如果自助餐婚宴，只請親戚，包場真係有難度
我當年都唔夠數，但情願俾多幾個人頭錢算
咁我又覺得，佢請係邊間幾星酒店，或者幾時book都有影響
不過樓主咁介意，下次參加人哋婚禮就記得問清楚啦
1個讚
如果要賓客同其他街客一齊食，唔係人情嘅問題，係唔尊重賓客嘅問題，新人應該講清楚少少，比個心理準備人哋，自己就識換晒便服但唔單聲比人知，唔識做，亦好肉酸
7個讚
我就咁聽自助午餐都會以為係book左個hall比親友, 只係形式係自助餐, 所以都會dress up, 所以我明樓主嬲係邊
兩件事啦, 我做人情只睇交情, 唔睇地點, 唔通有親戚學莫文蔚咁係英國王宮搞婚宴, 我傾家蕩產比人情咩
2個讚
諗起黃子華, 婚宴搞得唔好, 嘥埋個新娘呀 
2個讚
如果係同街外人同一地點食的話, 而我dress up左, 會幾尷尬架
3個讚
比人情先睇交情，如果對方喺啲好高級地方搞，我會加多少少
真心真係會記成世
1個讚
我結婚後未寄得切啲相比人，我有個朋友夠膽死話我“爭佢嘢”，咁我都算，我最後寄返相比佢（我冇漏比任何一個賓客）；但到佢結婚完全冇比返相我，爭咗我十五年，我到而家都仲記得
真係陰公………
下次若佢擺滿月酒可以玩下嘢，做返兩百蚊一位俾佢，或者送啲可以用但唔啱佢心水既嘢
1個讚
係, 我都明白樓主覺得"中伏"個位係因為覺得"被騙", 以為係一個婚宴所以俾多d 人情, 點知係樓主去到時被酒店問到有無book 位, 好似d 賓客各自入去自己食自己埋單咁, 主人家安排得好差
我明白人數太少係好難book 場
但起碼主人家book 位時, 要求搵間房坐下, 或者要求酒店搵個屏風隔開下都得啩?
(我去過兩次午餐buffet 婚宴, 都係響果間酒店觀禮+食野, 係book 左成個hall)
4個讚
我都明
起碼有個area 同親戚傾吓偈，家下搭枱咁又奇怪D
不過我想問個邀請信息係新人講定係佢阿媽講比你阿媽知？如果阿媽s 講好大可能溝通出咗問題
我有個疏堂表妹結婚；佢嫁韓國人所以婚宴在韓國
咁我姑媽叫我幫佢book 機票；去到有人接佢同埋住「佢哋」到
問「佢哋」係邊個，住邊？個場地又響邊？ 乜都唔知，話去到就得架喇
最後我搵到啊表妹直接問；
原來韓國婚宴係根本冇預到其他親戚（佢哋之後香港會擺）
咩去到有人接又住佢哋到，全都係錯嘅信息
照計一定講清楚個喎，新人嘅責任
Nope，長輩高興起上嚟，乜都噏得出。
自己嫁女/娶新抱，「當然」係佢話事。
然後講/做左一大堆準新人唔知、令準新人吵晒大鑊嘅事。
呢個酒店自助餐又另一回事。
我有friend咁做，但講明好casual一家人食buffet，同平時一樣，只限至親。
6個讚
yes 就係咁
中間有段插曲（太長冇打出嚟）我姑媽乜都唔知，我唯有搵表姑（新娘阿媽）問
表姑又係講叫我幫姑媽book 邊日去到就「得架喇」
咁我話不如book 同你哋一班飛機啦，唔駛分開叫人接我姑媽，啊表姑先勉為其難俾表妹（新娘）個contact 我
表妹聽到就好無奈話其實個婚宴冇預其他親戚，但佢阿媽都有「提過吓」想我姑媽去，最多同佢住同一間hotel room and 多個位酒席有幾難
表妹話已經明確拒絕咗佢阿媽既要求所以唔明點解仲會有誤會
總之結論係兩老自己吹水，搞著我哋
4個讚
唔使比錢, 買 BB 禮物就 OK, 滿月唔知點解而家做到好似結婚要比人情咁做, 以前係好親既先叫去滿月宴, 一係買輕飄飄金或買 BB 仔衫就 OK.
1個讚
我撐你。
真係好 friend 我唔介意，呢啲觀完禮，快快脆脆食飯唔使餓住個肚走，幾好喎！
五時恭候八時入席九時有得食，仲要睇人做 show, 如果唔係咁熟嘅人，真心唔係咁投入。
根本就係自己想去，屈人招待，冇諗過新人根本冇安排
邊個出錢邊個話事，人哋喺韓國搞婚禮肯定唔係個新娘阿媽出，點解可以噏到另一個親戚去埋韓國出席仲book機票，痴筋
1個讚
睇下dress up到乜嘢地步
明顯想造成既定事實，人都去到都吹佢唔脹