開頭真係唔知點開口同佢講架，最怕佢覺得我係嫌棄佢又唔想比佢覺得我係教佢。
咁你最後係點樣傳達個意思俾佢㗎？就係因為嗰次情緒爆發而佢自己領悟到？ 
其實我無同佢講架。可能佢聽到我係房喊住同老公講電話既時候，係房門外聽到呱？
有時我都明佢係錫個孫，但都要控制下自己唔好咁痴線先得既
我同99住，我99當我半個女咁錫⋯佢又唔會點理我
1個讚
最緊要老公唔係媽寶，我奶奶對於我點湊小朋友，佢唔會加意見，咁當然都會正常老人家病態，會竉個孫，唔過份我都會算
係。老人家最興咩都順晒個孫，講左唔食得照俾
不過我都係唔太過份就算，但會同我老公報定案，因為我老公對食仲緊張過我，如果佢覺得過左位一定出聲
Exactly! 其實我都明小朋友有老人錫好幸福，佢哋有孫抱都好開心，但有時真係過咗界。有時我覺得佢好似當正自己係個阿媽咁。。
我暫時唔知點表達好，只係控制佢哋唔好嚟咁多，佢嚟親我都會主動比二人世界佢哋，不過每次我覺得佢好似想exclude咗我咁，我就覺得好唔舒服。
我奶奶朝朝早坐定定係廳等我抱bb出廳比佢玩架
有時候佢見得我一個行出嚟去廁所會好失望，佢好似唔明BB要訓得多先會長肉既道理。明明佢都做過人媽咪
點解會咁既呢？
我同老爺奶奶住了兩年多，都幾好
早放工回家就有飯食。
我奶奶做家務，煮飯。無埋怨。
老爺都好明白事理，永遠飯後果就老爺預備。
2個讚
如果唔生小朋友, 二老又唔係話難相處既,應該OK既,
但生小朋友話都係搬開好喇
我反工帶飯，奶奶準備埋生果俾我下午食
反而我掉轉諗。小朋友點都知邊個係呀媽，一定痴呀媽多啲，奶奶想，就俾佢二個二人世界下。我有時間做自己野仲開心，所以我從來無因為呢樣野唔開心
我好羨慕你，有咁好6299錫你，我新婚3個月，由macau嫁左黎香港一齊住，疫情關係無擺酒，無食飯，連我娘家都無斟茶，只敬左茶比6299，結婚第二日，99就講要改口叫「99」啦，朝早起身會叫佢地早晨，點知有一日，我99同我講，話62小氣，起身叫早晨，要加埋「62」「99」早晨，真係嬲到陣，點解要咁強調叫呢？我老公有養狗，同本身我係鼻敏感，咁佢地養狗我都慢慢適應咗，點知有日，狗大便左，大便係露台，我見到，但無理，因一直啲大小異便我不會去處理，一來我從細到大都無養小動物，最後62去處理，之99同我講，62小氣，話狗仔去左便見到都吾幫手執，你嫁左入黎就咩都要做，我以前都好怕大便，慢慢習慣左，我想大家都和氣，咁你就睇住辦啦，我聽完真係好吾開，因狗是你地養，係你地嘅關係竉物，點解狗大便吾執就話我，等同於一樣，我養小動物，執大小便係主人負責，我吾會叫屋企人或其他人幫我處理，所以我吾知可以忍到幾耐，平時家務都有幫手做，我亦都無將黎啲野同我老公講，因我吾想係面前講佢阿爸阿媽嘅不是，加上我老公同佢爸媽都少溝通，而我老公都係會幫我果邊，但又吾想佢難做，如果真係忍吾到，會同老公相量搬出去住，又或者我反macau住。
又係呢啲咁嘅思想 
62係難頂啲, 我62雖然係關心, 但其實好多野都唔係好得 (衛生/整潔等等)。不過你62咁多野小氣, 你真係好辛苦!! 最O咀係狗狗, 又唔係你養, 點解要你負責 
不要跟車太貼
我都問啲有6299養狗嘅朋友，有無強調話你吾執狗大便或幫手照顧下啲狗，佢地個個都無架，都同你講一樣，竉物係自己養，主人係有責任照顧佢起居飲食及大小異便，而家佢叫你負責執大便，咁等同於佢放狗落街，由佢隨街痾大便，等清潔工人去處理一樣，因為清潔工人責任係清潔街道，佢隻狗嘅大便，清潔工人有份負責一樣，新袍同清潔工人一樣，家頭世務，包括佢地嘅竉物，都需要清潔，咁落去，我好快就癲。
可以既話快啲分開住
如果唔係越黎越多奇怪要求 
我都好想，但吾敢同老公講相搬出黎，因佢係想我幫手照顧兩老。
佢係愛你, 定愛你幫手照顧兩老?
咁你老公有冇幫你手照顧外父外母?