絕對係。同校最好分散投資，我地KL3,出年到細升中，自行2間會轉戰港島。
應該差過你小朋友而自行有offer果個, 可能有其他才能, 例如運動音樂
地區名校，同傳統名校區別其實未必真係甘大…
直情唔大，入到啲地區頭一兩間超勁
入到鄧顯、林護、荃官、曾肇添，lur 飯應啦
同直資比呢？資源語境方面。
我女算係地區名校，但同佢啲朋友仔既直資真係冇得比。
呢幾年成日諗係咪當初幫佢揀直資會好啲。
我朋友唔鍾意直資環境，太多家境比較話對小朋友成長唔好
有得讀名校已不錯，最緊要同同學相處得開心
仲要睇邊啲直資，有好多直資好普通之嘛，例如李X寶、顏X鈴、羅氏XXX
同校有兩個派位派到曾乜添，之後叩門去傳統名校走咗，所以未必lur飯應
呢幾間直頭都係全港前十嘅地區名校…
好多傳統名校嘅DSE成績呢幾年都落後緊，地區名校就升緊…
直資就家庭背景好D，父母資源多少會影響到學校環境。
但係都要睇邊間直資…
有資源都要學生肯讀，冇嘢勁得過學生鬥心強自發性高，所以啲地區名校好多揮低傳統名校
鄧顯係一個好例子
要睇邊間直資、地區同傳統名校
如果係 DGS VS 上智 VS Maryknoll，又或者 SPC VS 聖言 VS SJC，個答案都好明顯，上智同聖言絕對唔差但係同呢啲比，係矮左一大截。
如果係李國寶 VS 伊官 VS 循道，咁好明顯係伊官勝出。鄧顯、荃官都係自行成績行先，校內課外活動都唔係好多，區內 Band 1 學額都係求大於供，頂多有聯繫，DSE 可選科目都係「我要谷成績」嘅組合。大家都係呈分爭餐飽先爭到入去讀書，得來不易，自然相對其他學校嘅學生黎講，更珍惜讀書機會。
不過好真嘅就係，地區名校，英文 5+ 率係明顯低過整體成績接近嘅直資同傳統名校。
2020 英文 5+：
荃官：32.4%
林護（佢都已經脫離緊「地區」，好多人跨區都衝入去讀）：46%
鄧顯：28.9%
（曾肇添冇實際紀錄，所以冇得比）
（傳統名校甚少男女校又肯公開 5+）
SJC：59%
QC：50.8%
英華女：50%
SPC：53%
港同：48.7%
協恩：63%
呢度全部都係實力相當嘅 Band 1A。好明顯傳統名校同直資係英文科特別優勝。太多家長追求英文水平，咁所以如果家長 荃官 VS QC VS SPC 嘅華，我諗好多都放棄荃官。
1個讚
直資有兩種，有一半係傳統名校(呢啲唔使講)，有一半根本完全唔夠地區津校撼(我求其講十間：李x寶、祟x、顏x鈴、羅氏、林x輝、羅定x、播道、宏x、王錦x、蘇x)
所以我成日唔明點解話讀’直資’好，應該話讀’傳統名校’好。我指你就咁話直資唔係好誤導咩？
其實係人都知道,的確孩子全個學習階層中學是最緊要的,想入自己喜歡嘅中學都係以成績為主要. 有些人成日講入咩小學,睇小學咩理念/要有咩全人教學/要HAPPY SCHOOL/升中比率高等等,全部都係冇用,因為最終咪又係以分數為依歸,體藝樣樣十八般武藝,多樣加強學科的補習去入,也因此好多都做成基礎不穩固去入中學.
好多“新直資”都係Band 1尾Band 2頭嘅水平，同傳統直資名校有好大分別。
遲下無埋通識，應該區別仲大。例如，顏x鈴，王x輝分分鐘會跌到Band 2…