永遠唔會忘記721嘅事
我公司9成都係藍人，所以佢哋發表偉論時我只能扮聾。
有土行土長；有細細個就喺大陸黎香港 (阿婆輩文革時遭受過迫害)；有拎住外國護照；有喺外國讀書…，都係識YC唔啱。佢哋眼中只有 “自由行經濟”。
721後，我當佢哋係路人。
冇錯，721畀六四更加離譜，相信直至我瞓入棺材果日都唔會忘記。
好記得721果日我太太仲大緊肚，原本我都諗住出去遊行，但早幾日有親戚提我21號晚出入元朗要小心 (我本身住元朗)，因為佢從朋友口中收到風會有黑社會攪事，果時我都係一笑置之，點知…如果唔係，好大機會我都畀人打咗。
唔怕一萬，所以果晚我留喺屋企睇直播，結果睇到我同太太都喊…
我有朋友因為9成同事係藍C而轉工, 佢話當時日日對住佢地真係好辛苦
721 實在太震撼 完全不是我熟悉的香港 白衣人亂咁打人， 警署閂門， 警方的無稽藉口， 無法接受， 無法忘記
好認同，而且全部都影響下一代，唔出聲對唔住自己個仔
其實我認為何妖心中有數邊班人整佢祖墳，不過就唔敢賴落班黑社會，乘機跣比民主派同班抗爭者
721嗰晚其實個個一開始都係睇緊西環直播，嗰時對峙好緊張，打到冚冚聲。
後來直播有人留言元朗出事，叫救命求記者；嗰時林卓廷都未到元朗未開直播！
事實就係事實，只係我哋叫不醒裝睡的人。
成日覺得yc呢個term係小粉紅或老土藍絲先用 
我覺得係佢地接受唔到現實, 唯有屈林卓廷
721 係將整個警隊嘅假面具撕落黎, 成班都係魔鬼, 同班黑社會勾結, 收公帑做壞事。
721 之後, 我對香港政府同警隊完全失去信心!
但半年嘅社會運動, 我又見到香港人其實係好强勁, 受盡打壓都吾放棄! 
2個讚
林鄭真正團結了香港人。
區議會民建聯大敗，我都始料不及。始終建制派資源豐富，動員能力超。如果冇林鄭咁急推惡法，應該好難喚醒咁多香港人。
但其實細心睇，其實有好多區只是險勝。唔可以掉以輕心。
首先，一定要做好地區工作，區議會不是立會，地區事務好瑣碎。盡量滲透社區，為泛民穩定票源，建立票倉。希望未來立會都有機會攞多幾席，影響議會，不可讓政府隨便通過惡法。
事實係好慘，一人做事一人當，唔應該咁做。
同樣，放火燒人都錯。做每件事都要唸下後果，因為政見不同，傷害左人地身體，自己都會內疚吧。