而家有 d discount咁, 但我又唔知佢點計出黎
唔明，即是復活節有9折，就冇忠誠積分？
應該冇左喇
以前loyalty credits有限期，每2-3個月就會掃一次貨
依家好多買開既野默默地加左價，冇以前咁抵了
又唔係復活節…
我唔係成日訂, 久不久都係有幾十 discount
Thx
見到有人講iherb.
分享下
iherb推出5月優惠了!
買滿us 60，輸入promo code 「SALE10」，可享10% off
之後再輸入friend code「RDF6454」，再享5% off
兩個代碼合共15% off !
優惠期至５月７日，凌晨１點
1個讚
想試綠色但iherb dis-con左, 諗住買藍色試下
近排買左jojoba oil摔黑頭, 試左2次(心理上)好似乾淨左d 
Eucerin, Eczema Relief, Flare-Up Treatment 搽濕疹已經用左2支
想買sunscreen
大人和小孩
有咩推介
1個讚
原來有iherb討論
Lm先
無用過佢skincare,
買佢 supplement 多
最近想買鼠尾草， 精油
但又見到蝦紅素想買
VALUE80 買滿USD80 有8折，好似用到8月底
有用嗎？
你講支濕疹膏係咪呢支？對濕疹有咩好？好有興趣！
無論好定唔好，都講吓我用過嘅Products
Now Foods甜杏仁油+透明質酸精華
呢個牌子畀我嘅感覺係得個平字，無論係精油定係護膚品用落都好有watered-down嘅感覺
隻精華好有空氣感，意思即係搽完好似搽咗空氣咁，頭30秒按極都唔吸收，30秒之後無那那就乾咗，但係塊臉摸落嘅觸感係冇改變
以後唔會再考慮呢個牌子
Shea Moisture Frankincense & Myrrh全系列
無論係乾肌定係濕疹肌用都非常好，滋潤得嚟唔黏笠，香味好舒服又唔會過強
番梘會清爽過梘液，所以我夏天用番梘，秋冬用梘液，梘液用完皮膚摸落個觸感真係好軟滑，平時冬天沖完涼出嚟我個身會乾到痕同埋有啲俾針拮嘅感覺，用完佢完全冇事好舒服
而枝Lotion個Texture唔會太厚，所以吸收都幾好，不過對於極乾肌同濕疹肌嚟講冬天用佢未必夠力，要另外加少少油先夠滋潤，除咗冬天之外佢都幾好用
Nubian Heritage Goat’s Milk & Chai Body Lotion
真係純粹為咗陣味先買，陣味真係勁香勁溫柔，聞住佢心情會好好
但係佢真係厚到不得了，用量已經唔算多但係搽極都唔吸收，會Feel到皮膚上面有層油要等一排先會乾到
而且佢杰到一個點，係你用到一半以上佢就好難唧到出嚟，所以我另外搵咗枝長羹撩佢出嚟用
Petal Fresh Pure Body Butter Renewing Hibiscus & Papaya
陣味超級清香，不過香味好快就會散
Texture好輕身好軟綿綿所以好易推，不過佢都幾Lightweight吓所以淨係啱春夏用，秋冬用滋潤度一定唔夠
Deep Steep Body Butter Lilac Blossom
首先陣味好Synthetic，而且太Overpowering，一搽上身陣味係撲鼻而來
而且搽完會起白色擦膠碎，吸收力亦都差到一個點，唔會再有下次
Dr. Woods Raw Shea Butter Soap Coconut Milk
陣味似呍呢嗱雪糕多過似椰奶，以天然番梘嚟講起泡力算係幾好，用完都幾乾吓
Desert Essence Gentle Facial Scrub
不含膠粒所以唔會做成水污染，陣味又天然又清新
佢係帶油份嘅磨砂嚟所以用完都幾滋潤吓，所以我覺得佢比較啱Normal To Dry Skin用
要留意佢啲磨砂係比較Coarse所以唔好按摩得太耐或者太大力
Desert Essence Thoroughly Clean Face Wash
我都幾肯定佢換咗新Packaging之後都改埋條舊嘅Formula，因為我舊Packaging年代已經用緊佢，嗰陣真係勁好用，控油得嚟唔會乾，用完又真係生少咗暗瘡，我混合肌用得好舒服
但係新Packaging越用越衰，暗瘡照爆，粉刺黑頭完全冇改善而且好似仲多咗，洗完塊臉乾到有種啜住啜住嘅感覺好唔舒服，所以我已經轉咗會了
Thayers Witch Hazel Aloe Vera Formula Alcohol-Free Toner Rose Petal
呢枝花水大家都聽過啦，真係又平又抵用，保濕力幾好，油肌混合肌想保濕又唔想黏笠真係要靠佢
用嚟敷臉或者抹臉用幾多都唔心痛
大枝到次次開咗都用唔晒
Stridex Single-Step Acne Control Maximum
唔明點解啲人會一路用一路罵佢乾，其實佢哋知唔知水楊酸係咩嚟？驚乾就用藍罐1%版本啦
平時夏天我會當佢做Cleansing Pad，因為真係抹到好多污糟嘢出嚟，我會抹埋條頸當去吓角質
有暗瘡嗰陣就剪一細塊出嚟敷10分鐘，效果我會畀7.8/10，唔好期待佢神奇到可以隔夜就醫好石頭瘡，但係佢一定有幫手加速暗瘡個癒合過程，而且用完冇咁易留暗瘡印
每塊Pad都好濕潤，基本上每次淨係用半塊就夠抹晒塊臉，勁抵用
Eucerin Q10 Anti-Wrinkle Face Creme
Texture係十分之咁厚，所以冬天或者乾肌先好用，相對上佢都勁滋潤勁保濕，冬天搽完佢塊臉成日都唔會乾
撫平效果有實感，用一個禮拜你就會Feel到塊臉平滑咗Plumped up咗，不過對於一般人嚟講佢應該太油淋淋，當保濕面霜用都可能太厚重
Life-flo Retinol A 1% Advanced Revitalization Cream
首先你要Study吓Retinol A係咩嚟你先可以用呢隻面霜，如果你識點用Retinol A，呢罐面霜係極好用，極速就睇到效果，平均膚色同埋撫平效果全部都好好，用埋每次用嘅份量好少所以好襟用
5個讚
呢支排名好前…但伏
呢支好用, 但好似冇左
係呀，無咗好一排了，上一、兩年又係話Discontinued ，但之後短暫出現了一陣，我即刻落單買了幾支，宜家又話Discontinued ，而且好耐了，如果真的唔再賣就真可惜。
1個讚
或者可以試下同牌子同味個隻番梘，我專買Nubian Heritage 嘅梘，陣味真係好吸引，真係聞住心情都好好