有用過Momiji Natural隻日用布m巾
始終係100%棉所以個質感唔會係好柔軟好舒服嗰隻，用多幾個cycle仲直頭起埋毛粒添
因為我係用天然洗衣皂+手洗，所以好難免會磨擦到布面搞到佢起毛粒
仲要除非你好有錢可以一次過買好多塊勤換，如果唔係一塊戴足幾個鐘其實會up到好臭，純棉質料又唔透氣，夏天你可以諗吓幾焗幾辛苦
咁唔舒服都算啦，重點係用落好麻煩
瞓醒起身一見到有血就要即刻衝入廁所洗，廢事啲血跡越留得耐越難洗得甩
又要襯日頭掛喺窗邊等佢一路乾一路曬太陽消吓毒
又要等佢入面嘅吸水層完全乾晒先可以拎嚟用
我自問係個大懶人，m嚟已經好辛苦唔想再搞咁多麻煩嘢，所以最後嗰塊布m巾我扔埋咗一邊冇再用了
超好用! 我用左布M巾之後返唔到轉頭! 返工換巾放入防水袋, 夜晚返到屋企沖涼時一次過洗下, 浸梳打粉, 朝早我放洗衣機洗! 好方便, 啲布又靚, 曬衫時見到心情都好啲!
我用 香港黃店 ecoluv 同台灣 sweettouch ! 鍾意ecoluv 多啲, 因為cutting 好, 連布護墊都唔會走位, 大愛!!!
大愛ecoluv
容易洗真係好重要（尤其day1/2 m痛緊）
圓形款
size剛好之餘仲唔會走位
重點係本地黃店
絲打，我都想試下用布化妝棉，有無推介?
我有，不過最後用M cup 熟手，唔洗再用布，但有種係成條undie 既，我反而想試，應該方便過布，未買布既可以search 一下。 livezero 店 有。
布M巾啱啱開始用，感覺唔錯。我朋友用緊杯，佢話好好同左慳錢
我係用呢隻呀，之前都係係amazon買野為左有免運費隨手加落購物車買埋ga ja
Ecoluv果個料難唔難洗？
我覺得唔難洗呀，吸濕面係有顏色既布料, 即使返左成日工乾左都只需浸浸水再用手初初佢就會出哂啲血出黎, 但佢比較厚身, 我鍾意朝早洗, 曬佢一日, 咁就唔驚佢唔乾
OK 喎, 下次可以試吓佢 THX
坦白講有機實在太貴
之前見到amazon有經濟啲嘅，小試牛刀就買嚟試下
質地似係絨布，但好防水，不過黑色都唔知洗唔洗得乾淨
冬天都還好，但夏天一定焗暈！
如果布m巾再加月經杯
咁咪超級經濟又環保？
係㗎，但香港買嘅布巾都唔平 
本身m量算少，好多時係頭兩日比較多，之後用護墊可能耐唔耐先有少少，覺得好浪費，加埋覺得普通m巾試左好多都唔係咁舒服，就鼓起勇氣試布m巾
都用左布m巾兩年啦，係台灣sweettouch，絨毛面好易洗 （有機棉果隻佢送左一塊，嘩，難洗到喊），通常我沖涼前先一次過洗果日用過嘅，用洗衣粉開暖水，沖涼前浸，沖完就過水，其實好似黎m整污糟底褲咁，無乜話好核突，通常我再放洗衣袋落機洗埋
由普通m巾轉去布m巾，第一個感覺係都幾厚，但唔係普通m巾唔舒服un住果種，係好似好多棉花包住咁，夏天雖然都會好似普通m巾咁有啲焗，但因為面料舒服，唔會好似普通m巾咁覺得刮住大脾內側，以前用普通m巾頂盡三個鐘一定要換（但有時返工未必可以），會覺得up住同好痕，布m巾就完全無
其實價錢上就咁睇係貴架，但我計過其實同買普通m巾差不多，仲舒服啲，所以基本上已經完全轉晒用布m巾，除非去旅行或者帶camp，無可能即日洗到+晾到，咁先用返普通m巾
誠意推薦，用左真係返唔到轉頭，btw布m巾啲pattern好靚，感覺黎m個人都開心啲
你用布m巾係咪黑色？好難睇到洗得乾唔乾淨
直接跳用杯。
一試愛上。
ecoluv好用啊！易洗好重要～
追完po對ecoluv好有興趣 買塊試試先
想順便問通常要幾多塊輪換先夠用？同埋出街用會唔會麻煩？
