不過講開產前爸爸可以幫到咩手嘅，可以揾下有咩需要買呀，咩牌子嘅用品會比較好。有啲資料係手可以同太太一齊揀，同埋真係要用嘅時候都有啲認識。
我太太就快三個月，我都好驚會做豬隊友
上網睇片見到好似好多嘢要學，有啲緊張
你要永遠記住第一戒，不要駁老婆咀!
唔好叫你媽媽退休湊孫，如果到時佢湊仔理念同你哋唔夾，呢個年紀想搵番份工唔易，到時兩頭唔到岸怨懟仲深
陪月好緊要，我奶奶當年都自己湊大細路，但係係幾十年前囉，同埋生完仔真係身心疲累，如果仲要擔心奶奶睇法同感受坐月會好可憐，陪月就可以order佢點幫你哋
至於你，到時請當老婆係女王咁服侍，因為佢要餵人奶，你冇得瞓都唔好比佢冇得瞓，未生前請好好照顧自己身體，到時要捱幾個月餵夜奶，千祈唔好病，病咗幫唔到手湊bb
3個讚
餵母乳好大壓力呀
訓唔夠 飲唔夠湯水 都會影響奶量
話俾佢知盡左力就得
唔好逼自己太緊
有d人會餵母乳餵到好悲壯
覺得咁先係愛bb
搶抱呢件事 我真心覺得好憎 阿b識你老鼠咩 你以為你話你係親人就要親你對你笑架?
細個阿b淨係認到媽媽 偏偏成日抱左去 搞到勁無安全感成日喊訓唔耐 就話係媽媽唔識湊無奶餓親佢…(下刪一萬字)
1個讚
真心認同，帶BB上去探6299，明明佢成家人都知道一樣冇見B咁多日，但係其他人抱緊佢都要搶來抱。一係話62污糟唔好抱，一係話姑仔唔識抱，總之得佢一個可以抱。 
首先, 非常多謝各位爸媽的回覆, 十分有用 & 好有道理。同時, 我問曬身邊朋友, 差不多都有請陪月, 最後老婆&我決定請個陪月幫下手, 而家見緊, 原來都唔平, $20K已經係入場費。
另加2大長老 (我媽&老婆媽) 得閒 Day Time 幫下手, 老婆果邊仲會煲埋薑醋 + 雞酒 + 補湯。太太開刀, 頭一個星期會喺醫院, 公司有10日侍產假, 會再請多1個星期 (如果唔夠再請), 我應該可以陪足頭果一個月。
老婆知道人手充足, Feel到佢當堂都放心曬, 我都放下心頭大石。
10個讚
你而家咁安排唔錯，陪月果度就真係要快手搵
到時最緊要照顧到老婆情緒，呢啲時候佢會特別敏感同記仇(唔好意思我諗唔到其他正面啲嘅形容詞)，過咗頭兩個月bb易湊啲就會過，你做老公嘅忍吓捱過佢，你老婆見到你付出佢會明白
留意番如果餵人奶的話雞酒有機會會過俾bb
最好食左雞酒之後餐奶唔好俾bb飲(泵出黎唔要或作其他用途)
新手爸爸報到，Bb 7w就8w。岩岩今日照到閃閃了。個心安樂左
想問下如果想請陪月最遲要幾時搵？聽講好搶手
會唔會有興趣開個gp大家交流下
1個讚
而家可以開始搵啦
熱門嘅陪月好快俾人book晒
我有咗3個月先開始搵，有幾個心水都已經俾人book咗
我係你呢
一定唔會比自己阿媽主力幫手
就算點關係好
產後荷爾蒙影響情緒再加湊b方式
好快勢成水火
2個讚
我都同意，負擔到就請陪月喇，因為上一代湊仔始終同我地好唔同，再加上可能會唔記得… 請一個陪月會令到你減少好多麻煩
得閒上網youtube睇多d育嬰video、睇埋育嬰書，盡量吸收下，加油！