放學食好D補返數
1個讚
我自細家貧,成日無飯食,我食垃圾食物食左十幾年,食到基因突變有172高~我係女人,全屋最高,有時身高就係咁奇妙無解
1個讚
如果係男仔真係會擔心,中四都好大個啦… 
係呀！佢上年年尾開始會擔心，會要求去睇中醫調理一下。
唔係唔睇西醫而係健康院檢查完話佢算合格的身高，所有無嘢幫到，叫佢食好睡好運動好
但已有做喇。佢依家166，15歲半希望仲有得高啦！
撇開個別家庭嘅基因問題，我覺得瞓得小呢個係主因！
而家啲小朋友真係好夜瞓。明明仲係bb時就要瞓好多覺，但幼兒時期啲父母就開始縱容佢哋越嚟越夜瞓！雖然我都明白可能有部份原因係逼不得已，不過其實好多人都係貪求自己嘅方便。到小朋友上晒小學，都已經改唔到啲習慣，仲點令到佢哋早啲瞓又瞓得著？
我仔嘅一班小學同學好多都好早瞓，先唔好講有幾個奇葩佢哋小六已經高過我一截(我160), 其他嘅升上初中有幾個都發育高咗好多，上到高中成班聚舊見面就個個都巨人咁起碼180！我哋成班家長都係average身高，我個仔同佢班舊同學亦唔係運動健將。不過我自己就真係有限制個仔作息時間，我覺得小朋友瞓多啲或者早睡早起有用過食啲咩補品啦！
我女勁細粒,健康院檢查都話佢仲係正常範圍,不過係最低線 
仲有得高架~叫你仔仔拉多D筋,同做木村光希既增高UN腳動作,健康院姑娘都話呢個動作有效
唔該哂，我會督促下佢的。講真佢身型ok的，係高度有待提升
1個讚
我仔中三前基本上10點前就入睡，小學時更9點半就瞓但佢都係唔識長高。依家陪佢最後衝刺，高得幾多得幾多，最緊要身體健康
真係正，你簡直係躺著都長高嘅人。
咁你仔女有無遺傳到你身高？如果有，真係可以慳咗好多後天嘅努力。
呢個UN腳動作，怕唔怕變成壞習慣性？
而且我讀書時，見個男仔上堂成日都UN腳，見到都煩又"銀"眼。最好笑個男仔日日UN腳都係好矮。
木村爸親自示範 1:32開始
其實呢組動作，向上嗰下每次停留5秒先落地，可以預防骨質疏鬆兼練小腿肌，任何年齡多做無壞呀 
2個讚
父母有條件但不關心當然係有問題.
但唔係人人都有條件備足三餐. 有時備左小朋友都未必鍾意帶/食自制飯盒,咁係咪要為左要勉強佢帶而傷感情?
1個讚
八段錦最後一式 - 背後七顛百病消
我女暫時好細粒,不過我都係中二先開始長高
按統計數字，全球人類都係比以前高咗，過咗青春期都仲好細粒嘅其實好少。
偏矮有好多原因：
-遺傳，真係大曬
-早咗青春期，飆高嘅年紀提早咗
-比以前嘅人更怕肥。以前小朋友養得肥係好事，唔敢太好營養。
-少睡眠少運動
-多咗情緒壓力問題，焦慮會生唔高
-係營養多咗，但不一定好咗。以前阿媽阿婆親下廚先最有營養。
依家多咗中學生唔夠訓，早餐唔食，走去買珍奶買舊飯糰求其一餐 lunch，夜晚都可能求其食。
飯商啲餐全部都有營養，政府規定學校又把關嘛！但係有幾多真係會清到個飯盒？
-坐姿唔好，又玩得電話多，冇伸展背脊同手腳。
1個讚
英國啲人高度又好奇怪，好似好多都偏矮。（雖然都有高到離晒譜）
好似我小朋友跟過嘅英國老師，有個唔過170，無論個樣同身型第一印象好似哈利波特個男星
。有個高到成度門咁高2米。
講起早咗青春期，女仔好似特別早咗發育。
我識有個女仔8歲半就開始（雖然話 8至13歲係女仔正常發育年齡，但係家長嚟講真係覺得好早）
雞翼珍珠奶茶塑化劑都會影響早熟，擔心嘅媽咪們可以考慮幫小朋友戒咗佢，不過提早青春期，我見呢度啲媽咪話都會繼續長高，不是嗎？
我而家買無激素雞翼，唔知會唔會影響少d