其實最後朱生走左後，天虹升中成績點樣？
其實果邊好多人都幾有研究，
但分析大部分都好主觀，所以有錯誤結論
當然都有一批乜都唔識
其實入咗呢間學校，未必咁容易轉返出去，學校嘅行政都得悉係比較混亂。朱生Sell到好似IB課程，但係其實根本間學校係行傳統嗰套。查實要洗咁貴嘅學費，出邊有大把嘅二線國際學校可以選擇，何必要搵一間冇track record 嘅去讀。
再唔係，直接搵一間ok 津小讀，都會更好。
1個讚
朋友讀 IS 大所以唔會對學校有任何偏見，佢申請入去教書，in 完都話覺得行政好亂。個老師 whatsapp 話有 demo lesson，朋友答應。點知個老師失蹤冇影，已讀不回，要追問幾次先肯講，但 demo 日子係第二日。
間學校真係需要多幾年時間去搞返好行政。佢請老師方法都有啲獨特，其他學校都唔會咁。一般有返咁上下經驗嘅老師唔會入去教（呢個係做緊老師嘅人講）。校長真係好叻 marketing。
但我諗如果係住近佢嘅，想有升中保障，開心讀書，對學業成績追求唔大，咁都讀得過嘅。
俾得起呢個價錢，要入二線國際/仿國際學校都唔係問題亦大把選擇。
小學階段港島有PLK係天后開個間IB新校，九新有港青基信，方方同一大堆新校。
中學階段，耀中大把位收香港學生（耀中中學部係私立獨立計劃學校，無國際學校牌照，收生要求係不少於70%本地學生）
1個讚
請問你講呢幾間國際或仿國際學校係咪唔太難考?
聽人講叻嘅國際學校勁難考。
喜出望外
小妹一路有拜讀閣下文章同分析，獲益匪淺，令我舊年報小學考慮得更周全。
仲諗住過咗嚟少咗閣下一類高人，萬分遺憾。響到見到你真係太好喇
睇返以前新聞，講天虹派位，都只係講首三志願率，連校名都冇列下，校長最後一屆篇報導，講得一個學生係入大埔迦密，有理由相信 Band 1 一個起兩個止，而其他同學派位普通。鮮魚行嘅報導都有起碼兩個例子係入 Band 1，冇 Band 1 都有 Band 2 校名提下。
校長走後都唔見有任何報導或者消息，估計都冇變。天虹真係唔係主打升中嘅學校，佢真係以開心返學為主。
唔係難考, 係冇位, 如果唔係一早由幼稚園入, 中間插班, 又冇priority, 係難.
如果新開的 IS, 係比較易的
其實都未必，因為呢一兩年真係好多人移民/出國讀書，無論直私定國際學校都好多人走
好多家長的心聲, 讀津校仲好… …
1個讚
ESF早D排隊，等2/3年都有機會。
最後有冇睇該校個live? 佢間中學部點？我冇時間八
其實呢間學校既組合真係好有趣.
似仿天主教學校之名, 幼稚園同小學搵同大埔鄉紳有關既愛國團體外判個校舍嚟辦學. 最近又搵埋黃大仙基督教學校外判俾佢開多間小學, 加上又係大埔搵間佛教學校外判俾佢開中學.
真正既集百家之大成!
3個讚
我終於見到, 個校名前面加左名. 咁奇怪, 咩都炒埋一碟.
古古怪怪.
睇下邊間esf, 排左兩年了, 只係愈排愈後.
我都諗過呢個咁搞笑的宗教問題!
Hkpapa!EK 可以執了！
我有睇過live，主要係講世界教育趨勢，預計社會未來發展，然後帶出IB嘅好處, 又講吓現今香港學生嘅苦況，有一位間小學家長和一位老師分享（當然是有讚冇彈）。對於不想再跟香港制度的家長，好啱聽。對於沒有信心考直資、沒有特異功能的一群，本來是很好的後備選擇。
但就是BK沒有負面資訊(多年來只是間中去吓，從來都只是使讀者），很吸引的宣傳手法，新校咁完美，反而覺得古怪, 忍唔住在這裏開了生平第一個Po。
感謝各位的留言指教，令我的方向更加清晰，幸好在這裏還有一片自由土地！
如果SH marketing會睇，希望佢哋俾多啲客觀資訊，例如IB牌申請狀況, 老師聘請進度等，增加透明度，太過注重包裝，有咁多蠢家長咩…
其實不是BK，喺另一邊EK嗰邊呢間學校，都好有爭議性！
樓主真係考慮清楚。