你識得爭自己老婆，超好！
如果朋友有二手bb車，bb床，high chair可以接收
慳番唔少又環保，奶樽奶咀就要買新既
另外建議你太太生b後應該要住多一兩晚，買份小禮物買束花氹下佢
如果屋企環境同財政許可就請工人幫輕下
佢對我好 我對佢好啫 
仲有呢段時間如果有任何人同老婆持唔同立場
當刻一定要企係老婆個邊
最多之後私下再同老婆傾
呢個時間佢好容易覺得自己孤獨作戰(明明成個男人係佢隔離一樣做緊野)
忍到一兩歲啦 之後會係另一個世界
1個讚
我當初一知有左就請定陪月，你剩返4個月先搵已經遲，做媽媽in都要時間
奶奶退休咁同你老婆坐月…得罪講句，一定會有婆媳糾紛，壓力測試唔係等而家生仔先黎試
初生媽媽好易depress，同你未生的狀態下婆媳相處好唔同，我勸你咪制…盞自己辛苦，除非你阿媽出名順得人意
及你媽媽選擇退休照顧家人， 照顧老爺又好，照顧媳婦又好，佢由返工變左照顧家人，心態可能都要適應
請陪月，可以比奶奶知道新式湊仔方法係點，學埋陪月d野，一有咩事可以用陪月做標準。
你老婆開刀生，最好請1.5個月 陪月，因頭一個月媽媽開刀，補唔到好多野，要癒合左傷口先可以補。
若老婆係ftm 咁就辛苦d…要多多支持佢呀，做多d家務，唔怕學湊仔幫手餵多d奶，幫bb沖涼（生後三個月都叫坐月唔好掂生水）聽佢呻，已經係十足幫助
係咪人奶都係其次，無咪補奶粉囉（平常心心態反而易有奶，無都無所謂），母子女平安，家和最緊要
利申，雙職泵媽一子工人湊，長老只是陪玩
1個讚
唔係個個媽媽都咁上奶，佢地好易鑽牛角尖怪自己唔夠奶，嫲嫲就怪新抱餓親
有共識買定奶粉唔夠就開奶
未戒夜奶時，凌晨果餐好多時都係我開奶粉餵
真係，除左貼身用品，好多用二手就得，大部份都係用得幾個月甚至全新，我當時買左半打Philip樽個女唔肯用然後送俾人，之後用pigeon
作為一對兄妹嘅老豆，初生bb 媽媽有好多野準備，講真上網google 下，你一定搵到好多。
但作為過來人，我覺得搵個陪月係好嘅，目的唔止係有人幫下手，最重要係喺你女人心情煩躁嘅時間，你唔幫佢搵個敵人，咁你就係佢敵人，你懂的，錢解決到嘅問題就唔係問題。
係
因為係老婆角度，自己阿媽鬧得
奶奶唔鬧得
1個讚
最好唔好預奶奶黎幫手，你唔會想死。
嗚嗚同意呀
但我覺得就算奶奶平時係順得人都最好唔好坐月。。。
我奶奶平時都係順得人，但係一去到bb 就好罷住。加上樓上有師兄話齋，對自己呀媽同老公呀媽表達意見真係好唔同，我就係嗰類「逆來順受」嘅白痴妹
終極考慮都係老婆意願呀
已經立即搵咗個朋友問緊, 希望有得見！
1個讚
係, 我最擔心就係搞埋婆媳關係仲麻煩！
我好同意您咁講,
我寧願問下我老婆果邊可否幫下手
老婆唔想陌生人照顧… 所以佢一直都唔太想請陪月…
正所謂：自己老母自己小
好彩想當年我個仔係撞正農曆新年出世
請左成個月假做陪月
簡單d講
炒米茶
黑豆水
做家務洗衫
換片
幫個仔沖涼
抱下b掃風
煮飯洗碗
煲薑醋
得閒就影多d相做紀念
比老婆任勞任怨啦
咁辛苦懷胎十月
佢正常都會攤番幾星期
唔好做豬隊友就可以
我建議產前產後都飲多d魚湯
產後唔好煮綠豆/豬潤/乳鴿
小朋友注意一下溫度
老人家成日怕佢凍比太多衫佢
但實際上佢仲熱過成人
唔好焗親佢
總之一句：其實唔難
3個讚
我小朋友剛剛出世幾個月，建議如果老婆想坐月搵返媽媽照顧，最好順下意，唔好夾硬要奶奶湊
另外始終如果有人長期睇住BB同媽媽，係身體同情緒大多數都有幫助，爸爸要返工係差咁D!
爸爸你最好趁有時間睇吓各種BB唔同時期既反應同對策，幫輕下媽媽手
媽媽生完前期情緒好易波動，最好唔好頂撞，可接受範圍內就忍讓下，同佢傾多D，理解下佢既需要，等佢知道你有關心佢而唔係只重心放係BB到
BB野睇下身邊既朋友親戚個D有冇剩落黎既用品，床啊、衫仔，BB大好快用唔著，通常都會拎到返黎，可以慳返唔少錢
BB出世後最重要一定要準備定床用品、奶樽奶咀、尿片、清潔沖涼用品、和尚袍、面衫仔、包被之類，其實野唔夠可以之後再買
奶粉可以自己諗想BB飲邊隻，或者跟BB出世醫院比邊隻奶粉
至少媽媽方面，可以開始同佢調節下心情，事先傾下點分配工作，預備定走佬方案，同媽媽執定入院用既野，至少要比媽媽知道你有上心為佢著想之外，都要令佢個心唔好咁不安
幫媽媽買定入院用既野，炒定D米茶比佢去水腫上奶，到時入左院都可以買D零食正餐比媽媽安慰關心下佢
1個讚
唔駛擔心, 99%都出事
我囡依家四個月大 我就無請陪月(窮) 同公司請左一個月假期陪老婆 連埋奶奶Day time幫手
炒米/薑醋個d唔使咁快準備既 產前個半月左右先整啦
諗返起一開始真係好地獄架 bb每隔2~3個鐘就要飲奶 老婆無埋身泵出黎餵 基本上係我同佢都無乜點瞓 不過見到佢成長係開心既
提一提你 啱啱出世既bb一定要隔2~3個鐘餵一次 就算佢瞓緊都要叫醒佢飲 touch wood 佢早左出世 更加要叫醒佢飲 如果唔係d黃疸唔退 要返去照燈仲麻煩
強烈建議負擔到真係要請陪月。我生完果陣99話幫手，仲主動上埋陪月班，考試仲合格。本身同佢相處都ok諗住佢可以做到陪月果份，畢竟佢都係上左堂。
點知BB出左世之後佢淨係幫手煮飯同幫BB沖涼，仲要唔係過來我屋企幫手，只係送飯。結果老公返工嘅時候得我一個人頂，洗奶樽奶泵全部自己一個。
你同太太係新手，唔知你媽媽係唔係新手嫲嫲啦，如果大家都係新手嘅，有好多野係唔會好似預期咁發生，加上產後情緒可能好多野會好敏感。如果可以，最好請陪月（尤其係新手），可以等太太休息多啲。