樓主有左幾個月?
要係私家診所book定做超聲波
公立醫院同私家醫生個病歷未必互通，同埋有時兩邊做嘅檢查未必一樣。
我自己經驗：公立醫院一開波會同孕婦抽血，驗咗譬如隱性地中海貧血、梅毒、肝炎之類，又會問家族病歷譬如高血壓、心臟病同糖尿，去決定駛唔駛你去飲糖水，36-38週就check乙型鏈球菌，私家醫生就冇驗嘅，但就做超聲波、T21同結構等嘅檢查。因為我喺公立生，所以呢類report我次次都帶去俾返醫生做reference.
因為萬一有事入院，佢哋可以即刻check病歷同排版
冇錯呀
就算有媽媽一心諗住私家開刀，畀埋訂金都好，
Touchwood bb早過37周搶閘出世，私家係唔收㗎
點都要你返公立生
公立留record好緊要
我都有睇緊方醫生，同時有睇公立產檢。方醫生見公立有幫我book結構就無話另外要提出檢查。其實結構會唔會都係喺私家做好啲？
睇你信唔信得過公立嘅結構…
我之前喺bk睇過 有媽咪話公立結構連手指腳趾都冇同佢數，但又有媽咪話公立照得仔細 
我既經驗:
我係未有BB就諗住開刀
有咗之後去過威院兩次, 係佢比得兩個期我
一次照Oscar (12週)
一次係普通檢查(32週左右)
呢次健康院會比排板你拎去公立,有齊你所有檢查既資料, 所以唔建議skip健康院, 特別係你公立生的話
其餘檢查就去私家, 直接搵咗個可以睇埋結構既醫生
12週做nifty 20週照結構
自費私家飲糖水 (公立無比糖水期我)
35週做B鏈 (私家做因為當時驗到胎水有問題, 順便提早做埋)
仔仔36週趕住出來, 私院計緊急開刀
媽媽group入面聽過有人話有個朋友去公院照完，唔知點解手痕想出私家照多次結構，照完發現bb得一隻手掌 
我無記錯 五個月左右 太早同太遲都唔得
吓
咁點算
啱呀 一定要開左file先
唔使自己親身去架 我個時蠢左同埋太太去
同埋問定產檢可唔可以去健康院/其他醫院做
太太係聯合 可以揀將軍澳醫院 之後再轉介去坑口既母嬰健康院
好似最後落左個Bb
分享下我都係新手媽媽，
即使你打算私家醫院開刀生，
最好都係公立醫院登記左先，
萬一 touch wood BB 比預期早左黎到呢個世界，私家好似唔能夠即時提供服務 
所以最好有兩手準備，
我自己就一bingo左就去診所驗拎左懷孕証明，就即日去母嬰健康院同醫院登記喇，之後產檢就搵返私家婦科醫生
我黎緊5月都要公院驗早期唐氏同聽講座，
都要全副武裝 
多謝各位既解答，得到好多資訊！
多謝哂咁多位，好有愛 
1個讚
其實係點都要公院登記左先
因為真心touchwood bb出世有咩問題
私家醫院都係將阿b送番去公院架咋
你有去開公院檢查
人地有資料易跟少少
記唔記得yumiko個女咪就係出世有問題
佢私家醫院生
都要送番去公院醫
因為公院真心所有儀器同設備齊過私家
我喺公立生
私家公家檢查都keep住做
我呢邊嘅公家淨係會度頸皮同每次聽心跳
所以我就會搵私家照超聲波可以check得清楚啲
我搵嘅婦產科醫生係男嘅
都係聽朋友介紹先搵佢follow up
點知攞啲報告返去公院醫生睇
先知原來我呢個私家醫生係好資深
唔怪之得收得貴過人
另外我有自費出去check T21同照結構
呢啲好多地方都有做
所以就唔特別介紹，可以自己research吓搵邊間
我自己覺得啦，去私家生嗰筆錢留畀bb用仲好
除非好有錢啦都唔志在嗰十萬八萬
我自己第一胎嗰公院生嘅經驗都幾好
所以就覺得唔需要去私家生囉
我生嗰陣冇打無痛
因為姑娘話藥力會有少少影響到bb頭兩三日
會烏吓烏吓唔係好肯食奶
所以我只有打止痛針同聞笑氣
有剪，但唔係好覺痛
傷口兩個禮拜就好返哂
1個讚
我情況同你差不多，岩岩有左，附近無咩人有懷孕經驗，努力周圍爬文學多d野。
我都係呀, 岩岩先知有左, 但因為得幾個WEEKS 又唔想咁快問人. 但又唔知自己要做D 咩… 大家要努力呀!
我都係新手媽媽～我開頭都係對個流程乜都唔知，不過好彩由個家庭醫生教左我去公立登記，公立一般複診時間隔好耐，所以自己都搵左個婦產科醫生睇，點知間野非常好有晒個表同時序，邊個星期要做乜，個姑娘會由頭到尾解釋一次個流程，仲任你問，跟住個表攪掂，完全唔使煩。個醫生又唔sell，我話我無概念私家定公立生，佢叫我去公立生可以慳錢
我都係想跟足話晒第一個B想搵佢接生（因為怕痛嘛～公立佢地9成係唔會俾氣你聞架）佢話佢鼓勵順產架～我上網睇返佢啲訪問佢鍾意BB一出世媽咪攬住BB果種喜悅
大家一齊加油啦
2個讚
我都係公立生加自己去私家覆診，nifty,結構都係自己出去做，其實政府都跟得ok, 之前孕後期bb 有啲過輕，政府都有期俾我每個星期去照一照度size,一直到bb 追返先停，不過政府無相睇，去私家就會有相拎走，當keep返個回憶