間間私家都唔同，例如港怡自己有package，有set到最高上限(當然唔包醫生費麻醉手術費之類)
但又聽講有d私家醫院package計落仲貴咗
所以都係產檢嗰陣直接問最好
記得問埋想揀嗰位醫生會唔會咁啱預產期放假
好羨慕係去威院
真係好多謝大家既解答
我真係N年冇玩討論區
呢度好warm
1個讚
我係公立生, 不過都有睇私家(1個月1次)
我係ST. PAUL’s 睇方敏豪醫生(唔貴同埋我自己覺得方醫生都幾好),我自己都有出去照結構
我以前比較麻煩，因為有血壓高，所以會去返公立生，去公立醫院覆診（健康院睇頭兩次已轉介我去醫院覆診，因為血壓高），另外去私家診所照超聲波。公立服務態度係麻麻哋，但複雜嘅問題都係要去公立醫院跟。
起碼去一次公立，開個file會比較好
其實婦產科覆診大堂等嘅人唔多，大家都坐得好疏，一個鐘多d都走得
我都冇做oscar，但有喺私家做T21
不過睇咗另一篇post，oscar照去好d
公立除咗oscar，仲有驗血、飲糖水、結構(唔係間間有)、驗B鏈
我嗰時都係威院。公立醫院無得選擇,第一胎一定係要試自然分娩，我血壓高都要試
恭喜你先
我系男 你可以同你老公都傾下有咩要準備
我同我太太係結合媽媽Group 同網上資料
老實講 媽媽Group 有啲都係人云亦云
最主要係先決定公家定私家
如果公家生就要出邊搵多個婦產科醫生做產檢
如果私家生就一個醫生跟到落尾
11 12 週就可以做唐氏檢查 同埋DNA
通常都係T21 or NIFTY Pro
要Book 定20週邊個醫生做結構
做結構醫生需要有母胎學資格
唔係個個婦產科醫生可以做 出名醫生好Full booking
溫馨提示 有啲好出名醫生照10幾分鐘就照完同你講無事
有啲二線出名醫生照成個幾鐘
睇你想要名氣權威定仔細
睇情況有需要會做飲糖水測試 驗妊娠糖尿 呢個可以問醫生
所以公立即係去健康院嗎？
要點預約？佢有個app，但唔識用 
你好厲害呀！唔係個個爸爸都咁勁！
我先生都好錫我，但佢好似搵極資料都唔識好好整合，最多知道咩食得有咩唔食得
不過都唔怪佢，有心就得
所以你好厲害！
你可以參考各醫院的產前服務新症登記程序: http://www.ha.org.hk/visitor/ha_visitor_index.asp?Content_ID=10053&Lang=CHIB5&Dimension=100&Parent_ID=10042&Ver=HTML
我都陀緊b
產檢搵私家 做左t21 未book結構
打算係公立生
一黎慳返筆錢，二黎我想順產好驚開刀，你知啦臨生個人好徬徨，私家醫生見有少少risk就建議人開刀，咁你果一刻肯定信佢專業就去左開刀
先打電話去問下，以前（十年前）係走去母嬰健康攞個人資料同驗孕醫生信去登記
我都係第1胎
建議一知道就去公立開file先
因為開頭作小產都係靠公立mon住
雖然8週之後話有心跳就一野跳到唐氏檢查
再之後成29週先見第2次… 不過好過冇嘅
另外有朋友介紹個私家 我亦一早諗住係開刀
所以2邊都有睇 好嘅醫生好早full
2邊都要快啲排啦 最後邊道生可以慢慢決定
成日聽人要去公家做產檢因為想有record, touch wood有咩事都要去返公家
但其實如果真係有事, 私家唔係都會refer返去公家? 所謂要"有record"其實個作用係咩?
公立唔等同健康院
正常流程係
1.先去是但一個私家醫生，睇傷風感冒個啲都得
拿一張Pregnant證明，有預產期
2.打去公立醫院睇下你個住址應該屬於邊間醫院
3. 登記可以唔洗自己去
4.叫老公帶你身份證 結婚證明 住址證明去婦產科登記
5. 區區都唔同，登記完姑娘會同你book 期
有啲醫院會幫你Book 健康院睇助產士
有啲區要自己打去健康院 Book 做檢查
我考慮左好耐，最後都想順產呀！
所以打算轉婦科醫生，跟一個鍾意順產既
2個讚
多謝你呀！超級詳細
我呢幾日踢老公去預約先 
利申先,我係男
你有懷孕證明之後,可以去公立醫院登記先,之後應該會安排你12 weeks 左右度頸皮,但頸皮好似得8-9成準,要驗有無唐氏等遺傳病,可以去私家醫生驗T21, nifty, 或者體驗中心都有,有平有貴
到20weeks 左右要去私家照結構, 最好快d book, 因為好full (公院得好少位)
過左照結構,30週就去公院飲糖水,36-37週驗b鏈(我老婆中左), 之後等生
中間如果想照超聱波睇下bb, 就要book book 私家,誠意推薦羅x華醫生,好有耐性,又唔趕
咁你去過產檢未呀？因為差唔多三個月即十二週已經可以做T21喇。
同埋無論去唔去公立醫院生都去做咗登記先。帶身分證、住址證明、私家醫生封證明懷孕嘅信去登記，第一次產檢嘅期係見助產仕同抽血檢驗，又有講座聽，對新手媽媽好有幫助ga。
明白呢個時勢要去醫院一定好驚，惟有帶定酒精搓多d手，戴埋頂帽，做足準備。
因為touch wood萬一早產或者孕婦喺懷孕期間發現有咩問題，入公立醫院無論喺budget定設施其實都好好多 