我哋第一胎，而加BB八個月了，識坐、識轉身，但仲未識爬，係咪正常㗎? 大家嘅仔女幾多個月識爬?
我聽啲長輩講，有啲BB一學就學行，冇經歷過爬嘅階段，真唔真?
係真
推薦你睇netflix 奇妙的第一年
入面有講過 有D BB真係唔會爬 直至到學行
真，我囝冇爬就行。。。。。
我個囝都無咩爬過，喜歡猛住D邊就企了，就行了。
我仔仔十一個月先爬兩步，但佢會扶住圍欄邊企
我對仔女從未爬過，所以當年沒有參加BB 爬行比賽 
一開始就係響BB床爬起身企，無幾耐就扶住嚟行，就係無響地下爬過
我囝當年自己同日谷攪左個爬行比賽，佢一嚟就起身行
1個讚
七個月開始識識地爬
我仔都無乜點爬過就識行
我個仔行到15個月已經識扶住欄杆一級一級咁上落樓 
然後2歲就識跑
驚嚇程度10級
我仔都冇爬過，9個月開始自己扶企，一嚟就行，係識行之後先爬
比佢用手仔趴多啲喺床，對手會熟習多啲對手點用力嚟爬的
但都好多 BB 會直接行路，就算唔爬都唔使太擔心
我大仔都係，細仔依家9個月爬好快，但今年疫情又冇。好想參加玩下
我仔都冇爬過，佢係轆過去攞玩具 
一歲已識行，而家六歲想追佢都難。
我表妹細個就係冇爬過就行
佢而家都幾十歲人喇，唔見有乜唔妥喎
我個女細個都係冇乜點爬多數扶住啲嘢一或者坐喺度望住我等我抱佢過去
差不多10個月先識爬
盡量引佢爬﹐對佢將來平衡力有幫助﹐就算已經識行都可以引佢爬架。
我個B從來唔爬，無端端就識行
唔係全部小朋友都會爬，有啲完全唔爬。而且8個月未爬唔算遲㗎