我會睇埋隻奶粉甜唔甜
太甜其實谷肥個b
唔係正常肥
之前個上陪月班個經驗護士（退休護士兼陪月）教的
1個讚
小B未出世, 我都一早搵定晒月子餐同上奶湯水
不過仲想搵埋後備奶粉, 始終準備定先好過到時有需要先發現咩都唔知吖嘛!
各位係點樣揀後備奶粉? 我見有post講BB食左奶粉唔肯食返人奶, 要點樣去避免呢件事?
多謝提醒! 唔講都諗唔起甜呢個問題, 仲諗住問多d成份嗰類咋!
我見好多都有講成份, 咩DHA呀HMO呀, 係咪有先好呢? 有隻奶粉賣得特別貴, 係咪特別好?
不能同意更多！
我嗰個一出世補奶補illuma，因為個個同事都話好
不過自己開奶都覺得佢好腥，啲便便又腥
雖然唔係因為佢唔受得
後期係因為想搵隻唔使咁熱水都沖得嘅，俾隻超心急嘅豬，所以轉左Hipp，又食得好，啲便便唔臭，仲平啲
呢隻我有睇過, 因為樓下幾間藥房都有, 唔怕要買個時難搵, 不過會唔會唔肯食人奶?
奶粉冇蔗糖就自然唔甜。
我自己揀奶粉不外乎睇成分同奶源，首要係冇蔗糖，留意返有d牌子1號冇但轉2號已經有，跟住冇麥芽糊精，冇棕櫚油就對敏感腸道更好，至於DHA以植物提煉又會好過魚油，相對唔易誘發濕疹，另外研究話DHA同AA黃金比例係1:1
同埋HMO都有分係源自全脂牛奶定合成，所以其實唔少有機奶粉係冇HMO，除非真係天然，綜合睇覺得Kendamil各樣都好，後悔太遲試呢隻奶粉，初生黃金時段幾個月錯過左啦
1個讚
可以就睇多一排先
其實BB好多時一出世都會有痰咁, 因為仲有羊水未咳晒出黎, 呢個係我打去健康院問姑娘, 佢咁答我
我個女由出世食心美力1號到依家6個月大啱啱轉咗2號，一路都柯得好好！我唔覺佢有痰喎，好多時BB都會發出類似有痰嘅聲(grunting)，但其實無特別問題的。
我BB食能恩,食到3歲都仲肯食
無大病過,試過一次少燒
一日一次屎,個陣BB住過院幫喂奶既人員都問返我地BB飲咩生得咁長
生長線都長期90以上.幼稚園都入到間唔差.
奶粉都易開
初生第一罐奶粉揀hipp定aptamil白金版好？
因為會試下喂人奶，但唔一定會全人奶，想買一罐夾到人奶嘅。
你知唔知咩叫有機先？
奶粉嘅迷思…
我以為食illuma 好過美素，原來除咗對個荷包之外其他嘢冇乜分別；以為食開果隻就唔可以隨便轉，結果中間轉過兩三次都冇發現任何異常
我女嗰時食幾罐就會轉牌子，冇試過痾嘔肚痛
梗係好d~有機就少好多化學野
有機價錢都差唔多
甚至比i 字頭嗰隻平
咁點解唔食有機
我都轉左幾隻
開頭食雪印，易溶，但因消委會報告評價麻麻
轉左S-26 gold,個蓋勁難開，呀b便便時谷到面同pat pat都紅晒勁辛苦，啲屎又乾，搞唔掂
宜家轉左牛欄牌樂兒，勁難溶，但可40度水開奶，而且便便靚返，所以唔再轉住