講好流程，從來面試唔喊嘅仔，竟然喊！
GT 係11-12月call 2nd in, 我地無去
小一唔係考學術 (除SFA)，但名校小二就一定考學術，再附加強項！而到小二，男校們都係搵同一批仔
請問播道傾向收邊類型學生？
轉轉櫈 請問是什麼來?
想問下陳守仁個d準則又點?
英文英文英文～～～～～
我朋友個仔讀普通卷幼，狂谷英文，成功入咗陳守仁
1個讚