首三志願率，係小學最叻用嚟呃家長既技倆。
叫B1學生乙3選B2中學，B2學生乙3選B3中學，叫B3學生乙2乙3選最不受歡迎既B3中學，首3志願100%不是夢。
3個讚
有d學校叫band1生乙三已經揀 band2 學校, 為求做靚個rate!
題外話, 開心o係呢邊見到你~
真係好睇學校同老師點做
我都開心大家可以喺呢度放下煩惱，大家都係想為仔女揀間中學可以開開心心讀六年
希望大家能夠如願！
平常心平常心平常心（好重要
）
認真睇完你篇「家長反思」，thank you！https://www.babydiscuss.com/t/topic/15074/35
我會盡可能填入抽中都可以接受唔後悔嘅學校！無論派位結果係點，真係冇得怨人，自己事自己負責
明天要交form啦 
我仲頭痛緊，小兒是b2邊緣人，最煩就係唔知最後歸納邊個Banding，我們是KLN3校網，大家有冇建議點排好？想入一間校風和學習氣氛好的中學 
你係交返畀老師睇？定係填正本？邊緣人真係唔知點算，但都希望你搵到心儀學校我喺沙田區，唔好意思畀唔到意見
我女b2，元朗區，交左一次draft
老師叫我第四志願塞b3學校
5月6交表，我重未動手
仲有兩日諗，逼到嚟都要填埋交學校，加油
今朝交咗表返學校，算係完成咗任務，希望入到心儀學校
2個讚
希望7月7大家都有好消息啦…
2個讚
多謝！集氣
。
。
。
大抽獎，要乜中乜
呢個真 ，我以前阿仔又係， 個老師叫佢唔好咁進取，叫我揀band2學校 ，不過好彩冇聽佢點， 佢其實根本可以入到band1（雖然藍校嚟）
我哋住南區，但阿女係東區讀，佢成績一般，諗梗中學可能返南區。請問陳白沙屬於band幾？
我諗應該係 Band 2 尾 Band 3 頭，Band 3 首選陳。
如果係 Band 2 可以搏鴨真、培德，但唔好對佢地 DSE成績有好高期望，詳細唔講。但兩間都係女校，又係宗教學校，品德就點都有個譜。另外都可以考慮聖伯、鴨呂。
無論成績點差都唔好填胡。莊就好啲但都係麻麻。
多謝資料。
因為見陳白沙校長近來為dse 歷史題被取消發聲，所以對呢間學校有好感。
阿女得小四，不過數學勁差，所以有心理準備佢好大機會係呢個banding，都想搵間近d易d照顧
南區揀中學好棘手，你住南區，應該更清楚邊間校風好/差。雖然話預左 banding 如此，但都要盡力搵多啲資料，努力幫女女搵港島所有適合嘅學校，到時候再篩選。
其實好主要睇阿女，佢個人好懶散，只鍾意hea同打機，希望佢下年可以比心機考好d，可以容易d諗
出年帶女女去啲學校簡介會、開放日，見識下啲 “未來學校”，要俾佢知道，佢能力係可以考到啲咩學校，而佢啱眼緣嘅學校有咩學業要求。知道左之後就會有動力去做。除此之外都要俾女女見識 “校風其差” 嘅學校，等佢亦明白如果唔開始努力，自己就連最基本嘅選擇權都冇。
1個讚
啱
「朋友話想一齊上邊間」都可能有幫助，借朋輩力量UP