最怕要拍片來叩門就死，真係希望疫情快啲過
係，K3返得2個月左右
由3個鐘轉去全日制，不敢想像
係由7個月冇返學到一嘢全日制至啱。唔知老師、家長定細路最快崩潰先呢
一定會唔適應。唔止功課課程深咗，係成個環境氛圍變咗。幼稚園老師會陪你玩氹你，無咩考試默書呀，比較輕鬆無壓力。上咗小學就係另一個世界，開頭學生家長都辛苦d。
阿女都係K3… 唔捨得無端端咁變小學雞…
1個讚
6月幼稚園返到學機會太細啦…而家我係到諗緊6 月 大抽獎結果會唔會有影響.
我覺得家長先…
而家我果個…日日返到屋企都見阿麻麻俾佢睇電視…日日要講好多次叫好耐先肯寫兩隻字…
一熄電視就發脾氣…真係人都癲,唔返學仲叫都唔肯訓… 日日就想打機睇電視…懶到出汁
小一最初最難適應係上課堂規，例如要習慣小息去廁所、坐定定上堂、寫手冊、帶曬所有課本功課回家，返學小息要飲水。
可以多啲講小學嘅生活，仲有教下寫手冊常用嘅中文字。
1個讚
小一係比較難適應， 功課多咗又深咗，理境又唔同咗。每日都要學新野，幾日嘅課程唔攪明白，之後嘅課程就越黎越唔明白，咁好容易影響小朋友自信心。
可以為小朋友訂立時間表，有遊戲、看卡通、安靜寫字、睇書、玩數學遊戲(例如1個蘋果+9個蘋果=10個蘋果)、講故事、做小手工等等。 每日都溫習一下昨天學過的新知識。 咁到復課時應該會較易適應。
1個讚
又可以教小朋友管理自己嘅文具同埋書本。何如每日寫完字可以檢查一下筆袋用品係咪齊全，發現鉛筆或顏色用完要自動自覺去刨好， 書本讀完要放好等等…
呢d喺成人眼中嘅小事，對小朋友嘅成長其實好有幫助。 家長可以間中檢查一下，如果小朋友做得到，可以口頭讚賞，或者再加小貼紙獎勵。
1個讚
K3上小一, 最大轉變係學習模式, 坐定定咁連上幾堂, 中間嘅小息都比較短, 但我覺得小朋友適應能力都好強, 回想當年大囡上小一都好快適應, 父母陪伴, 多啲鼓勵, 例如有抄齊手冊, 帶齊課本文具, 都讚下佢, 慢慢自信心建立咗, 就會做得好。
要同小朋友講會係學校食中午飯，自己帶枱墊及餐具，食完要收拾。另外在七八月開始要train 小朋友唔好瞓午覺，早睡早起
我係覺得好多活動都冇佐好可惜。
不過我估9月如果先岩岩復課。可能都有機會只係半日既事。因為要攪掂佢地食飯要除口罩既問題。
其實最難適應係小息，呢個係我仔關心咗3個月嘅嘢，可以帶零食同自由玩實在太開心，其實小朋友只係關心呢啲，家長不用太緊張。
不過教適把握時間去厠所係重要。
1個讚
我最擔心同停課無關，想請教下小朋友係囡囡既媽媽，你地會點教囡囡到小學時自己去洗手間？
好睇你係讀咩幼稚園同小學，我happy school 上谷校，簡直唔想面對，但半年過咗，佢有好似好咗，你比多幾次模擬抄手冊，考試只讀題目訓練，同時拎d書出黎同佢講下，會好d
我小朋友將會由Happy幼升Happy小，都怕一開始會大落後，唯有襯而家有時間教佢抄手冊執書包