痴線的恐怖… 睇完佢個經歷, 一個人搭 lift 都會驚呀!!
遇過三四次靈異經歷，到而家都唔知係咪撞鬼，但又解釋唔到唔係見鬼會係咩
Share一個故事，雖然唔係親眼見，但係發生喺自己屋企。
話說，細個果陣屋企買左層樓，個原業主本身係比個仔結婚的，所以岩岩裝修好，主人房仲有一套訂製岩岩好size既新床同衣櫃，所以我地就冇換，用左佢呢套。一路住左幾年，我果時細個冇咩諗法，但阿媽就話住左大家都身體唔好，經常出入醫院，之後因為某d原因我地就搬左，租出去比人。
之後租過既客，全部都有用主人房果套床同衣櫃。聽聞好多租客都話身體唔係咁好。
其中一家租客個太太話自己有陰陽眼，話間屋有個白衣既女仔一直喺到。但我地自己一家人都睇唔到既，呢個陰陽眼太太住左1-2年都冇租後。
屋企就打算賣左層樓，諗住簡單執執間屋，將主人房既傢俬掉左佢。點知一拆張床出黎，發現床底貼左好多符…
諗番起，我地都喺呢張床訓左好幾年，心都寒
跟住就賣左樓，好似就冇咩發生了。後來心諗，原業主本身係比層樓個仔結婚，會唔會係有咩原因冇結，而要搞d咁既野…
4個讚
好耐之前我做過夜更油站，初初有個同事帶住我，晚晚就我地兩個，如果我地是但一個放假就會得返一個人，嗰個站都算幾偏僻，山卡啦咁，隔離得一小堆村屋，基本上夜晚1-2點後就唔會再有客，做左一排，其實好多時都會得我自己一個，我就會喺便利店入面煲劇甚至瞓覺
間便利店係半自動門，即係你企喺度佢係唔會開門，你要㩒制佢先識開，過幾秒佢就自己關門，唔知由幾時開始，度門間唔中就會自己開，初初係一晚自己開1-2次，我就當佢虧虧地啦，但慢慢佢就會某d時段不停開關開關，我有同過早更午更同事講，話度門唔知係咪壞，但佢地話佢地完全無試過
之後我慣左喇，有時咁啱我想出去，佢開門我咪講聲唔該囉，有時佢開好耐都唔關，我就會唔該佢關門，走哂d冷氣好熱，或者請佢唔好玩咁密，因為部冷氣好流，成日開門好熱
佢玩門通常2點玩到5點幾左右，咁上下時間佢就會正常返
不過有次唔關度門事，係我喺閉路電視見到有個男人喺個站後面行過，好實在，無落雨但佢攞住把縮骨遮，普通男人，著住白恤衫黑西褲，5-65歲左右，咁習慣上見佢喺後面行就會喺閉路電視望住佢，直到佢行到喺我肉眼範圍嘅出口，但等左好耐都唔見佢行出黎，之後忍唔住去後面睇下，係無人，而且後面係無路走
嗰次之後，加埋度自動門，我頂唔順，做左兩個月就辭左職
1個讚
好恐怖 又要睇又要驚
呢個高登鬼故係每個鬼故po都會出現，好經典
仲有一個叫血觀音，又係睇到哇哇聲
唔知好地地，一知道真係心都寒
講開又講，
結婚前我間唔中會覺得自己見到嘢，
但係咪確實見到我又唔肯定，會稍到白色嘅人影、被鬼責已經係家常便飯。
去算命起命盤先知原來自己8字中有6個字都係陰字，
後來結婚，老公夏天正午時份出世，8字好陽，
我嫁咗後真係冇再被鬼責，或者feel到自己見到嘢。
講返正題，最有可能見到嘅一次係阿爺頭七。
話說阿爺喺我小學時因病走咗，
我爸同阿爺唔親近，因為阿爸細個時阿爺包二奶拋妻棄子，所以幾十年都冇乜去探阿爺。
但阿爺過身後，阿爸都照幫佢搞身後事。
阿爺七嗰晚 (我後來先知係頭七)
我同阿妹同一間房瞓，佢一早瞓著咗，
我準備瞓時，應該12點左右。
突然聽到廳出面有人摷櫃桶嘅聲，門罅條縫到見到個廳開咗燈，咁我8卦想打開對門睇吓邊個咁夜仲摷緊櫃桶，
點知我一開燈，0.1秒個廳就熄咗燈，靜晒。
小學6年班嘅我突然feel到有d唔妥，就即刻大被cum過頭。
係第二日先從阿爸阿媽嘅對話知道琴晚係阿爺嘅頭七…
1個讚
但血觀音我覺得唔算太驚呀
只不過係一個流血+好高既觀音行過姐 
我細個住公屋, 家姐瞓上格床, 又係見過氣窗出面走廊有人影飄 
公司泰國出差，酒店係有d出名撞鬼嘅。
一個人住雙床房，廁所有企缸有浴缸，我就用企缸沖涼嘅。
瞓瞓下到半夜，聽到廁所有水聲，係浴缸水龍頭開咗，由於太攰，所以閂左佢就繼續瞓覺。
第二日同同事講起，佢哋叫我occupy埋另一床，整亂佢，咁第二晚就無事發生啦~~
公屋氣窗又係好恐怖
可能有哂畫面，所以第一次睇都深刻，不過都係你轉貼呢個恐怖d
驚驚，不過我都係聽表妹個堂姐講咋，同埋唔敢問太多因為唔熟
我仲有一個，係發生係前年年尾既…
2018年年尾我結左婚搬咗出九龍…
簡介下間新居，total有2間房，我地2個人就住大房，細房就放雜物啦，上手個大衣櫃仲留左係度。
初初住都都無咩野既，飯廳同細房盞燈就時不時係度眨。之後飯廳盞燈仲眨到燒左添…
呢個時候都未聯想到靈異野…
但住左一個月左右我開始出紅疹，超級痕的，出到成身都係。
西醫中醫都睇均晒都醫唔好，呢個時候我又開始耳鳴啦，咁根據以往經驗，耳鳴就應該係有野啦，仲有我係莫名奇妙唔太鐘意間細房，甚至有d驚，仲有又開始發惡夢，有人吊頸之類果d內容，咁就開始懷疑係靈異野。
有一晚，我去細房整d野，無啦啦盞燈係度pipi啪啪咁狂眨，嚇到我走返出黎。
然後我入返大房係度搵d車公網上靈籤係度問，係咪真係有鬼啦。（我好信車公，幾次事例令我覺得佢d籤好準
但網上呢d我半信半疑啦，當玩下）
點知個籤文係講到明係有鬼咁（唔記得邊支了），驚魂未定既我超驚就打比相熟既師父，佢呢d高靈體質聽個電話就feel到野，咁証實係有啦。
約左有日師父上黎我屋企，話上手業主有養鬼仔，我屋企個廳同間細房個衣櫃都寫左符（唔知搵咩寫，肉眼睇唔到的），個符好似車站咁，令到個鬼仔可以得閒返下黎，之後佢當然幫我清理左啦。
清理完之後d好驚既感覺就無左啦，d疹都慢慢退。
根據我少少既撞鬼經驗同聽恐怖在線多年，總結到撞鬼有以下特點：
1.耳鳴 2.陰氣會令皮膚出現問題 3.發惡夢
其他等大家補充～～
呢個好恐怖呀
留名
留名睇鬼古
我 touch wood 無接觸過 （ 最好以後都無啦） 但又八卦想睇 
留名
我又驚又鍾意睇
我以前好細個 幫人送貨 真係好細個 十二，三歲（四十年前） 二蚊 送一轉 由上環 送去灣仔 應該係春源街 一間叫 鏡記麵廠 有一日夜咗送 我自已送入雪房 行入去見到個阿伯對我笑 我冇理佢 擺咗入雪房 出返黎都見到佢 但係越諗越唔對路 回頭望 己經唔見咗 （嗰條係掘頭路） 真係腳軟標晒冷汗 好記得
4個讚