不過好可惜既係有個好難頂既姑奶 
唔會成日見嫁嘛？
都成日見架
我同我99住左六年, 都应该会继续住落去
佢脾氣比我好
成日係佢就我多啲
又好幫得手
但都会因為成日开电視俾B睇, 自己煲剧, 而同佢嘈
嘈多兩野, 大家一人让一步
算係越来越清楚大家脾氣
但都要c6識做调解員
始终唔係自己阿妈
有。我媽同奶奶一齊住過，又分開住過，關係超好。我媽同佢新抱又係一齊住過，關係又係超好，好到分開住過都要一齊住返。
1個讚
生埋細路不得了
我奶奶係個好慳既人, 但佢都會間唔時塞錢俾我
我仲記得佢係我發生不幸事情嗰陣都會塞左封好意頭利是
然後隔左2, 3個月, 因為我有啲事要返娘家度住
佢就俾錢我叫我自己買野補下, 我話唔使咁客氣
佢就叫我俾呢啲錢我媽, 叫我媽買野俾我補下
我真心覺得佢當我係親女咁愛鍚 
3個讚
成日聽人講奶奶嗰間過完, 仲有姑奶/姑仔嗰關 
辛苦你啦!
1個讚
我同我男朋友拍咗拖就嚟7年，我拍拖無耐就係男朋友屋企同佢爸媽一齊住。男友媽咪同爸爸都係好開通既人，對我好似女咁湊。我又會幫手煮飯、洗碗總之係家務我都會做
我同男友一齊1-2年個時養咗2隻狗仔，有人話養狗仔就可以知道個個人係點。男友爸媽非常溺愛2隻狗仔，溺愛既程度同湊個bb無分別。都係要咩比咩，所以我就知道日後如果我有小朋友，個情況都應該係咁上下。
男友媽咪成日都會催我地結婚，又話可以生Bb先都得。我同男友都起碼諗咗3-4年生唔生結唔結婚呢d問題。整整下本來真無打算生小朋友都比佢地講到想生
，所以係計劃下今年2月尾小朋友出世啦。
男友媽咪就變咗奶奶，我一直都叫開佢媽咪所以都冇叫過佢做奶奶，佢又唔介意。
係奶奶幫我坐月，好多人話唔好比奶奶同您坐月。可能我好好彩，佢又無乜痴線野發生。
不過令我覺得最煩惱既係，因為我餵人奶既關係，佢會經常係門口問我野，而我聽唔到或者答佢答得細聲，佢就直接開房門。呢個係我最唔鍾意既事。佢好錫好錫個孫，錫到唔捨得放手比返我。我老公又忙好多做野做到凌晨先返，我有幾次真係崩潰到係咁喊。唔知道係咪佢聽到我係房喊，佢突然間180度轉變，由好鍾意抱到依家會問我抱唔抱得，抱一陣就會乖乖放返低個孫。
其實我同佢地既關係一直都好好，我亦都唔想因為小朋友既事而影響到大家。所以我覺得一有問題最好3口6面拎出嚟傾，大家就會知道有咩地方可以做好D。
都係個句啦，您對人好，人地自然對返您好。
人際關係-係需要終生學習
3個讚
奶奶屋企幾大有丶使唔使爭廁所丶家務分配呢幾樣搞得掂既就可以諗下既
新婚，同6299住左個幾月，SO FAR SO GOOD。
1個讚
好羨慕…
尋日我62上黎想打我隻狗
未結婚時奶奶一早講咗相見好，同住難，唔好一齊住。不過有留間房比我地，偶然返去住一兩晚，新年就會住多幾日!
大家相處都算好，疫情前每星期都會見!有時佢同老爺鬧交，其他人唔會出聲，因為老爺好惡，得我敢做和事佬幫口!
em…結果99.9%都係唔好的。 你自己諗啦！ 而家要氹你做新袍仔，就緊係對你好啦！ 入左門， 變面快過四川國粹呀！
你係咪羊咩咩180?
好難得呀，呢個係我覺得最煩惱嘅問題，真係唔知點同佢講好
係呀
我都同奶奶住，生左小朋友都ok相處到，但前提係我同我奶奶都係無咩所謂嘅人，同埋我老公食得住我奶奶，唔係媽寶，價值觀同我相似，有咩事會出聲。
因為生左小朋友，可以鬧交嘅位太多，大家都係出於鍚小朋友，你要肯定你男朋友係會幫你，如果唔係到時你只會覺得奶奶又煩，老公又唔幫你，雙重打擊。
3個讚
生活習慣點都有唔同
但要睇兩老是否萌塞定開通人
佢地平時你覺得佢地點你先最清楚
我都係同99住
其實我99好好 所以我好感恩有個可以同住99
無論點好都會有你睇唔順眼時候
咪要睇下件事係咪可以接受
無傷大雅既咪將就算
唔得既就搵男朋友/老公幫你婉轉地出聲