一開頭用雅培hmo，但奶粉難溶，個b一到半夜又狂喊，唔知佢係咪牛奶敏感，膽粗粗幫佢轉左雀巢能恩，之後就喊少左好多
但係能恩啲便便真係好臭…忍左半年，準備黎緊幫佢轉返正常奶粉，諗緊轉邊隻好
我問左兒科醫生，佢話雅培算甜，
如果小朋友飲完有痰就轉。
佢推薦左ILLUMA，美素，同雀巢能恩。
我諗會再試下，始終人夾奶粉，未必啱所有b。
奶粉難溶可能是真的，我餵完BB覺得個奶樽上有好多白色點點感覺係未溶顆粒，想知道其他父母餵奶粉時有冇以上觀察? 係咪隻隻奶粉都有機會? 我用80度既水沖奶。
做晒research揀好illuma
點知飲到成頭粒粒 又勁多痰
飲咗2個月頂唔順
轉咗enfamil白金版
飲得好好 點知停產 -___-
宜家飲緊臭屎能恩都幾好
結論：
睇幾多資料都唔一定有用 
我BB飲好多隻奶
在醫院時飲美素佳兒
出院後飲S26
出街飲ILLUMA 即飲裝1號奶
LOL
頭8個月全人奶。之後轉金色Illuma。
So Far冇咩病痛
大女細仔食aptamil白金版，大女食開屙屎靚，細仔以人奶為主，補奶粉都冇乜問題，不過最近就出隻貴版，都想試下
illuma, 而家大左食樂天
我都係咁
樽底一舊半舊溶唔到之餘，樽身搖完有顆粒，都唔知係咪因為咁，呀b飲到好抆陣。
呀女出世到而家差唔多十個月飲緊能恩
Ok日日/ 隔日有便便
BB而加主力都係食人奶
但因為遲下返工就冇咁多人奶俾佢食
所以而加每有俾一餐hipp 嘅奶粉佢飲
D屎都臭臭地
可以試下牛欄牌
我囝6個月喇由頭到尾都係S26 金裝依家好大舊 
頭一個月有MIX 人奶之後冇餵, 全粉B
牛欄牌聽FD講得最多係冇屎痾
我個囡四個月都係食雪印思敏兒，每日都有便便，食到肥肥白白，應該OK掛
牛欄牌bb係醫院果陣飲，唔吸收屙屎一粒粒
出院食illuma, 便便一至三日一次，但都ok靚既, 而且bb好吸收，超級長肉
無乜特別都唔轉，肥就肥啲
我小朋友自細飲HIPP, 便便好好 
我個B 13個月, 轉過好多隻奶粉
坐月個時頭一個月餵eleva (啖味有機) +人奶
之後第二個月都可全人奶, 返工後奶量跌都要補奶粉
跟住見hipp平D又係有機, 就轉hipp
不過我女有濕疹,同一直都有嘔奶,夜晚又訓得唔好
之後6個月個時轉低敏奶粉, 濕疹又真係好D,同埋無乜再嘔奶,夜晚訓得好左
低敏試過能恩, aptamil低敏, 美贊臣親舒, biotimes低敏3, 心美力親護, Enifinitas
最好係aptamil, 易溶, 又齊probiotic同prebiotic不過好貴,4百幾蚊細罐
Enfinitas都幾好, 無話低敏, 但食完無敏感,又易溶
美素佳兒個時有sample飲過一次,易溶但難消化, 夜晚會彈起身, 真係唔OK
最近雅培有優惠劵就試心美力親護, 聞到真係好甜,同埋難溶,會塞奶咀 唔太鍾意~
我個B初生時6pm後就會喊幾粒鐘, 而家諗返可能腸絞痛, 樽就3個月個時換左TT 有條管個隻樽,
可能奶粉消化唔好都有關
我BB大約40日大
出院食雅培心美力，但發現好難溶，點搖都有好多點點掛喺奶樽身度，又會食到咳
所以轉咗美素力金裝，雖然易溶過雅培，但仍然係溶唔哂，食到咳同多啖，便便仲一陣酸叔味
加上係腸絞痛+肚風問題BB，見佢成日谷到面紅扭計真係心都痛埋(已經好勤力按摩肚仔)
想轉佢轉隻易溶易消化的奶粉
依家考慮緊:
aptamil essensis
aptamil 白金版
美贊臣enfinitas
S26
illuma
請各位媽媽俾啲意見我
(BB便便無大問題，1日1次，係臭啲咁)
我兩個B主要都係食心美力,其實都食得幾好,同埋都幾多promotion,價錢相宜啲
佢係冇咁好溶嘅,所以主要我地都係先落水後加粉,同埋同熱啲嘅水沖,沖完先再過凍水/浸涼先飲
SO far都冇咳嘅問題
不過我係人奶+補奶粉,可能又有少少唔同啦