其實買得布M巾我就唔會揀絨面。因為佢係人造嘅物料。我會揀Cotton. 冇化學嘢，天然啲。有得揀organic Cotton就organic, 因為佢係啡色嘅。更加冇漬添。
1個讚
通常大家買幾多塊先夠用？
我試咗一個period，用梳打粉浸洗係最好去血跡，之後再用洗BB衣物的洗衣硯去搓剩返少少嘅跡，就已乾淨晒
絨面和organic cotton面的我都有，暫時用咗一個period覺得cotton感覺薄少少乾爽啲但就真係難洗，絨面Soft啲好易洗但就相對厚身焗少少，真係兩樣各有優劣！不過講天然就一定organic cotton贏！
只係自己懶底 
怕難洗唔敢全部都用cotton，怕麻煩會好快放棄
1個讚
暫時我有10幾塊左右好似都ok，但唔知如潮濕天M巾乾唔切要唔要多幾塊 
要再問下資深用家的JM們了
係呀! 絨真係冇咁透氣但易洗呀! 其實我覺得cotton 難自己洗淨，所以我手洗完再加baking soda 之後再入機洗。出嚟都ok!
1個讚
特長、長、中、短都有。各有4、5塊，我覺得差唔多了。
用過Momiji Natural嘅布M巾
可能因為佢用100%純棉料所以就算手洗都會好快起毛粒
同埋吸收層始終係索水料，所以唔係好易乾，夜晚洗要開抽濕機對住佢吹，日頭要拎去掛窗邊曬太陽順便消埋毒
我用開Natural Laundry Soap洗佢，有血跡就瘋狂落梳打粉浸佢幾分鐘再按佢，除非你啲血跡已經留咗成日如果唔係通常都好易洗得走，同埋謹記一定要用常溫水洗，用熱水洗會令啲血跡食咗入啲布度搞到之後更難洗得甩
不過我M嚟嗰陣好攰，通常唔係好想郁，所以最後嫌麻煩都係冇再用了
唔想日日起身都要衝入廁所搞一大輪
同埋啲毛粒真係搞到我好唔舒服
其實用Menstrual Cup喺每個Cycle前後都會用Boiling Water煮佢5分鐘消毒
其實分分鐘仲乾淨過你用M巾或者Tampon
如果你未有性經驗或者太後生嘅話就唔建議你用
除此之外都係一個唔錯嘅選擇
不過啱啱開始用Menstrual Cup嗰陣係有個Learning Curve，所以用之前真係要有定心理準備
有人用1個Cycle就熟晒手，有人用3個Cycles都未必用得熟
又要睇好多文章Study咩杯型、咩Size同咩材質先啱你用，又要探索清楚自己陰道個形狀同長短係點
睇到呢度可能好多人都覺得勁煩，所以通常喺呢個位就會放棄 
咁我自己就用咗3年Menstrual Cup，我想講用咗之後真係返唔到轉頭
首先完全唔會臭，唔會有咸魚味，大熱天時唔會Up到下面又焗又唔舒服
只要你擺啱位置，成件事係完全唔會有感覺，如果你本身冇PMS或者經痛問題嘅話真係會唔記得咗自己嚟緊M
雖然有人可能會覺得核突，不過我幾鐘意用Menstrual Cup可以隨時Check住自己啲血係點，從而反映自己嘅健康狀況
例如某一排我見到隻杯入面啲血係勁淡色又多渣，我就知我嗰排好虛，真係要補吓鐵質同維他命B12
同埋你用熟咗之後，每次換杯+洗杯都只係2~3分鐘之內嘅事，亦都唔會似其他人講咁樣會整到隻手血淋淋（因為你係垂直向下抆出嚟）
可能習慣咗用m巾, 用循環再用嘅好麻煩
我之前都習慣用即棄M巾的，係剛轉用布m巾兩個period，反而覺得無想像中咁麻煩啊！
啱啱果次試全用布m巾，一日有幾塊要洗，但又覺得唔算好麻煩，只係沖涼時好似要洗多幾條底褲仔咁！
而且，用布m巾感覺比用即棄m巾舒服乾爽好多，因為吸力好似好啲又無咁易側漏，最重要係無即棄m巾果種臭味，所以我覺得好值得轉用啊！
2個讚
請問你用邊隻布m巾?
我都想試, 但又有啲心理關口 
我有用3個牌子: 香港黃店嘅Eco Luv、台灣嘅Sweettouch和印度嘅Eco Femme
香港Eco Luv和台灣Sweettouch因係絨面，所以好柔軟而且非常易洗，但就因厚身啲所以夏天用會熱少少，特別係sweettouch
印度Eco Femme因係有機棉，所以天然啲和薄身啲夏天用會乾爽啲，但就無咁柔軟而且較難洗，一定要用梳打粉浸洗去跡
所以真係各有優劣，視乎自己需要而選擇
因我懶底怕難洗 所以主要係用Sweettouch和Eco Luv，通常用哂依兩個brand嘅先用Eco Femme
不過其實無論用邊隻布M巾好，個人感覺都比用即棄的舒服乾爽好多，試用咗兩個period都無側漏過，而且真係無臭味
所以非常感謝依個Post各JM嘅介紹，成功毒到我踏出第一步去試，一用就返唔到轉頭了
2個讚
其實用布M巾真係無咩味!
用即棄M巾果啲臭味係因為層膠唔透氣，焗到啲細菌 無限繁殖先會臭。。。
布M巾最多有鐵鏽味, 唔難接受
2個讚