我個女讀過PG同N, 有以下體會：
1，覺得Playgroup響提升能力上冇乜用, 話見多d人冇咁生保，其實公園都做到效果。
2，唯一一樣我覺得可能有用既係有NET係playgroup. 我女同另一朋友一齊in同一間N班，我女見慣外國人（唔關pg事）所以黑白都冇問題；但朋友仔冇見開，見白人老師已怕羞，有位黑人老師行埋去佢直頭喊左。不過唔讀PG自己多d過港島見下外國人樣一樣得。
3，N班先叫群體生活，有規律咁上堂先訓練到紀律。N班果年我女有極明顯進步。
2個讚
呢度有幼稚園老師問答link
1個讚
係
之前呀女上pg堂堂loop某幾首英文歌，仲有老師堂堂同佢地loop跳舞做動作，
聽到熟熟地
前排要拍片interview,用番果d歌來跳舞拍片，好大幫助
bb今年k3，都未有offer，好擔心〜成日都好怕醜怕陌生人，點先可以令bb無咁內向啊？
你意思係k3未有小一offer？無論點都會有小一位既，放心啦。
唔好意思咁遲先復，希望你仍有機會睇到
bb十幾個月開始接觸過幾個playgroup班，大部分話遊戲教學但係目的性好強嘅，例如會比你摸各種唔同觸感嘅野，玩各種唔同種類樂器，同埋唱遊，嗌名個d。。。
因為當時bb太細，大部分此類playgroup做嘅野係要坐定定，區別只是有些媽咪抱住坐有些自己坐，我個b超級活潑，佢首先坐唔到幾秒就會跑走，我一堂課有半堂都是在捉佢翻來
另外最大問題是，老師過於程式化，玩呢個玩具唔夠兩分鐘就收走派下一樣，或者積木玩得一分鐘就唱clean up，每每bb被強行拎走玩具都要喊一餐，開始以為係年齡問題，想著會慢慢好，直到我遇到一間完全唔同嘅。
個間嘅老師是net但黑頭髮，可能比較肥睇落人和善，bb完全無抗拒，佢開始都係四圍跑要我不停捉，後來老師見當天人唔多，就開始同佢一起跑(好驚訝)，唔係亂跑，係引領住佢地跑，摸下呢度，掂下墻，跑跑停停咁，發洩一餐再翻來，佢坐低bb自然跟佢坐低，唔使我捉
我個陣先知原來好的老師同普通嘅老師可以差好多，當然都有個前提係小班人少同埋親子班有家長湊住唔擔心安全問題，後來個老師只要當天人少，就會專登帶住我個女瘋玩，因為好明顯佢比起其他bb要精力旺盛太多。
信任好重要，慢慢地bb會好聽佢講，佢爬窗台我講係無咩用，但老師講佢就會聽
同埋呢個老師每次上堂之前都攤嗮一地玩具比佢地玩，上堂又多歌舞(插一句，揾playgroup老師一定唔好揾自己無生過仔嘅有些連控場都做唔到)，bb好中意瞓覺時間又夾到，所以固定上佢嘅班之後就退咗之前所有嘅。
但呢個playgroup你話學咗d咩呢？我講不出，但佢開心咗，同人溝通順暢咗，跟到做動作，
拎走玩具喊少咗，在某一個又係無太多人嘅日子，老師突然同我講，或者你走吧。。。啊？我報名嘅係親子班，一時load唔到，我問咁我幾時走？佢話now！啊。。。我睇bb專心玩緊就
咗出去，後來老師同我講，佢假喊咗半分鐘，老師話媽媽去廁所佢就無再喊，就咁三次之後佢完全做到unaccompanied
當時唔夠兩歲，未翻n，所以你話佢in K又點會驚呢
6個讚
我嗰個喺某多分校嘅名幼面試冇出聲
都收咗
R爆頭都諗唔到點解，填表要填父母咩學校畢業，咁我係某名小畢業有舊生分，唔知關唔關事。
邊間幼同小就唔透露了
寫太長，重開一個段落
總結下呢位老師有咩優點: 有愛心和善但該堅持的原則會很堅持，有經驗自己是媽媽，能歌善舞，因勢利導，因材施教。。。當然遇到夾到嘅好老師要撞彩，我的總結是，大家媽媽試堂兩歲內playgroup嘅時候，clean up time如果個老師係拎住個膠箱要大家擺，自己唔會示範或者參與，呢個playgroup可以唔使去。
之後bb係翻n班嘅同時，翻咗另外一間local playgroup，因為呢個net老師時間夾唔到。
呢個老師年紀比較大，可以話有小小古板，但睇得出佢對小朋友係好真心咁愛，年紀大當然經驗都更豐富，加埋呢間係連鎖店，資源都更豐富，佢地自己做嘅教具，買嘅，都好大隻，即係你唔會係屋企擺一張檯咁大嘅畫板嘛，所以呢度極大嘅補充了bb係屋企學唔到嘅野，同埋因為當時已經兩歲幾，有埋最愛嘅大肌肉時間，佢有一間專門房係for小朋友碌地嘅
所以local校都可以好驚喜，bb係度學咗規矩，自己食飯搬凳仔，同埋講到中文嘅句子，老師雖然開始有小小驚(因為佢唔笑嘅)但好快就唔驚，因為有野食係呢個課堂上面bb第一次“入廚”炒咗蛋，自己炒的格外好食，佢食嗮！而佢自己幼稚園嘅snacktime只是食餅乾
呢位老師係好傳統規矩好大必須坐定定個d，但因為開始上佢嘅堂時候，bb已經翻咗幾個月unaccompanied playgroup加兩個月n班，呢個卻是親子班，有我係度佢都幾開心，所以無覺得太拘束，反而超級快學到野
總結三類嘅playgroup，無話邊個一定好嘅，但要岩自己bb當時嘅狀態，唔好旨意佢今天坐唔定過多兩個星期就能坐定定，同埋老師一定要有經驗有經驗有經驗
新手媽可以去試多幾間唔同嘅堂，睇睇bb邊個適應得最好而不是佢吹噓什麼教材啊教法啊蒙特梭利啊七田真啊森林教學啊blabla。。。其實呢d我都有研究過，但主子點想最重要！我家主子就中意有愛心會抱佢嘅老師，管你什麼教學理念！
好多人話翻playgroup唔重要，但對我好重要，有對比先知，原來我bb係top 5-10％ 精力充沛嘅類型，佢坐唔定所以小肌肉唔佳，中意熱鬧，表現力強，語言能力遠超其他bb，咁之後我選校時候一睇就知邊間岩佢，揀岩咗自然面試都順利好多，人地問你點解選我地學校，都唔使背台詞
9個讚
好有心嘅回覆 多謝你意見
不過疫情關係我個b都未番過playgroup
純粹八卦下 不過都好有用
多啲留意自己個b好緊要
N班訓練都唔及由滿月開始就個個星期都帶佢返教會見吓人咁，結果我個仔外向到不得了
Hello! 好多謝你的SHARING 呀，好詳細好有幫助，想問下係邊幾個PLAYGROUP呀? 可分享下嗎? 謝謝 
兩間都係屋企附近，我住的遠，講來都無用，都係睇重點，點樣自己分辨一間學校或者一個老師係好，我覺係經驗加有心咯